گھریلو جھگڑے پر خاوند نے بیوی کو چھریوں کے وار سے قتل کر دیا
اشاعت کی تاریخ: 30th, March 2025 GMT
لاہور:
رائیونڈ چوکی جیابگا کے قریب خاوند نے گھریلو جھگڑے پر بیوی کو قتل کر دیا۔
پولیس کے مطابق مقتولہ کو اس کے خاوند نے چھریاں مار کر قتل کیا جس کی شناخت ساجدہ بی بی کے نام سے ہوئی۔
واقع کے بعد ڈولفن پولیس موقع پر پہنچ گئی جبکہ ملزم غفار موقع سے فرار ہوگیا۔ پولیس نے لاش کو تحویل میں لے کر ملزم کی تلاش شروع کر دی۔
مقتولہ کے دو بیٹے اور تین بیٹیاں ہیں۔
.ذریعہ: Express News
پڑھیں:
ارمغان کےگھر سے برآمد ہونے والا اسنائپر سمیت جدید اسلحہ کہاں سے آیا؟
انسداد دہشتگردی عدالت/جوڈیشل کمپلیکس مصطفیٰ عامر قتل کیس کے مرکزی ملزم ارمغان کے والد کامران قریشی کی گرفتاری سے متعلق کیس میں اہم معلومات سامنے آگئیں۔
پولیس رپورٹ کے مطابق ارمغان کےگھر سے برآمد ہونے والا اسنائپر سمیت جدید اسلحہ پشاور سے منگوایا گیا تھا۔ اسلحہ ارمغان کے والد کامران قریشی نے علاقہ غیر سے خریدا تھا۔ پولیس نے ملزم کامران قریشی سے متعلق رپورٹ عدالت میں جمع کرادی ہے۔
رپورٹ کے مطابق ملزم ارمغان قتل، اغوا برائے تاوان، پولیس مقابلہ و دیگر مقدمات میں جیل میں ہے۔ ملزم ارمغان کا والد کامران قریشی بھی منشیات اور غیر قانونی اسلحہ کیس میں جوڈیشل کسٹڈی میں ملیر جیل میں ہے۔ کامران قریشی سے اسنائپر و رائفل سمیت بھاری مقدار میں گولیاں بھی برآمد کی گئی تھیں۔
پولیس رپورٹ میں مزید بتایا گیا ہے کہ دوران تفتیش پایا گیا کہ ملزم کامران قریشی سے برآمد اسلحہ و ایمونیشن علاقہ غیر سے خریدا گیا۔ کامران قریشی سے برآمد موبائل فون سے اسلحہ خریدتے اور چیک کرتے وقت کی تصاویر اور ویڈیوز ملی ہیں۔
ملزم کامران قریشی ویڈیو کال کے ذریعے اپنے بیٹے کو بھی اسلحہ دکھاتا رہا۔ اس کے خلاف مقدمے میں اسلحہ ایکٹ کی دفعہ کا اضافہ کیا گیا ہے۔
پولیس رپورٹ میں بتایا گیا ہے کہ جوڈیشل مجسٹریٹ جنوبی کی عدالت سے بھی ملزم کی گرفتاری اور تفتیش کے لیے این او سی حاصل کی گئی۔ ملزم سے اس مقدمے میں مزید تفتیش کرنی ہے۔ جن سے اسلحہ خریدا ان کا پتا لگانا ہے، کس ذریعے سے اسلحہ صوبہ خیبر پختونخوا سے کراچی منتقل کیا گیا اور دیگر اصل حقائق بھی سامنے لانے ہیں۔ پولیس نے ملزم کامران قریشی کو اپنی کسٹڈی میں لینے کی اجازت مانگی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارمغان اسلحہ کراچی مصطفیٰ عامر قتل کیس
پاکستان نیوی نے یوم پاکستان پر خصوصی وڈیو جاری کردی