پہلا اسلامی ملک جہاں عید الفطر کی تاریخ کا باضابطہ اعلان کر دیا گیا
اشاعت کی تاریخ: 29th, March 2025 GMT
برونائی (اُردو پوائنٹ اخبارتازہ ترین۔ 29 مارچ 2025ء) پہلا اسلامی ملک جہاں عید الفطر کی تاریخ کا باضابطہ اعلان کر دیا گیا، 29 مارچ کی دوپہر کو شوال کے چاند کی پیدائش کے بعد کئی اسلامی ممالک میں چاند دیکھنے کی کوششیں جاری، دنیا کے بیشتر ممالک میں 31 مارچ کو عید ہونے کا امکان ۔ تفصیلات کے مطابق برونائی دارالاسلام دنیا کا پہلا اسلامی ملک ہے جہاں سب سے پہلے عید الفطر 1446 ہجری کی تاریخ کا باضابطہ اعلان کر دیا گیا۔
برونائی دارالاسلام میں 31 مارچ بروز پیر کو عید الفطر منائی جائے گی۔ جبکہ عید الفطر کے چاند کی پیدائش بھی ہو گئی۔ سپارکو کے سائنسی تجزیے کے مطابق شوال کا نیا چاند آج بروز ہفتہ 29 مارچ 2025 کو پاکستان کے معیاری وقت کے مطابق 15:58 بجے (3 بج کر 58 منٹ پر) پیدا ہو چکا۔(جاری ہے)
شوال کے چاند کی پیدائش کے بعد سعودی عرب، متحدہ عرب امارات سمیت وہ تمام ممالک جہاں آج 29 رمضان المبارک ہے، وہاں بعد ازا افطار چاند دیکھنے کی کوشش کی جائے گی۔
جبکہ سب سے پہلے آسٹریلیا میں عید الفطر کی تاریخ کا باضابطہ اعلان کیا گیا۔ آسٹریلیا میں مفتی اعظم اور فتوٰی کونسل کی جانب سے مشترکہ طور پر ماہ مبارک کے اختتام سے متعلق آسٹریلیا میں رہائش پذیر مسلمانوں کو آگاہ کر دیا گیا۔ آسٹریلیا دنیا کا پہلا ملک ہے جہاں رواں سال کی عید الفطر کی تاریخ کا باضابطہ اعلان کیا گیا ہے۔ آسٹریلین فتوٰی کونسل کی جانب سے جاری اعلامیہ کے مطابق آسٹریلیا میں عید الفطر 31 مارچ بروز پیز کو منائی جائے گی۔ دوسری جانب مصر کے نیشنل انسٹی ٹیوٹ فار آسٹرونومیکل اینڈ جیو فزیکل ریسرچ کی جانب سے 29 مارچ کو کئی اسلامی ممالک میں شوال کا چاند نظر آنے کا امکان ظاہر کر دیا گیا۔ آج نیوز اور ایکسپریس نیوز میں شائع ہونے والی خبر کے مطابق مصر کے نیشنل انسٹی ٹیوٹ فار آسٹرونومیکل اینڈ جیو فزیکل ریسرچ کی جانب سے شوال کے چاند کی رویت سے متعلق ایک حیرت انگیز پیشن گوئی کی گئی ہے۔ مصر کے نیشنل انسٹی ٹیوٹ فار آسٹرونومیکل اینڈ جیو فزیکل ریسرچ نے پیشگوئی کی ہے کہ دنیا کے تقریباً 30 شہروں میں 29 مارچ کو شوال کا چاند نظر آنے کا امکان ہے، جن میں مکہ مکرمہ، مدینہ منورہ، ریاض، انقرہ، تہران، مسقط، کراچی، لندن، ماسکو اور اوٹاوہ شامل ہیں۔ واضح رہے کہ مصر کے نیشنل انسٹی ٹیوٹ فار آسٹرونومیکل اینڈ جیو فزیکل ریسرچ نے 29 مارچ کو کراچی میں بھی شوال کا چاند نظر آنے کا امکان ظاہر کیا ہے، تاہم آج کراچی سمیت پاکستان بھر میں 28 رمضان المبارک ہے۔ جبکہ اماراتی فلکیاتی سوسائٹی کے چیئرمین ابراہیم الجروان کے مطابق عید الفطر 30 مارچ یا 31 مارچ کو ہوسکتی ہے۔ ان کا کہنا ہے کہ 29 مارچ کو امارات کے مقامی وقت کے مطابق دوپہر 2:58 بجے پر شوال کا چاند پیدا ہوگا، لیکن چونکہ سورج غروب ہونے تک چاند کی عمر صرف 3 گھنٹے ہوگی، اس لیے چاند دیکھنا مشکل ہوسکتا ہے۔ اگر ایسا ہوا تو عید 31 مارچ کو منائی جائے گی۔ جبکہ پاکستان میں محکمہ موسمیات نے ناصرف عید الفطر کی ممکنہ تاریخ بلکہ شوال کے چاند کی پیدائش سے متعلق بھی پیشن گوئی کردی۔ محکمہ موسمیات کے ترجمان کے مطابق 30 مارچ اور29 رمضان کورویت ہلال کمیٹی کااجلاس ہوگا۔ اجلاس کے وقت چاند کی عمر27 گھنٹے ہوگی، ماہ شوال کا چاند بآسانی دیکھاجاسکےگا، غروب آفتاب اورغروب قمر کے درمیان تقریباً ایک گھنٹے کا فرق ہے، چاند ایک گھنٹے تک دیکھا جا سکے گا۔ ترجمان کا مزید کہنا تھا 30 مارچ کوچاند نظرآنے کی توقع ہے، یکم شوال 31 مارچ کوہوگی، ماہ شوال کےچاند کاحتمی اعلان مرکزی رویت ہلال کمیٹی کرے گی۔.ذریعہ: UrduPoint
کلیدی لفظ: تلاش کیجئے عید الفطر کی تاریخ کا باضابطہ اعلان کے چاند کی پیدائش شوال کے چاند کی آسٹریلیا میں شوال کا چاند کر دیا گیا کی جانب سے کے مطابق کا امکان مارچ کو جائے گی
پڑھیں:
انڈیا کے ساتھ اور کون کون سے ملک پاکستانیوں کے ساتھ عید کریں گے
سٹی42: پاکستان دنیا میں اکیلا ملک نہیں جہاں کل اتوار کے روز یکم شوال کو عید نہیں ہو رہی۔ آسٹریلیا، انڈونیشیا، ملائیشیا اور برونائی میں بھی شوال کا آغاز آج کی بجائے کل اتوار کی شام کیا جائے گا اور عید الفطر پیر کو ہوگی۔ انڈیا اور ایران بھی عید پیر کے روز کرنے میں پاکستان کے ساتھ شامل ہو گئے۔
برونائی، انڈونیشیا اور پاکستان میں عید تو 31 مارچ کو ہو گی لیکن یہ فرق بہرحال ہے کہ وہاں مسلمان 30 روزے رکھنے کے بعد عید کریں گے اور پاکستان میں مسلمان 29 روزے رکھ کر ہی عید منائیں گے۔
سٹی @ 10 ، 29 مارچ ،2025
آج ہفتے کی رات تک برونائی دارالسلام، انڈونیشیا اور بعض دوسرے ملکوں میں متعلقہ اداروں اور حکومتوں نے کہا ہے کہ چونکہ آج شام شوال کا چاند نظر نہیں آیا اس لئے عیدالفطر پیر کے روز منائی جائے گی۔
آسٹریلیا نے عید الفطر کا پہلا دن پیر 31 مارچ کو ہونے کی تصدیق کر دی ہے۔
آسٹریلوی فتویٰ کونسل نے اعلان کیا ہے کہ سوموار 31 مارچ 2025 کو آسٹریلیا میں عید الفطر کا پہلا دن ہو گا۔
پھلوں اور سبزیوں کی آج کی ریٹ لسٹ -ہفتہ 29 مارچ, 2025
فلکیاتی اعداد و شمار اور شوال 1446 ہجری کے چاند کی رویت کی بنیاد پر فلکیاتی رصد گاہوں اور ہلال دیکھنے میں مہارت رکھنے والے سائنسی اداروں سے مشورہ کرنے کے بعد، آسٹریلیا کے مسلمانوں کی فتویٰ کونسل نے تصدیق کی کہ شوال کا چاند 29 مارچ 2025 بروز ہفتہ، سڈنی کے وقت (AEST) کی رات 9:57 پر پیدا ہوگا اور پرتھ کے وقت (AWST) کی شام 6:57 پر سورج غروب ہونے کے بعد پیدا ہوگا۔ چونکہ نیا چاند غروب آفتاب سے پہلے نظر نہیں آئے گا، اس لیے شوال اس دن شروع نہیں ہو سکتا۔
مدینہ منورہ ؛ خاتون کےتھپڑ کے جواب میں پولیس اہلکار کا تشدد
اس کے نتیجے میں، رمضان کا مہینہ 30 دن کا ہو جائے گا، اتوار، 30 مارچ 2025 کو، مقدس مہینے کا آخری دن ہوگا۔
انڈونیشیا میں چاند نظر نہ آنے کا باضابطہ اعلان کر دیا گیا ہے، جس کے بعد وہاں پر عید الفطر پیر کے روز ہوگی۔
اسی طرح ملائیشیا، آسٹریلیا اور برونائی میں عید سوموارکو ہوگی۔
ایران اور انڈیا
لطیف کپاڈیہ کومداحوں سے بچھڑے 23 برس بیت گئے
ایران اور انڈیا میں بھی علماؤں کو چاند نظر نہیں آیا۔ ان دونوں ممالک کے با اختیار علما نے اعلان کیا ہے کہ ان ملکوں میں شوال کا چاند نہیں آیا جس کے سبب عید الفطر 31 مارچ پیر کو منائی جائے گی۔
ایران نے اعلان کیا کہ شوال کے چاند کی شہادت موصول نہیں ہوئی۔عید الفطر 31 مارچ بروز پیر کو ہوگی۔
پاکستان میں شوال کا چاند دیکھنے کے یلے رویت ہلال کمیٹی کا اجلاس کل اتوار کو ہوگا۔
جناح ہسپتال کو ٹھیکے پر دینے کیلئے کمیٹی قائم
شوال کے چاند کی پیدائش آج سہ پہر3 بجکر 58 منٹ پر ہوگئی تھی۔ پاکستان میں رمضان کی اولین تاریخ بھی متنازعہ رہی کیونکہ دنیا کے بہت سے ملکوں میں پہلا روزہ افطار کیا جا رہا تھا تو پاکستان کے علما آسمان پر چاند تلاش کر رہے تھے۔ اب جب عالمِ اسلام کے مرکز سعودی عرب سمیت بہت سے ملکوں میں کل عید کی نماز پڑھنے کے بعد عید کی تقریبات کی جا رہی ہوں گی تو پاکستان میں علما آسمان پر چاند تلاش کر رہے ہوں گے تاکہ اسے دیکھ کر مسلمانوں کو عید کرنے کی اجازت دے سکیں۔
کل 30 مارچ کو غروب آفتاب کے وقت چاند کی عمر تقریباً 37 گھنٹے ہوگی، غروب آفتاب کے وقت چاند کی بلندی 14 ڈگری ہونے کا امکان ہے۔
Waseem Azmet
مصری جنگلی بلے کا اسرائیلی فوجیوں پر حملہ، متعدد زخمی