لاہور کے مختلف مقامات سے 5افراد کی لاشیں برآمد،دو رکشہ ڈرائیور دل کا دورہ پڑنے سے انتقال کر گئے
اشاعت کی تاریخ: 29th, March 2025 GMT
لاہور(اُردو پوائنٹ اخبارتازہ ترین - این این آئی۔ 29 مارچ2025ء)صوبائی دارالحکومت لاہور کے مختلف مقامات سے 5افراد کی لاشیں برآمد ہوئی ہیں۔ ایدھی فائونڈیشن کے ترجمان کے مطابق مصری شاہ تیزاب احاطہ کے قریب 60سالہ رکشہ ڈرائیور حرکت قلب بند ہونے سے جاں بحق ہو گیا،متوفی کی شناخت 60سالہ محمد احمد کے نام سے ہوئی جو منچن آباد بہاولنگر کا رہائشی تھا۔
شفیق آباد کے علاقے سے بیہوشی کی حالت میں ملنے والا 75سالہ بزرگ ہسپتال میں دم توڑ گیا۔(جاری ہے)
مزنگ ٹیمپل روڈ سے 25سالہ نوجوان فٹ پاتھ کنارے مردہ حالت میں ملا جس کی شناخت نہیں ہوسکی۔سبزہ زار پی بلاک کے گھر سے ڈھانچہ نما لاش برآمد ہوئی ہے ، متوفی بظاہر نشے کا عادی معلوم ہوتا ہے جس کی شناخت نہیں ہوسکی ۔باٹا پور ، دھوبی محلہ میں42سالہ موٹر سائیکل رکشہ ڈرائیور جاں بحق ہو گیا،رکشہ ڈرائیور اچانک دل کا دورہ پڑنے سے جان کی بازی ہار گیا،متوفی کی شناخت علی شیر کے نام سے ہوئی جو موہلنوال لاہور کا رہائشی تھا۔پولیس اور تحقیقاتی اداروں کی کارروائی کے بعد میتوں کو ایدھی ایمبولینسز کے ذریعے مردہ خانے منتقل کردیا گیا۔
.ذریعہ: UrduPoint
کلیدی لفظ: تلاش کیجئے رکشہ ڈرائیور کی شناخت
پڑھیں:
عید پرمختلف مقامات پر پولیس کی اضافی نفری تعینات کرنیکا فیصلہ
لاہور(نیوز ڈیسک) آئی جی پنجاب ڈاکٹر عثمان انور نے کہا ہے کہ پنجاب میں عید کے موقع پر مختلف مقامات پر پولیس کی اضافی نفری تعینات ہوگی۔
تفصیلات کے مطابق آئی جی پنجاب ڈاکٹر عثمان انور کی زیر صدارت سینٹرل پولیس آفس میں اجلاس ہوا۔ جس سے گفتگو کرتے ہوئے آئی جی پنجاب نے کہا کہ چاند رات اور عید الفطر پر مساجد، مارکیٹوں اور تفریحی مقامات پر بھرپور سیکیورٹی فراہم کریں۔
ڈاکٹر عثمان انور نے بتایا کہ عید الفطر پر لاہور سمیت صوبہ بھر میں نمازِ عید کے 29 ہزار سے زائد اجتماعات ہوں گے اور ان اجتماعات کی سیکیورٹی پر47 ہزار سے زائد افسران و اہلکار تعینات ہوں گے۔
اُنہوں نے بتایا کہ لاہور میں 9 ہزار افسران و اہلکار سیکیورٹی کے فرائض انجام دیں گے۔
آئی جی پنجاب نے کہا کہ اسپیشل برانچ، سی ٹی ڈی، سیکیورٹی ایجنسیز دہشتگرد عناصر پر کڑی نظر رکھیں گے۔
اُنہوں نے یہ بھی بتایا کہ خواتین اور فیملیز کو ہراساں کرنے والوں کے خلاف کارروائی ہوگی۔
انہوں نے کہا کہ مارکیٹوں میں لیڈیز پولیس اسکواڈ کے بہترین نتائج سامنے آئے ہیں۔ اور کرائم کنٹرول ڈیپارٹمنٹ بھی جلد فعال ہو گا۔ جس کے لیے 5.6 ارب روپے فنڈز کی منظوری ہو چکی ہے۔
مزیدپڑھیں:پنجاب کی سینئر صوبائی وزیر مریم اورنگزیب کا بھیس بدل کر اسپتالوں کا دورہ
چینی صدر کا پاکستان کے قومی دن پر صدر زرداری کے نام تہنیتی پیغام