مہوش حیات نےرمضان المبارک میں عمرے کی سعادت حاصل کرلی
اشاعت کی تاریخ: 30th, March 2025 GMT
مکہ مکرمہ(نیوز ڈیسک) پاکستان شوبز انڈسٹری کی معروف اداکارہ مہوش حیات نے رمضان المبارک کی مقدس راتوں میں عمرہ کی سعادت حاصل کرنے کی دل چھو لینے والی ویڈیو شیئر کردی۔
تفصیلات کے مطابق اداکارہ نے اپنی بہن افشاں حیات کے ہمراہ کیے گئے اس روحانی سفر کی تصاویر اور ویڈیوز شیئر کی ہیں جو تیزی سے وائرل ہورہی ہیں۔
یہ ممکنہ طور پر مہوش حیات کا اس سال کا دوسرا عمرہ ہے، کیونکہ گزشتہ ماہ 26 فروری کو بھی ان کی مکہ مکرمہ میں عبادت کرتی ہوئی ایک ویڈیو سامنے آئی تھی۔ وائرل ہونے والی تازہ ویڈیو میں دونوں بہنوں کو عمرے کے آخری لمحات میں برکتیں سمیٹتے اور خوشیوں سے سرشار دیکھا جا سکتا ہے۔
مہوش حیات نے اپنے جذبات کا اظہار کرتے ہوئے لکھا: ’’الحمدللہ! اللہ کے بے شمار فضل و کرم کا شکر ہے کہ مجھے اپنی بہن افشاں حیات کے ساتھ عمرہ ادا کرنے کی سعادت حاصل ہوئی۔ یہ سفر ہماری اللہ سے قربت کو مزید گہرا کرنے والا ثابت ہوا، جو سکون، غور و فکر اور شکر گزاری سے بھرا ہوا تھا۔ اللہ تعالیٰ ہمیں اپنی رحمت کے مزید قریب کر دے۔ آمین!‘‘
مہوش کی اس پوسٹ پر سوشل میڈیا صارفین اور شوبز شخصیات کی جانب سے ڈھیروں مبارکباد موصول ہو رہی ہیں۔ مداحوں نے ان کے اس روحانی سفر کو سراہتے ہوئے خوشی کا اظہار کیا ہے۔
مزیدپڑھیں:مولانا فضل الرحمان کو عید نماز گھر میں پڑھنے کا مشورہ
ذریعہ: Daily Ausaf
کلیدی لفظ: مہوش حیات
پڑھیں:
7 لاکھ 37 ہزار صارفین نے 2 ارب س ےزائد کی بچت حاصل کی
کے الیکٹرک نے دعویٰ کیا ہے کہ کراچی کے 7 لاکھ 37 ہزار صارفین نے 2 ارب روپے سے زائد کی بچت حاصل کی۔
ترجمان کے الیکٹرک عمران رانا نے کہا کہ بجلی سہولت پیکیج سے سیمنٹ، اسٹیل اور کیمیکل صنعتوں کو فائدہ ہوا۔
انہوں نے مزید کہا کہ 7 لاکھ 37 ہزار صارفین نے 2 ارب روپے سے زائد کی بچت حاصل کی، حکومت رعایتی پیکیج دے تو کراچی کی صنعتیں فائدہ اٹھائیں گی۔
ترجمان کے الیکٹرک نے یہ بھی کہا کہ صنعتی، تجارتی، گھریلو صارفین کو اضافی یونٹس پر 26 اعشاریہ 07 روپے فی یونٹ ادا کرنا تھا۔
اُن کا کہنا تھا کہ کے الیکٹرک کے صنعتی صارفین کو پیکیج سے 25 فیصد بچت ہوئی، صنعتوں نے 60 فیصد، تجارتی نے 21 فیصد اور گھریلو صارفین نے 19 فیصد اضافی یونٹس استعمال کیے۔
موسمیاتی تبدیلیاں: 1970 سے 4 ہزار ارب ڈالر کا نقصان، 20 لاکھ لوگ ہلاک ہوئے، اقوام متحدہ