اپریل کے وسط تک کپاس کی کاشت میں بہتری کی توقعات، رپورٹ
اشاعت کی تاریخ: 30th, March 2025 GMT
اکنامک پالیسی اینڈ بزنس ڈویلپمنٹ (ای پی بی ڈی) کی نئی رپورٹ میں بتایا گیا ہے کہ اپریل کے وسط تک کپاس کی کاشت میں بہتر پیداوار کی توقعات ہیں۔ ادارے کا کہنا ہے کہ کپاس کی فصل کو موسمیاتی تبدیلیوں کے اثرات سے بچانے کے لیے اس کی بروقت کاشت ضروری ہے۔
رپورٹ میں خبردار کیا گیا ہے کہ کپاس کی دیر سے بوائی موسمیاتی اثرات اور گلابی سنڈی کے حملوں کا باعث بن سکتی ہے، جو فی ایکڑ پیداوار پر منفی اثر ڈال سکتی ہے۔ ای پی بی ڈی کے مطابق، اگر کپاس کی بوائی 15 اپریل تک کی جائے، تو پیداوار میں 14 سے 35 فیصد تک اضافہ ممکن ہے، جس سے کسانوں کو مالی فائدہ بھی ہوسکتا ہے۔
ای پی بی ڈی نے مزید کہا کہ کپاس کی بروقت کاشت سے کسان ایک ایکڑ پر ڈیڑھ لاکھ روپے تک منافع کما سکتے ہیں۔ پنجاب حکومت کی طرف سے کپاس کی بروقت کاشت کے لیے 25 ہزار روپے کے اعلان کو خوش آئند قرار دیا گیا ہے، جس سے کسانوں کو حوصلہ ملے گا۔
ای پی بی ڈی کی رپورٹ کے مطابق، کپاس کی بہتر پیداوار نہ صرف ملک کی معاشی ترقی کے لیے اہم ہے بلکہ یہ روزگار میں بھی اضافہ کر سکتی ہے اور غربت میں کمی کا باعث بن سکتی ہے۔
اشتہار
ذریعہ: Al Qamar Online
کلیدی لفظ: پی بی ڈی کپاس کی سکتی ہے
پڑھیں:
تھیٹر کے نام پر فحاشی و بےحیائی پھیلانے کی اجازت نہیں دی جا سکتی، عظمیٰ بخاری
وزیر اطلاعات پنجاب عظمیٰ بخاری ۔ فوٹو فائلوزیر اطلاعات پنجاب عظمیٰ بخاری کا کہنا ہے کہ تھیٹرز کے نام پر فحاشی اور بےحیائی پھیلانے کی اجازت نہیں دی جا سکتی، تھیٹرز مالکان انڈرٹیکنگ کے مطابق تھیٹرز چلانے کے پابند ہیں، انڈرٹیکنگ کی خلاف ورزی پر تھیٹر چلانے کی اجازت نہیں ملے گی۔
ایک بیان میں عظمیٰ بخاری نے کہا کہ اسٹیج اداکار اور اداکارائیں تھیٹرز کو فیملی تھیٹرز بنانے میں کردار ادا کریں اور عید کے موقع پر تھیٹرز مالکان شہریوں کو اچھی اور معیاری تفریح فراہم کریں۔
وزیرِ اطلاعات پنجاب عظمیٰ بخاری کا کہنا ہے کہ وزیرِ اعلٰی کی ہدایت پر صوبے میں فول پروف انتظامات کیے گئے ہیں۔
انہوں نے کہا کہ غیرقانونی اور بغیر لائسنس کسی کو تھیٹرز چلانے کی اجازت نہیں، غیر قانونی اور بغیر لائسنس تھیٹرز چلانے پر سخت کارروائی ہوگی۔
عظمیٰ بخاری نے مزید کہا کہ اضلاع کے ڈی سیز اور ضلعی انتظامیہ پنجاب آرٹ کونسل کے نمائندوں سے رابطے میں رہیں، تھیٹرز کے نام پر فحاشی اور بےحیائی پھلانے کی اجازت نہیں دی جاسکتی، جلد خود پنجاب کے مختلف اضلاع کے تھیٹرز کے سرپرائز وزٹ کروں گی۔
فلسطینیوں کے ’رضاکارانہ انخلا‘ کے لیے نیا اسرائیلی ڈھانچا