Express News:
2025-04-01@05:12:48 GMT
کراچی: گاڑی کی ٹکر سے خاتون جاں بحق، دو سالہ بچی زخمی
اشاعت کی تاریخ: 30th, March 2025 GMT
کراچی کے علاقے ڈاکس میں مائی کلاچی روڈ پر نامعلوم گاڑی کی ٹکر سے خاتون جاں بحق اور دو سالہ بچی زخمی ہوگئی۔
تفصیلات کے مطابق ڈاکس کے علاقے مائی کلاچی روڈ ریلوے پھاٹک کے قریب تیز رفتار نامعلوم کار کی ٹکر سے 40 سالہ خاتون جاں بحق جبکہ دو سالہ بچی زخمی ہوگئی۔
جاں بحق ہونے والی خاتون اور بچی کی لاش چھیپا ایمبولینس کے ذریعے سول اسپتال منتقل کی گئی۔ پولیس کے مطابق شناخت کا عمل جاری ہے۔
.ذریعہ: Express News
پڑھیں:
گوادر میں بم دھماکہ، ہلاکتوں کی اطلاعات
گوادر ( اُردو پوائنٹ اخبارتازہ ترین۔ 29 مارچ 2025ء ) صوبہ بلوچستان کے معروف ساحلی شہر گوادر میں بم دھماکہ ہوا ہے جس کے نتیجے میں ہلاکتوں کی اطلاعات سامنے آئی ہیں۔ میڈیا رپورٹس کے مطابق پولیس حکام کی جانب سے دھماکے کی تصدیق کی گئی اور بتایا گیا ہے کہ میرین ڈرائیو کے علاقے میں سیکیورٹی فورسز کی ایک گاڑی کو نشانہ بنایا گیا، دھماکے میں سکیورٹی فورسز کی گاڑی کو نقصان پہنچا، اس دھماکے میں ابتدائی طور پر ایک شخص جاں بحق اور دو افراد زخمی ہوئے تاہم گوادر کے ڈپٹی کمشنر حمودالرحمان نے بم دھماکے میں کسی سکیورٹی اہلکار کے جاں بحق یا زخمی ہونے کی تصدیق نہیں کی، انہوں نے بتایا کہ دھماکے میں راہگیر جاں بحق ہوا اور 2 افراد زخمی ہوئے ہیں، زخمیوں کو طبی امداد کیلئے فوری ہسپتال منتقل کردیا گیا۔(جاری ہے)
دو روز قبل ہی کوئٹہ میں ڈبل روڈ پر واقعہ بڑیچ مارکیٹ کے قریب دھماکے میں 2 افراد جاں بحق 17 افرار زخمی ہوئے تھے، دھماکہ سڑک کنارے ہوا اس وقت ہوا جب سکیورٹی فورسز کی گاڑی گزر رہی تھی، واقعے کی اطلاع ملتے ہی ریسکیو اور امدادی ٹیمیں جائے وقوع پہنچ گئیں جنہوں نے زخمیوں کوفوری طور پر سول ہسپتال منتقل کیا، بم دھماکے سے پولیس کی گاڑی کو شدید نقصان اور قریب موجود موٹرسائیکل میں آگ بھڑک اٹھی، دھماکہ خیز مواد موٹر سائیکل میں نصب کیا گیا تھا، جس کے نتیجے میں ہونے والے دھماکے کے زخمیوں میں 4 پولیس اہلکار بھی شامل تھے۔ ترجمان حکومت بلوچستان شاہد رند کا کہنا تھا کہ صوبائی حکومت ڈبل روڈ پر مارکیٹ کے قریب ہونے والے دھماکے کی مذمت کرتی ہے، دہشت گردوں کے ناپاک عزائم ناکام بنائیں گے، واقعے میں ملوث عناصر کو کیفر کردار تک پہنچایا جائے گا، زخمیوں کو فوری طور پر ہسپتال منتقل کردیا گیا، سیکورٹی فورسز نے علاقے کوگھیرے میں لے لیا ہے۔
امت مسلمہ کے حکمرانوں نے امریکہ کی غلامی قبول کی ہوئی ہے، منعم ظفر خان