گوجرانوالہ: محرر کی لیڈی کانسٹیبل سے جنسی زیادتی، ویڈیو بنا کر بلیک میل بھی کرتا رہا
اشاعت کی تاریخ: 30th, March 2025 GMT
پنجاب کے ضلع گوجرانوالہ میں لیڈی کانسٹیبل سے زیادتی کرنے والے محرر کو گرفتار کرلیا گیا۔
رپورٹ کے مطابق لیڈی کانسٹیبل کے چچا کی شکایت پر سٹی پولیس افسر محمد ایاز سلیم نے فوری نوٹس لیا، لیڈی کانسٹیبل کے چچا کی مدعیت میں زیادتی کا مقدمہ درج کرکے لیڈی کانسٹیبل سے زیادتی کرنے والے تھانہ دھلے کے محرر کو گرفتار کرلیا گیا۔
سی پی او گوجرانوالہ نے کہا کہ مجرمانہ سرگرمیوں میں ملوث کالی بھیڑوں سے کسی قسم کی رعایت نہیں برتی جائے گی، ملزم محرر آصف کو فوری طور پر گرفتار کر لیا گیا ہے۔
سی پی او محمد ایاز سلیم نے کہا کہ مجرمانہ سرگرمیوں میں ملوث کالی بھیڑوں سے کسی قسم کی رعایت نہیں برتی جائے گی، محکمہ کی بدنامی کا باعث بننے والے ملازمین کے لیے محکمہ پولیس میں کوئی جگہ نہیں۔
رپورٹ کے مطابق ملزم کھانا کھلانے کے بہانے خاتون اہلکارکو ہوٹل لے کرگیا، ملزم محرر خاتون اہلکار کی ویڈیو بناکر اسے بلیک میل بھی کر رہا تھا، لیڈی پولیس اہلکار کی شکایت پر محرر کو گرفتار کر کے تحقیقات شروع کر دی ہیں۔
.ذریعہ: Express News
کلیدی لفظ: لیڈی کانسٹیبل گرفتار کر
پڑھیں:
ویڈیو: بیوی کی ٹک ٹاک نے شوہر کو نوکری سے معطل کرادیا
نیو دہلی:بیوی کی ٹک ٹاک ویڈیو نے پولیس کانسٹیبل شوہر کو نوکری سے معطل کرادیا۔
یہ واقعہ بھارتی شہر چندی گڑھ میں 20 مارچ کو پیش آیا تھا جس کی ویڈیو سوشل میڈیا پر وائرل ہوگئی۔
ویڈیو میں خاتون کو ایک مشہور ہریانوی گانے پر رقص کرتے دیکھا جا سکتا ہے جبکہ اردگرد ٹریفک جام ہو رہا ہے۔
خاتون اپنی نند کے ہمراہ گوردوارے گئی تھی جہاں سے واپسی پر انہوں نے ٹک ٹاک کی ریل بنائی۔
ویڈیو وائرل ہونے کے بعد ہیڈ کانسٹیبل جسبیر نے تھانے میں شکایت درج کرائی جس کے بعد پولیس نے تحقیقات کا آغاز کیا۔
پولیس نے خاتون اور اسکی نند کے خلاف عوامی مقامات پر رکاوٹ ڈالنے اور عوامی تحفظ کو خطرے میں ڈالنے کے الزامات کے تحت مقدمہ درج کرلیا۔
خاتون کے شوہر ٹریفک کانسٹیبل اجے کنڈو کو بھی معطل کر دیا گیا۔
اس فیصلے پر سوشل میڈیا پر ملا جلا ردعمل آیا، کچھ لوگوں کا کہنا تھا کہ کانسٹیبل کو ان کی اہلیہ کے عمل کی سزا نہیں ملنی چاہیے تھی جبکہ کچھ نے سوشل میڈیا پر ریل بنانے کے بڑھتے ہوئے رجحان کو تنقید کا نشانہ بنایا۔
ایک صارف نے تبصرہ کیا کہ معطلی کا فیصلہ غلط ہے اس نے تو بس تفریح کی تھی جبکہ دوسرے صارف نے لکھا کہ یہ ریل بنانے کی لت کیا ہو چکی ہے؟ لوگوں کو کچھ اور کام کرنا چاہیے۔
کینیڈا کے نئے وزیراعظم کی طرف سے ملک میں اچانک عام انتخابات کا اعلان، وجہ کیا بنی؟