لاپتہ نرس کا فون نمبر نہ لینے پر تفتیشی افسر کی سرزنش
اشاعت کی تاریخ: 29th, March 2025 GMT
سندھ ہائی کورٹ----فائل فوٹو
سندھ ہائی کورٹ نے 24 اپریل تک لاپتہ افراد کے حوالے سے تحقیقاتی پیش رفت رپورٹ طلب کر لی۔
سندھ ہائی کورٹ میں لاپتہ افراد کیس کے حوالے سے سماعت ہوئی، جس میں جسٹس ظفر احمد راجپوت نے شناختی کارڈ اور فون نمبر حاصل کرنے کے لیے عدالتی عملے کو ہدایت کر دی۔
سماعت کے دوران جسٹس ظفر راجپوت نے کہا ہے کہ ہر لاپتہ شہری کی درخواست کے ساتھ شناختی کارڈ اور فون نمبرز بھی حاصل کیے جائیں، کئی کئی ماہ گزر نے کے باوجود تفتیشی افسران بنیادی معلومات حاصل نہیں کر پاتے۔
سندھ ہائی کورٹ نے لاپتہ افراد کیس میں فریقین سے 16 اپریل تک جواب طلب کرلیا ہے۔
انہوں نے کہا کہ موبائل فون کسی بھی شہری کی لوکیشن جاننے کے لیے انتہائی اہم ڈیوائس ہے۔
عدالتِ عالیہ میں آج ہونے والی سماعت کے دوران کراچی کے علاقے اقبال مارکیٹ سے لاپتہ نرس کی بازیابی سے متعلق درخواست کی سماعت ہوئی۔
تفتیشی افسر نے بتایا کہ لاپتہ خاتون کے کوائف معلوم کیے ہیں اور اقدامات کر رہے ہیں۔
جس پر عدالت کی جانب سے ریمارکس میں کہا گیا ہے کہ پسند کی شادی کے پہلو کا بھی جائزہ لیا جائے اور موبائل فون ڈیٹا سے بھی مدد لی جائے۔
تفتیشی افسر نے جواب دیتے ہوئے بتایا ہے کہ موبائل فون کا نمبر فراہم نہیں کیا گیا۔
جس پر عدالت کی جانب سے استفسار کیا گیا کہ فون نمبر فراہم نہیں کیا گیا یا آپ نے حاصل کرنے کی کوشش ہی نہیں کی؟
.ذریعہ: Jang News
کلیدی لفظ: لاپتہ افراد ہائی کورٹ فون نمبر
پڑھیں:
بانی پی ٹی آئی نے جنید اکبر کی جانب سے کی گئی تعیناتیاں واپس لینے کی ہدایت کی ہے، اعظم سواتی
بانی پی ٹی آئی نے جنید اکبر کی جانب سے کی گئی تعیناتیاں واپس لینے کی ہدایت کی ہے، اعظم سواتی WhatsAppFacebookTwitter 0 1 April, 2025 سب نیوز
راولپنڈی (سب نیوز) بانی پی ٹی آئی سے بشری بی بی، اعظم سواتی اور دیگر نے ملاقات کی، ملاقات کے بعد اعظم سواتی نے کہا کہ بانی پی ٹی آئی نے جنید اکبر کی جانب سے کی گئی تعیناتیاں واپس لینے کی ہدایت کی ہے۔ سردارخان اوراکرام اللہ پر کرپشن کے چارجز ہیں۔ بانی پی ٹی آئی کے فوکل پرسن نیاز اللہ نیازی کا کہنا ہے کہ پی ٹی آئی سیکرٹری جنرل سلمان اکرم راجہ نے کہا ہے کہ اعظم سواتی کی بات پر جنید اکبر سے بات کرونگا۔
راولپنڈی کی اڈیالہ جیل کے باہر میڈیا سے گفتگو میں سابق وزیر، اعظم سواتی کا کہنا تھا کہ میری آج بانی پی ٹی آئی سے دیگر دو لوگوں کے ہمراہ ملاقات ہوئی ہے، بانی پی ٹی آئی کو بتایا کہ سلمان اکرم راجہ آپ کا سودا نہیں کرینگے، سردار خان اور اکرام اللہ نیازی پر کرپشن کے چارجز کے باوجود انہیں عہدے دیئے گئے ہیں۔
انھوں نے کہا کہ میں نے بانی کو مانسہرہ کی کرپشن کے معاملات بارے بتایا اور کہا کہ کمیٹی کے معاملات سامنے لایا جائے، انھوں نے کہا ہے کمیٹی نے فیصلہ کیا ہے تو اسپیکر کے پی اسمبلی کو مستفی ہو جانا چاہیئے، جنید اکبر کے بارے بھی بانی پی ٹی آئی کو بتایا۔
اعظم سواتی کا کہنا تھا کہ بانی نے کہا ہے ان کی کی گئی تعیناتیوں کو فوری واپس کیا جائے، پنجاب کے معاملات پر بھی بانی کو بریف کیا بتایا عالیہ حمزہ کا راستہ روکا جارہا ہے، ہم نے بانی پی ٹی آئی کو ہر صورت جیل سے نکالنا ہے، علی امین گنڈا پور کرپشن کے معاملات پر خاموش نہیں۔
انھوں نے مزید کہا کہ ہم نے بانی کو ہر صورت جیل سے نکالنا ہے، علی امین گنڈا پور کرپشن کے معاملات پر خاموش نہیں بیٹھے اور علی امین گنڈا پور کی اجازت سے ہی میں بانی سے ملنے آیا ہوں۔
پی ٹی آئی سیکرٹری جنرل سلمان اکرم راجہ نے کہا ہے کہ اعظم سواتی کی بات پر جنید اکبر سے بات کرونگا،،پنجاب میں اگر کوئی مسئلہ ہے تو اس پر بھی گفت شنید ہوسکتی ہے،پارٹی میں کوئی لڑائی نہیں چھوٹے موٹے معاملات چلتے رہتے ہیں۔
اڈیالہ جیل راولپنڈی کے باہر سلمان اکرم راجہ سمیت دیگر پارٹی رہنماؤں کے ہمراہ میڈیا سے گفتگو میں بانی پی ٹی آئی کے فوکل پرسن نیاز اللہ نیازی کا کہنا تھا کہ اسلام آباد ہائیکورٹ کے لارجر بنچ کے فیصلے کے مطابق آج ملاقات نہیں کرائی گئی، سلمان اکرم راجہ کی مرتب کردہ فہرست کے مطابق صرف اعظم سواتی کی ملاقات کرائی گئی۔
نیاز اللہ نیازی نے کہا کہ ہم اسلام آباد ہائیکورٹ کے فیصلے کے ساتھ کھڑے ہیں، ان احکامات کی خلاف ورزی کی جارہی ہے، ہم توہین عدالت کی درخواست دائر کر رہے ہیں، مبشر مقصود اعوان نے میڈیا سے گفتگو میں کہا کہ بانی کہتے ہیں انہیں کتابیں نہیں دی جا رہی، سات ماہ سے بچوں سے فون پر بات بھی نہیں کرائی گئی اور سیاسی ملاقاتیں بھی نہیں کرنے دی جا رہی ہیں۔
اسلام آباد ہائیکورٹ نے عمران خان سے ہفتے میں 2 دن کی ملاقات بحال کر دی