مریم نواز کا چاند رات اور عیدالفطر پر فول پروف سکیورٹی انتظامات کا حکم
اشاعت کی تاریخ: 30th, March 2025 GMT
لاہور(ڈیلی پاکستان آن لائن)وزیراعلیٰ پنجاب مریم نواز نے چاند رات اورعیدالفطر پر فول پروف سکیورٹی انتظامات کا حکم دے دیا اور چاند رات پر بازاروں میں ویمن پولیس سکواڈ کے گشت کو بڑھانے کی ہدایت بھی کردی۔
نجی ٹی وی چینل آج نیوز کے مطابق وزیراعلیٰ پنجاب مریم نواز شریف نے چاند رات اور عیدالفطر پر فول پروف سیکیورٹی انتظامات اور بازاروں میں خواتین اور بچوں کا تحفظ ہر صورت یقینی بنانے کا حکم دے دیا۔وزیراعلیٰ مریم نوازکی ہدایت پر لاہور کے 6ٍ5 تجارتی مراکز پر اضافی نفری تعینات کردی گئی، بازاروں اور مارکیٹوں میں نگرانی کے لیے ڈرون کیمروں اور نائٹ ویژن دوربین کا استعمال شروع کر دیا گیا۔
پاکستان کا وہ ضلع جہاں نماز عید ادا کر دی گئی
چاند رات پر روڈز پر ون ویلنگ کی روک تھام کے لیے 55 مقامات پر ناکہ بندی اور پولیس تعینات کر دی گئی، اے ٹی ایم اور بینکوں کے اطراف میں 225 مقامات پر پولیس اہلکاروں کی ڈیوٹی لگا دی گئی۔
اس کے علاوہ بازاروں اور مارکیٹوں میں سماج دشمن عناصر کی آمد و رفت کی کڑی مانیٹرنگ کی ہدایت جاری کردی گئی ہے۔
مزید :.ذریعہ: Daily Pakistan
کلیدی لفظ: چاند رات
پڑھیں:
عیدالفطر ہر مسلمان کیلئے یوم تشکر اور اللہ تعالیٰ کا انعام ہے: مریم نواز
وزیراعلیٰ پنجاب مریم نواز شریف نے کہا ہے کہ عیدالفطر ہر مسلمان کیلئے یوم تشکر اور اللہ تعالیٰ کا انعام ہے۔وزیراعلیٰ پنجاب مریم نواز شریف نے اہل پاکستان کو عیدالفطر کی مبارکباد پیش کرتے ہوئے کہا کہ اللہ تعالیٰ سے یوم عید پر ہر فرد کی خوشی کیلئے دعا گوہوں، دلی دعا ہے ارض پاک پر اترنے والی خوشیوں کو کبھی زوال نہ آئے۔ان کا کہنا تھا کہ عیدالفطر ہر مسلمان کیلئے یوم تشکر اور اللہ تعالیٰ کا انعام ہے، عید الفطر احساس اور ایثار کا نام ہے، عید پر یتیم اور مساکین کا احساس اور دلجوئی کرنا سنت نبویﷺ ہے، عید صرف اپنے لئے خوشی منانے کا نام نہیں بلکہ دوسروں کی مدد کرنے والے زیادہ سکون اورخوشیاں پاتے ہیں۔مریم نواز نے کہا کہ عیدالفطر پر شہداء کے خاندانوں کو بھی یاد رکھا جائے، اللہ تعالیٰ نے ہمیں جتنی نعمتوں سے نوازا ہے اسی کے مطابق دوسروں کی مدد کیجئے، ان لوگوں کا خیال کیجئے جن کا دسترخوان عید کے روز بھی خالی ہے۔
افغانستان کی سرزمین پاکستان کیخلاف استعمال ہو رہی ہے، فیصل کریم کنڈی