Daily Sub News:

پہلے بھی گندے انڈے پارٹی کو نہ توڑ سکے تو آگے کیا توڑیں گے، شیخ وقاص اکرم

اشاعت کی تاریخ: 29th, March 2025 GMT

پہلے بھی گندے انڈے پارٹی کو نہ توڑ سکے تو آگے کیا توڑیں گے، شیخ وقاص اکرم WhatsAppFacebookTwitter 0 29 March, 2025 سب نیوز

پشاور (سب نیوز)پاکستان تحریک انصاف کے مرکزی سیکرٹری انفارمیشن شیخ وقاص اکرم نے کہا ہے کہ ہمارا مینڈیٹ چوری کیا گیا اور اب ہمیں سیاسی سرگرمیوں کی اجازت نہیں ہے۔

پشاور میں پریس کانفرنس کرتے ہوئے انہوں نے کہا کہ ہمارے بہت سے ساتھی دو سالوں سے جیلوں میں ہیں، ہمارا مینڈیٹ چوری کیا گیا اور اب ہمیں سیاسی ایکٹیویٹی کی اجازت نہیں، ہمارے ساتھیوں کے کاروبار بند کئے گئے۔ان کا کہنا تھا کہ خان کی گرفتاری پر عوام نے احتجاج کیا گیا، سابق چیف جسٹس اف پاکستان نے ہم نے نشان چھین لیا، کے پی سینٹ کے انتخابات پر ابھی تک کوئی پیش رفت نہیں ہو رہی۔شیخ وقاص اکرم نے کہا کہ کیا وجہ ہے کہ ابھی تک الیکشن نہیں ہو رہے، اس پر قوم آپ کو کبھی بھی معاف نہیں کرے گی۔رہنما پی ٹی آئی نے کہا کہ عدالتی احکامات پر اڈیالہ جیل عمل درآمد نہیں کررہے، عمران خان کے مقدمات عدالتوں میں نہیں لگ رہے، اس صوبے کے علاوہ باقی پاکستان ہمارے لیے کنٹینرستان بن گیا ہے، ہم اٹک پل کے اس پار نہیں جا سکتے۔انہوں نے کہا کہ پیکا آرڈیننس کے بعد نہ صرف ہمارے لیے بلکہ میڈیا کے لئے بھی مسائل کا سامنا ہے، ہمارے لوگوں کو اٹھایا جا رہا ہے، طاقت کا استعمال کیا جا رہا ہے، ابھی تک ہمارے سوشل میڈیا کے گرفتار کارکنوں کو عدالتوں میں پیش نہیں کیا گیا،ملک میں طاقت کا ننگا ناچ جاری ہے، گرفتار کارکنان کو پیش کیا جائے، ایسے اقدامات سے نفرتیں بڑھیں گی۔

شیخ وقاص اکرم نے کہا کہ پھر کہتے ہیں کیوں نفرت کیا جا رہا، عدالتی فیصلوں کے باوجود عمران خان سے ملاقاتوں پر پابندی لگا دی گئی، عید کے بعد توہین عدالت کی درخواست دائر کررہے ہیں، اگر عدالت اپنی فیصلے منوا نہیں رہے اور اس کی بے توقیری کی جارہی ہے تو پھر یہ سلسلہ بند ہو چاہیے۔ان کا کہنا تھا کہ قوم سوال کررہی کہ اگر وہ ایک معمولی افسر سے عڈالتی فیصلے پر عمل درآمد نہیں کر سکتی تو پھر اس کو بند کیا جانا چاہیئے، عمران خان سے بند ملاقاتوں پر پابندی ختم کرنا چاہیے ۔ایسے افسران کو عبرت کا نشان بنانا چاہیے، امید ہے اب عمران کی بچوں سے بات کروا دی جائے گی اور کتابیں بھی فراہم کی جائے گی۔انہوں نے کہا کہ ایک شخص سے اتنا خوف کبھی نہیں دیکھا، نومبر کے بعد 5 ہزار کارکنان ہمارے گرفتار ہوئے ہیں، اگر ساتھ دینے والوں نے حکومت سے ہاتھ اٹھا لئے تو کل انہیں بھی مشکلات ہونگی، اور ہاتھ ہٹتے زیادہ دیر نہیں لگتی، پتہ بھی نہیں چلتا ہاتھ کب آٹھ گیا؟

.

ذریعہ: Daily Sub News

کلیدی لفظ: شیخ وقاص اکرم نے کہا کہ کیا گیا کیا جا

پڑھیں:

ہمارے پاس وفاقی حکومت گرانے کی طاقت ہے، وزیراعلی سندھ کا کینال معاملے پر وفاق کو پیغام

ہمارے پاس وفاقی حکومت گرانے کی طاقت ہے، وزیراعلی سندھ کا کینال معاملے پر وفاق کو پیغام WhatsAppFacebookTwitter 0 29 March, 2025 سب نیوز

کراچی (سب نیوز)وزیراعلی سندھ سید مراد علی شاہ نے کہا ہے کہ کالاباغ ڈیم کا بھی لوگ کہتے تھے بن رہا ہے، اب یہی صورتحال چولستان کینال پر کی جارہی ہے، ہمارے پاس وفاقی حکومت گرانے کی طاقت ہے۔

کراچی کے سینیر صحافیوں سے ملاقات کے دوران غیر رسمی گفتگو کرتے ہوئے ان کا کہنا تھا کہ اس وقت ملک میں سب سے اہم پانی کا معاملہ ہے، انڈس ریور سسٹم میں پانی کی کمی کا مکمل ریکارڈ ہمارے پاس موجود ہے، نگران حکومت میں واپڈا اسٹڈی کرتی ہے اور وہ عجیب قسم کی اسٹڈی ہے، دیامیر باشا ڈیم بننے کا بعد 6 ملین ایکڑ پانی ملے گا، نگران حکومت نے بھی اس بات پر اعتراض کیا۔وزیر اعلی سندھ نے کہا کہ کچھ دن بعد پنجاب حکومت ایک کینال نکالنے کی تجویز دیتی ہے، چناب دریا سے پانی لینگے، چولستان کینال بنانے کا کہا جس پر ہمیں اعتراض ہے۔ان کا کہنا تھا کہ اگر ان کے مطابق 27 ایم ایف پانی ڈیلٹا میں جارہا ہے تو ہمارا ڈیلٹا سرسبز ہونا چاہئے،ایکنک میں 6کینال کا پروجیکٹ لایا گیا جس میں بھی ہم نے اعتراض کیا، ارسا کے اس منصوبے پر ہم سی سی آئی میں بھی مخالفت کریں گے۔ وزیر اعلی سندھ نے کہا کہ صدر مملکت آصف علی زرداری سے کہا گیا کہ اضافی زمین آباد کرنا چاہتے ہیں اور صدر زرداری نے کہا اگر صوبوں کو اعتراض نہیں تو کریں، اس اجلاس کے منٹس بھی غلط بنائے گئے، اس کا یہ مطلب ہرگز نہیں کہ ایک اجلاس کے آپ کینال بنا سکتے ہیں، ارسا نے پانی کا سرٹیفکیٹ ہی غلط دیا ہے، ایک تو پانی دریا میں ہے ہی نہیں، پنجاب حکومت کے مطابق اپنا حصہ کا پانی چولستان کینال میں شامل کیا جائے گا، کیا پنجاب کے ان کسانوں اور چیف انجینئر سے پوچھا گیا ہے۔

مراد شاہ نے کہا کہ کالاباغ ڈیم کا بھی لوگ کہتے تھے بن رہا ہے، اب یہی صورتحال چولستان کینال پر کی جارہی ہے، گرین پاکستان انیشیٹو کو پنجاب حکومت نے زمین دی، جولائی اگست میں وہاں سولر سسٹم اور ٹیوب ویل کے ذریعے کارپوریٹ فارمنگ کی، میں یہ کہتا ہوں کینال نہیں بن رہے، پنجاب کا ضرور ارادہ ہے۔انہوں نے کہا کہ کالاباغ ڈیم کی مہم ایک آمر نے شروع کی اور محترمہ بینظیر بھٹو نے اس کے خلاف مہم چلائی، ابھی بھی اس کینالز معاملہ کو سی سی آئی میں آنا ہے، پروپیگنڈہ کے ذریعے لوگون کو بتا گیا کہ سندھ حکومت ملوث ہے۔ وزیر اعلی سندھ نے کہا کہ ہم نے سندھ اسمبلی سے ان کینالز کے خلاف قرار داد منظور کی، یہ معاملہ ایکنک میں موجود ہے ہم اس کی وہاں بھی سخت مذمت اور مخالفت کریں گے، یہ معاملہ ہمارے کنٹرول میں ہے ہم نہیں بنانے دینگے، ہمارے پاس پاکستان پیپلز پارٹی ایک طاقت ہے اور اہم اس کا استعمال بھی کریں گے، پروپیگنڈہ کے ذریعے لوگون کو بتایا گیا کہ سندھ حکومت ملوث ہے۔ان کا کہنا تھا کہ ہم نے سندھ اسمبلی سے ان کینالز کے خلاف قرار داد منظور کی، یہ معاملہ ایکنک میں موجود ہے ہم اس کی وہاں بھی سخت مذمت اور مخالفت کریں گے، یہ معاملہ ہمارے کنٹرول میں ہے ہم نہیں بنانے دینگے، ہمارے پاس پاکستان پیپلز پارٹی ایک طاقت ہے اور اہم اس کا استعمال بھی کریں گے، پاکستان پیپلز پارٹی کے بغیر یہ وفاقی حکومت چل نہیں سکتی۔وزیراعلی سندھ نے کہا کہ ہم سندھ کے حق کے لئے بات کرتے رہیں گے بلکہ یہ پاکستان کی بات ہے، وفاقی حکومت کو معلوم نہیں کیا مسئلہ ہے سی سی آئی اجلاس نہیں بھلانے کا، کنال منصوبے ابسٹریم سے شروع ہوتے ہیں، ہم نے فروری میں ٹیم بھیجی تھی وہاں کوئی کام نہیں ہورہاہے، میں نے ٹیم کو کہا کہ آپ انڈین بارڈر کے ساتھ ایک کینال ہے وہاں جائیں، ٹیم وہاں گئی اور کہا کہ وہاں کوئی کام نہیں ہورہا ہے، پھر اچانک ایک دن ہمیں پتہ چلا کہ جی یہ تو کنال بن رہا ہے۔مراد علی شاہ نے کہا کہ کینال پر بہت تیزی سے کام چل رہا ہے، ہم نے دوبارہ ٹیم کو مارچ میں بھیجا تو انھوں نے دیکھا کہ کینال بن رہے ہیں، جو کینال بن رہے ہیں وہ میں نے اسمبلی میں بھی دکھائے ہیں، کام ہوا کیا ہے، اب ادھر ہو کیا رہا ہے، سب کو معلوم ہونا چاہئے، گرین پاکستان انیشیٹو کے تحت حکومت پنجاب نے نگران حکومت میں 1.2 ملین ایکڑ کے قریب زمین دی۔

ان کا کہنا تھا کہ گرین پاکستانی انیشیٹو پر سب سوائل واٹر سے سولر ٹیوب ویلز لگاکر کام ہوا، 50 سے اوپر سولر ٹیوب بناکر ادھر کلٹیویشن شروع کی زمین کو لیول کیا، اس کے علاوہ انہوں نے ادھر ایگری مال ایک کانسپٹ بنایا ہے، وہاں فارمرز آئے ہیں انکو فرٹیلائزر بھی ایک جگہ اویلیبل کی گئی ہے، انہوں نے جو بنایا ہے اس سارے پروجیکٹ کی پی سی ون موجود ہے۔وزیر اعلی سندھ نے کہا کہ کارپوریٹ فارمنگ کیلئے یہ زمین دیں گے، مطلب کوئی بڑا انویسٹر ہے وہ ائے وہ پانچ ہزار ایکڑ زمین لے اب کوئی بھی انویسٹر ائے گا پانچ ہزار ایکڑ زمین لے گا وہ ضرور اپنی ڈیو ڈیلنگ کرے گا، جہاں تک میری اطلاح کسی نے کچھ نہیں لیا وہ ضرور ڈیلنگ کرے گا، اس کے لیے انہوں نے کام شروع کیا یہ سارا پتہ ہے بنایا ہے۔ انہوں نے کہا کہ انہوں نے جو یہ کنال جہاں کے ختم ہو جہاں ختم ہونا ہے ادھر انہوں نے کوئی چار پانچ سو فٹ کا وہ بھی کمپلیٹڈ نہیں ہے، اپ نے سب نے دیکھا ہے اور یہ کام کب ہوا ہے سارا جولائی اور اگست کے مہینے میں ہوا ہے، آپ جاننا چاہتے ہیں تو سیٹلائٹ امیجری جا کے پرانی امیجز دیکھ لیں، جولائی اگست میں یہ کام اس وقت ہوا تھا۔مراد علی شاہ نے کہا کہ کوئی چار پانچ سو فٹ کا ایک وہ جو دو مشینیں کھڑی ہیں، ایک واٹر کورس نکل رہا ہے جو سب سوائل واٹر سے ٹیوب ویلز کے ذریعے کر رہے ہیں، ہم نے کہا کہ پیسے کہاں سے آئیں گے اس کے، میں یہ پہلے بھی بتا چکا ہوں یہ اس وقت 218 ارب روپے کا پراجیکٹ تھا، انہوں نے اب تو شاید 225 ارب ہوچکے ہیں، جب اس کے اور ڈیٹیل میں دیکھیں گے تو یہ اور زیادہ ہوگا اوریجنل پراجیکٹ کے مطابق تو یہاں چنیوٹ پر ایک ڈیم بنانا تھا۔انہوں نے کہا کہ تقریبا ایک ٹریلین ڈالر کا پراجیکٹ ہے، حکومت پنجاب نے 218 ارب کا جو پی سی ون ہے اس میں انہوں نے لکھا تھا کہ ہم پہلے سال میں 45 ارب روپے خرچ کریں گے، گرین پاکستان انیشیٹو کے لئے عمرکوٹ اور دادو میں زمین دی ہے، سندھ حکومت نے 54 ایکڑ اراضی دی ہے۔وزیراعلی سندھ نے کہا کہ عمرکوٹ میں کچھ سرمایہ کاری ہوئی ہے جو وہاں موجود پانی سے کی گئی یے، ہم گرین انیشیٹو کے سندھ کی عوام کے مفاد میں بہت منصوبوں کے حق میں ہیں، ہم چاہتے ہیں کہ سکھر حیدرآباد مور وے کو مکمل کیا جائے، ہمیں یہ پنجاب میں روڈ بننے پر اعتراض نہیں ہم چاہتے ہیں کہ سندھ میں بھی وفاقی حکومت وہی عوام کی بہتری کے کام کریں، ہماری یہ کوتاہی ہے کہ کینالز معاملہ پر ہم اپنے لوگوں کو اعتماد نہیں دلا سکے۔ انہوں نے کہا کہ کالاباغ ڈیم پی سی ون میں موجود تھا پھر بھی ہم نے بننے نہیں دیا، صدر آصف علی زرداری نے مشترکہ پارلیمانی اجلاس میں واضح طور پر کینالز کی مخالفت کی، چیئرمین بلاول بھٹو زرداری نے بھی کہا ہے 4 اپریل کو اس پر واضح موقف پیش کریں گے، یہ ہمارے ڈی این اے میں نہیں کہ ہم سندھ کے خلاف جائیں۔

ان کا کہنا تھا کہ کالاباغ ڈیم پر بھی پاکستان پیپلز پارٹی نے بھرپور مہم چلائی اور بننے نہیں دیا، وزیر اعلی سندھ کینالز معاملہ صرف سندھ کا معاملہ نہیں یہ صوبوں کی ہم آہنگی کا معاملہ ہے، وزیراعظم پاکستان اس معاملہ کو ختم کرنے کے لئے اعلان کرے کہ وفاق اس منصوبے کی حمایت نہیں کرے گی۔ اگر وزیراعظم اعلان نہیں بھی کرتے تو ہم سندھ کی عوام کے ساتھ ہیں، فیصلہ صدر پاکستان نہیں کر سکتے یہ منٹس میں غلط لکھا گیا ہے۔وزیراعلی سندھ نے کہا کہ گرین پاکستان انیشیٹو کے مثبت کاموں سے اختلاف نہیں، سندھ سمیت پاکستان بھر کے لیے جو بہتر ہو ہم اس کے حق میں ہیں، صدر مملکت نے کینالز بننے کی منظوری نہیں دی وہ دے ہی نہیں سکتے، شہید محترمہ بینظیر بھٹو اور شہید ذوالفقار علی بھٹو کی پاکستان پیپلز پارٹی ان کینالز کے بننے کے خلاف ہیں، دریائے سندھ ہماری زندگی ہے، وفاق کو ہماری بات ماننی پڑے گی، اپوزیشن والے چاہتے ہیں کہ وفاقی حکومت ختم ہو جائے۔ان کا کہنا تھا کہ مگر ہم اپنے انداز میں بات کر رہے ہیں اور ہم کینالز کسی صورت بننے نہیں دینگے، ہمیں اپنے ملک کا بھی سوچنا ہے اور یہ بات واضح ہے ہم کینالز بننے نہیں دینگے، آئین اور قانون کی مدد سے ہم کینالز بننے نہیں دینگے، عوام ہمارے ساتھ ہے اور ہم اپنے لوگوں کے حق پر سمجھوتہ نہیں کریں گے۔وزیراعلی سندھ نے کہا کہ دریائے سندھ ہمالیہ سے شروع ہوتا ہے، پنجاب نے 1945 کے بعد دریا پر پانی کے منصوبے بنائے انہیں 1992 کے معاہدے میں قانونی بنا دیا، ہم 1992 کے پانی معاہدے کے خلاف ہیں مگر اس کے تحت بھی ہمیں حق نہیں ملتا، میں چاہتا ہوں سی سی آئی اجلاس بھلایا جائے۔انہوں نے کہا کہ ہمارے پاس وفاقی حکومت گھرانے کی طاقت ہے، ہم اپوزیشن کے کہنے پر نہیں کریں گے،سندھ کے لوگ پی ٹی آئی کو کبھی قبول نہیں کرینگے، چولستان کینال کا 35 فیصد کام ہونے کی غلط خبر ہے، ہمیں اس سال تقریبن 55 فیصد پانی کی کمی کا سامنا ہے، سندھ کے لوگ پی ٹی آئی کو کبھی قبول نہیں کرینگے۔ان کا کہنا تھا کہ چولستان کینال کا 35 فیصد کام ہونے کی غلط خبر ہے، ہمیں اس سال تقریبن 55 فیصد پانی کی کمی کا سامنا ہے، چولستان کینال کی مخالفت کرنے والوں نے تھل کینال کی حمایت کی تھی، ہم تھل کینال کے بھی مختلف ہیں اور چولستان کے بھی مخالفت ہیں، گرین انیشیٹو کے ساتھ سندھ حکومت پبلک پرائیویٹ پارٹنرشپ کے تحت کام کر رہی ہے، اگر حکومت گرتی ہے تو اس کے بہت سارے سائیڈ افیکتس ہوتے ہیں۔مراد علی شاہ نے کہا کہ ہر فورم پر کینالز معاملہ پر آواز اٹھائیں گے، سیمینار اور کانفرنسز بھی کروائیں گے، دریائے سندھ پر کینالز بنانے کے معاملہ پر سندھ حکومت اور عوام ایک ساتھ ہے، میں نے کسی جماعت پر الزام نہیں لگایا، کینالز کی مخالفت کرنے والی جماعت کے ہم ساتھ ہیں، میڈیا سے گزارش ہے کہ درست خبریں پہنچائیں تاکہ مثبت ماحول پیدا ہو سکے، اگر مجھ سے کوئی کوتاہی ہو تو مجھے آگاہ کریں۔انہوں نے کہا کہ دنیا کے عظیم رہنما شہید ذوالفقار علی بھٹو کو ایک ڈکٹیٹر نے قتل کیا، ہم 4 اپریل کو برسوں سے شہید عوام کو خراج عقیدت پیش کرتے ہیں، ہم نے آگے بڑھنا ہے اور کینالز معاملہ پر ایک دوسرے کا ساتھ دینا ہوگا۔ان کا کہنا تھا کہ صدر آصف علی زرداری جانتے ہیں کہ ان کے پاورز کیا ہیں، انہوں نے ملک کے اعلی ادارے میں دریائے سندھ پر کینالز کی تعمیر کی واضح طور پر مخالفت کی، کراچی کے لئے کے فور کا منصوبہ وفاق نے شروع کیا تھا، فنڈنگ 80 ارب روپے کی حاصلات ہم نے ورلڈ بینک کے تعاون سے کر کر ہے ہیں، کراچی کو حب ڈیم کی تعمیر کر رہے ہیں پہلے 60 ایم جی ڈی پانی آتا تھا اب اس میں کافی حد تک اضافہ ہو گا۔