ٹیسلا کو پھر مسئلہ: بی وائی ڈی نے ماڈل 3 کی ٹکر پر کم قیمت گاڑی لانچ کردی
اشاعت کی تاریخ: 29th, March 2025 GMT
بی وائی ڈی نے اپنی نئی کین ایل ای وی متعارف کرادی ہے جو ٹیسلا کے ماڈل 3 کی طرح ہی مکمل طور پر الیکٹرک سیڈان ہے لیکن نوجوان ڈرائیوروں کو راغب کرنے کے لیے اس کی قیمت مناسب رکھی گئی ہے۔
کین ایل ای وی کو بی وائی ڈی کے ای پلیٹ فارم 3.0 ایوو کی طرز پر بنایا گیا ہے جس میں معیاری سہولیات فراہم کی گئی ہیں۔
یہ بھی پڑھیں: بریتھ پاکستان: ہماری گاڑیوں سے کاربن اخراج میں 80 ملین ٹن کمی ہوئی، بی وائی ڈی
بی وائی ڈی کے مطابق کین ایل ای وی لمبائی میں 4،720 ملی میٹر، چوڑائی میں 1،880 ملی میٹر اور اونچائی میں 1،495 ملی میٹر ہے جس کا ویل بیس 2،820 ملی میٹر ہے۔ اس کے مقابلے میں چین میں پیش کردہ ٹیسلا ماڈل 3 4،720 ملی میٹر لمبا، 1،848 ملی میٹر چوڑا اور 1،442 ملی میٹر لمبا ہے جس میں 2،875 ملی میٹر وہیل بیس ہے۔
کین ایل ای وی 5.
بی وائی ڈی نے 119،800 آر ایم بی (تقریباً 16،530 ڈالر)، آر ایم بی 129،800 اور آر ایم بی 139،800 کی ابتدائی قیمتوں پر کن ایل ای وی کے 3 ورژن جاری کیے ہیں۔ اس کے برعکس چین میں ماڈل 3 کو 3 کنفیگریشنز میں پیش کیا گیا ہے۔ ان میں آر ایم بی 235،500 پر ریئر وہیل ڈرائیو، آر ایم بی 275،500 پر طویل فاصلے کی آل وہیل ڈرائیو ، اور آر ایم بی 339،500 پر کارکردگی آل وہیل ڈرائیو شامل ہیں۔
بیٹری، طاقت اور رینجانٹری لیول کین ایل ای وی میں 46.08 کلو واٹ کی بیٹری پیک ہے جس کی سی ایل ٹی سی رینج 470 کلومیٹر ہے۔ دیگر 2 ٹرمز میں 56.64 کلو واٹ کا پیک استعمال کیا گیا ہے جو 545 کلومیٹر سی ایل ٹی سی رینج فراہم کرتا ہے۔ تمام ورژن سنگل موٹر، ریئر وہیل ڈرائیو ہیں۔
بیس ماڈل کی موٹر 110 کلوواٹ کی پیک پاور اور 220 این ایم ٹارک فراہم کرتی ہے جبکہ اوپری 2 ویرینٹس میں 160 کلو واٹ کی موٹر ہے جو 330 این ایم ٹارک پیدا کرتی ہے۔
ورژن پر منحصر ہے، کار 4.1 سیکنڈ یا 3.1 سیکنڈ میں 0 سے 50 کلومیٹر فی گھنٹہ کی رفتار حاصل کرتی ہے. بی وائی ڈی نے 0-100 کلومیٹر فی گھنٹہ کے اعداد و شمار ظاہر نہیں کیے ہیں۔ 30 فیصد سے 80 فیصد گنجائش تک فاسٹ چارجنگ میں صرف 24 منٹ لگتے ہیں۔
اسمارٹ ڈرائیونگ سسٹمتمام کن ایل ای وی ورژن بی وائی ڈی (ڈی پائلٹ 100) اسمارٹ ڈرائیونگ سسٹم کے ساتھ بغیر کسی اضافی قیمت کے آتے ہیں۔ اس سیٹ اپ میں 12 کیمرے، 5 ملی میٹر ویو ریڈار اور 12 الٹراسونک ریڈار شامل ہیں، جو شاہراہوں پر این او اے (آٹو پائلٹ پر نیویگیٹ)، خودکار پارکنگ اور ریموٹ پارکنگ جیسے فیچرز کو قابل بناتے ہیں۔
یہ تیز رفتار آٹو پائلٹ خودکار ایمرجنسی بریکنگ اور بلائنڈ اسپاٹ مانیٹرنگ بھی پیش کرتا ہے۔ میموری نیویگیشن سمیت مزید افعال اوور دی ایئر (او ٹی اے) اپ ڈیٹس کے ذریعے آنے کی توقع ہے۔
مزید پڑھیے: چینی کمپنی بی وائی ڈی نے 2 الیکٹرک گاڑیاں پاکستان میں متعارف کرادیں
اضافی سیکیورٹی کے لیے بلٹ ان سنٹری موڈ شامل ہے۔ بی وائی ڈی کا ڈی لنک 100 اسمارٹ کاک پٹ 8.8 انچ ڈیجیٹل انسٹرومنٹ کلسٹر اور 12.8 انچ سینٹرل ٹچ اسکرین کے ساتھ آتا ہے جبکہ ہائی اینڈ ٹرم میں 12 انچ ہیڈ اپ ڈسپلے اور 15.6 انچ سینٹرل اسکرین شامل ہے۔
ڈیپ سیک کے مصنوعی ذہانت سے چلنے والا یہ نظام صوتی احکامات کو سپورٹ کرتا ہے۔
معیاری آلات میں تجدیدی بریکنگ، وائرلیس فون چارجنگ، اسمارٹ فون پر مبنی ریموٹ کنٹرول ، اور کی لیس انٹری کے لئے پیڈل شفٹر شامل ہیں۔
ڈرائیور کی نشست میں آٹھ طرفہ پاور ایڈجسٹمنٹ ہے اور اگلی مسافر نشست میں 4 طرفہ پاور ایڈجسٹمنٹ ہے۔ ٹرنک 460 لیٹر کارگو اسپیس اور فرنٹ ٹرنک میں اضافی 65 لیٹر فراہم کرتا ہے۔
مزید پڑھیں: چینی کمپنی بی وائی ڈی الیکٹرک کاروں کی ملکہ ٹیسلا کو کس طرح مات دے رہی ہے؟
اضافی ٹچ کے طور پر بی وائی ڈی کن ایل ای وی کو ایک ریفریجریٹر کے ساتھ فٹ کرتا ہے جو منفی 6 ڈگری سینٹی گریڈ تک ٹھنڈا ہوجاتا ہے یا 50 ڈگری سینٹی گریڈ تک گرم ہوجاتا ہے۔
نوجوان خریداربی وائی ڈی کی تازہ ترین ریلیز خاص طور پر نوجوان کار خریداروں کو ہدف بناتی ہے جو پریمیم قیمت ادا کیے بغیر ماڈل 3 سائز کی ای وی چاہتے ہیں۔ تقریباً 14،900 یورو سے شروع ہونے والی کن ایل ای وی کا مقصد ایک ہی پیکیج میں سستی اور جدید ٹیکنالوجی پیش کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بی وائی ڈی بی وائی ڈی ایل ای وی ٹیسلا ٹیسلا ماڈل 3ذریعہ: WE News
کلیدی لفظ: بی وائی ڈی ٹیسلا کین ایل ای بی وائی ڈی نے کن ایل ای آر ایم بی ملی میٹر شامل ہیں کرتا ہے
پڑھیں:
ہارڈ اسٹیٹ
میں جوں ہی سڑک کی دوسری سائیڈ پر پہنچا‘ مجھے پولیس مین نے روک لیا‘ اس کا پہلا سوال تھا ’’فارن آر لوکل‘‘ میں نے مسکرا کر جواب دیا ’’فارنر اینڈ ٹوریسٹ‘‘ اس نے مجھ سے پاسپورٹ مانگ لیا‘ میں نے پاسپورٹ اس کے حوالے کر دیا‘ اس نے پاسپورٹ کا معائنہ کیا‘ ویزے کا جائزہ لیا‘ موبائل سے پاسپورٹ کے پہلے صفحے کی تصویر کھینچی اور اس کے بعد پوچھا ’’کارڈ آر کیش‘‘.
میں نے حیران ہو کر سوال کیا ’’کیا مطلب‘ میں کیش یا کارڈ کیوں دوں گا؟‘‘ وہ مسکرایا‘ بیلٹ کے ساتھ لٹکی مشین اتاری اور بٹن دبایا‘ مشین سے چررچرر کی آواز آئی‘ رسید نکلی اور اس نے وہ رسید میرے ہاتھ میں پکڑا دی‘ رسید پر جلی حروف میں 45 یورو لکھا تھا‘ میں نے رسید دیکھی اور اس سے پوچھا‘ یہ رسید کس چیز کی ہے اور دوسرا پولینڈ کی کرنسی زلوٹی ہے لیکن تم نے رسید مجھے یوروز میں دی‘ اس کی کیا وجہ ہے؟
اس نے مسکرا کر جواب دیا ’’تم نے سڑک غلط جگہ سے پار کی تھی‘ پولینڈ میں زیبرا کراسنگ کے علاوہ سڑک پار کرنا جرم ہے اور یہ اس کا جرمانہ ہے‘ دوسرا لوکل شہریوں کو لوکل کرنسی میں جرمانہ ہوتا ہے اور فارنرز کو یوروز میں‘‘میں نے گھبراہٹ سے کہا ’’مجھے اس رُول کا پتا نہیں تھا‘ میں صرف وزٹ کرنے کے لیے پولینڈ آیا ہوں‘‘ اس نے پوچھا ’’کیا تمہارے ملک میں زیبرا کراسنگ نہیں ہیں‘‘
میں نے شرما کر جواب دیا ’’ہیں لیکن وہاں درمیان سے سڑک پار کرنے پر جرمانہ نہیں ہوتا‘‘ اس نے قہقہہ لگایا اور پھر بولا ’’ پھر تم لوگوں کو زیبرا کراسنگ پر پیسہ ضائع کرنے کی کیا ضرورت تھی؟‘‘ وہ رکا اور بولا ’’تمہیں بہرحال جرمانہ ادا کرنا پڑے گا‘
ہمارا رُول‘ رُول ہے‘‘ میں نے اس سے پوچھا ’’میں سیاح ہوں‘ فرض کرو میرے پاس جرمانے کی رقم نہیں ہے‘ تم پھر مجھ سے یہ رقم کیسے وصول کرو گے؟‘‘ اس نے ہنس کر جواب دیا ’’میں تمہارا پاسپورٹ لے جاؤں گا‘ تم رقم کا بندوبست کرو گے‘ جرمانہ ادا کرو گے اور پولیس اسٹیشن سے پاسپورٹ وصول کر لو گے۔
لیکن اس میں تمہارا بہت سا وقت اور انرجی ضائع ہو جائے گی لہٰذا بہتر یہی ہے تم جرمانہ یہیں ادا کر دو‘‘ میں نے مسکرا کر کہا ’’اور اگر میں اس کے باوجود جرمانہ ادا نہ کروں تو پھر‘‘ اس کا جواب تھا ’’ہم تمہیں ڈیفالٹر اور مجرم قرار دے دیں گے اور تم اس کے بعد شینجن ویزہ حاصل کر سکو گے اور نہ یورپ آسکو گے‘‘۔
وہ رکا اور اس کے بعد پوچھا ’’سر آپ کے پاس دو آپشن ہیں‘ جرمانہ ادا کریں یا پھر میں آپ کا پاسپورٹ تھانے جمع کرا دوں‘ آپ جلدی فیصلہ کریں‘‘ میں نے خاموشی سے کریڈٹ کارڈ اس کے حوالے کر دیا‘ اس نے کارڈ مشین کے ساتھ ٹچ کیا‘ اس میں سے 45 یوروز کی رسید نکلی‘ اس نے رسید اور پاسپورٹ دونوں میرے حوالے کیے‘ مجھے سلیوٹ کیا اور روانہ ہو گیا۔
یہ واقعہ وارسا میں پیش آیا تھا‘ میں نے درمیان سے سڑک پار کر لی تھی اور پولیس مین نے مجھے روک کر ٹھیک ٹھاک جرمانہ ٹھوک دیا تھا‘ اس نوعیت کادوسرا واقعہ سوئٹزر لینڈ میں بھی پیش آیا‘۔
میں نے جرمنی سے اپنے ایک دوست کی گاڑی لی اور ڈرائیو کرتا ہوا سوئٹزر لینڈ میں داخل ہو گیا۔ آدھی رات کا وقت تھا‘ سڑک خالی تھی‘ درو دور تک کوئی گاڑی نہیں تھی تاہم میرے پیچھے ایک گاڑی آ رہی تھی‘ میں مزے سے ڈرائیو کر رہا تھا‘ اچانک پچھلی گاڑی تیز ہوئی‘ مجھے کراس کیا‘ آگے نکلی اور سائرن کی آوازیں آنے لگیں‘ مجھے لاؤڈ اسپیکر کے ذریعے گاڑی سائیڈ پر روکنے کا حکم دیا گیا‘۔
میرے پیچھے آنے والی گاڑی پولیس کی تھی اور وہ پچھلے ساٹھ ستر کلومیٹر سے میرا پیچھا کر رہی تھی‘ میں نے گاڑی سائیڈ پر کھڑی کر دی‘ پولیس کار سے دو پولیس اہلکار نکلے‘ ایک پستول لے کر اپنی گاڑی کے پاس کھڑا ہو گیا جب کہ دوسرا میرے پاس آگیا‘۔
میرے دونوں ہاتھ گاڑی کی چھت کے ساتھ لگوائے گئے‘ گاڑی کی تلاشی لی گئی‘ میرا منہ سونگھا گیا اور مکمل تسلی کے بعد مجھے بتایا گیا‘ تم پچھلے 60 کلو میٹر سے مسلسل اووراسپیڈ ہو لہٰذا تمہارے پاس دو آپشن ہیں تم اور گاڑی دونوں تھانے میں بند ہوجائیں یا پھر تم جرمانہ ادا کر دو‘ میں نے ظاہر ہے جرمانے کی حامی بھر لی‘ پولیس مین میرا پاسپورٹ لے کر گاڑی میں گیا اور ہزار سوئس فرینک کی رسید لے کر واپس آ گیا‘۔
میرے ہاتھوں کے تمام طوطے اڑ گئے‘ ہزار سوئس فرینک اس زمانے میں لاکھ روپے بنتے تھے (آج یہ تین لاکھ 17 ہزارکے برابر ہیں) میں انھیں آدھا گھنٹہ اپنے پردیسی ہونے‘ غریب سیاح ہونے اور بے وقوف ہونے کی یقین دہانی کراتا رہا لیکن وہ ٹس سے مس نہیں ہوئے لہٰذا مجھے انھیں ہزار فرینک جرمانہ ادا کرنا پڑ گیا‘ وہ دن ہے اور آج کا دن ہے میں سوئٹزرلینڈ میں پیدل چلتے ہوئے بھی احتیاط کرتا ہوں۔
آپ اگر دنیا کے کسی ملک کے لاء اینڈ آرڈر‘ انصاف اور اخلاقیات کا اندازہ کرنا چاہتے ہیں تو آپ صرف اس کی سڑکیں دیکھ لیں‘ آپ کو پورا معاشرہ اور اس کا نظام آئینے کی طرح صاف دکھائی دے گا‘ آپ یقین کریں ریاست سڑک سے اسٹارٹ ہوتی ہے اورسڑک پر ہی ختم ہوتی ہے‘ اگر سڑکیں صاف ہیں اگر ٹریفک قاعدے سے چل رہی ہے اور اگر لوگ سلیقے سے گاڑیاں چلا رہے ہیں تو پھر اس ملک کے عوام بھی مہذب ہیں‘ قانون بھی سخت ہے‘ عدالتوں میں بھی انصاف ہے اور وہ ریاست بھی ہارڈ ہے۔
لیکن اگر آپ کو سڑکوں پر ڈسپلن‘ سلیقہ اور ٹریفک رولز کی پابندی نظر نہیں آتی تو پھر آپ آنکھیں بند کر کے اعلان کر دیں یہ ریاست سافٹ بھی ہے اور نالائق بھی ‘ میں دو تہائی دنیا دیکھنے کے بعد اس نتیجے پر پہنچا ہوں ہمارا ملک اول ریاست نہیں ہے‘ یہ صرف لوگوں کا ہجوم ہے‘ دوم ہم پانی کی طرح سافٹ ہیں‘ ہمیں جس طرف نشیب نظر آتا ہے ہم اس طرف بہہ جاتے ہیں اور اس بہاؤ کے دوران ہم یہ بھول جاتے ہیں ہمارا رخ چند لمحے قبل کس طرف تھا۔
ہمارے ملک میں بدقسمتی سے شخصی نظام ہے‘ ایک شخص بدلتا ہے تو پورے ملک کا مزاج بدل جاتا ہے‘ ہمارا آئین اور ہمارے ملی نغمے اور نعرے تک بدل جاتے ہیں‘ ہم مجاہدین کو خارجیوں اور خارجیوں کو مجاہدین میں تبدیل کرتے دس منٹ نہیں لگاتے‘ انڈیا کبھی ہمارا دشمن ہو جاتا ہے اور کبھی دوست‘ نواز شریف اور آصف علی زرداری کبھی سیکیورٹی رسک بن جاتے ہیں اور کبھی ملک کے محافظ اور محب وطن اورہم کبھی عمران خان کو سرٹیفائیڈ صادق اور امین بنا دیتے ہیں اور کبھی اشتہاری۔
آپ ذرا ریاست کی سافٹ نس ملاحظہ کیجیے‘ ہم کبھی اسے ریاست مدینہ بنا دیتے ہیں اور کبھی اسے جنرل مشرف کی ان لائیٹینڈ ماڈریشن میں تبدیل کر دیتے ہیں‘ میں بہرحال ناقابل یقین حد تک پرامید شخص ہوں چناں چہ پچھلے نعروں کی طرح اس بار بھی ریاست کے بیانیے پر یقین کر رہا ہوں۔
موجودہ آرمی چیف جنرل عاصم منیر ریاست کو ہارڈ اسٹیٹ بنانا چاہتے ہیں‘ میں ان پر بھی اسی طرح یقین کر رہا ہوں جس طرح میں نے جنرل باجوہ‘ جنرل مشرف اور جنرل ضیاء الحق پر کیا تھا‘ میں دل سے یہ بھی سمجھتا ہوں ریاست کو کسی بھی حال میں خالہ جی کا ویڑہ (صحن) نہیں ہونا چاہیے کہ جس وقت جس کا دل چاہے وہ منہ اٹھا کر جدھر چاہے گھس جائے اور جس طرف سے چاہے نکل جائے۔
ہم سے جو ملک جو مجرم یا قیدی مانگے ہم اسے اس کے حوالے کر دیں اور وہ بعدازاں وزیراعظم بن کر واپس آجائے اور باہر بھجوانے والے اسے لائین میں لگ کر سیلوٹ کریں‘ ہمیں ہارڈ اسٹیٹ ہونا چاہیے لیکن جنرل صاحب یہ یاد رکھیں ریاست سڑک سے اسٹارٹ ہوتی ہے اور سڑک پر ختم ہوتی ہے اور جس دن کوئی قوم ریاست کو سڑک پر ہارڈ کرلیتی ہے اس دن اس کی سرحدیں بھی ہارڈ ہو جاتی ہیں۔
لیکن بدقسمتی سے ہمارے ملک کی کوئی سڑک ہارڈ نہیں ہے لہٰذا ہم سر تاپا سافٹ ہیں چناں چہ ہم زیادہ نہ کریں ہم بس 20 کلومیٹر اور 20 لاکھ لوگوں کے شہر اسلام آباد کو ہارڈ اسٹیٹ کا پائلٹ پروجیکٹ بنالیں‘ ہم صرف وفاقی دارالحکومت کی ٹریفک کنٹرول کر لیں‘ ہم یہ فیصلہ کر لیں‘ اسلام آباد میں کوئی شخص لائسنس کے بغیر ڈرائیونگ نہیں کر سکے گا‘۔
ڈرائیونگ لائسنس شناختی کارڈ سے منسلک ہوگا اور یہ پوائنٹ بیس ہو گا‘ ٹریفک رولز کی خلاف ورزی سے پوائنٹس ڈاؤن ہوتے چلے جائیں گے اور یوں آخر میں شناختی کارڈز‘ پاسپورٹ اور بینک اکاؤنٹس بلاک ہو جائیں گے اور مجرم پراپرٹی خرید سکے گا اور نہ نوکری کر سکے گا‘۔
اسلام آباد میں کوئی موٹر سائیکل سوار اور اس کے پیچھے بیٹھا ساتھی ہیلمٹ کے بغیر نہیں ہوگا‘ کسی موٹر سائیکل پر تیسری سواری نظر نہیں آئے گی اور اگر آئے گی تو تینوں چھ ماہ جیل میں گزاریں گے اور ان سے جیل میں رہائش کا کرایہ بھی وصول کیا جائے گا۔
تمام سڑکوں پر ٹریفک کیمرے لگے ہوں گے‘ اوور اسپیڈنگ کا جرمانہ 20 ہزار روپے سے اسٹارٹ ہو گا‘ شہر میں 20 سال پرانی گاڑی نہیں چل سکے گی‘ گاڑیوں کا مینٹیننس سر ٹیفکیٹ اور انشورنس لازم ہو گی‘ اس میں کسی سے کوئی رعایت نہ کی جائے۔
دھواں پھینکنے والی گاڑی تیسری وارننگ کے بعد ہمیشہ کے لیے ضبط کر لی جائے اور زیبرا کراسنگ کے علاوہ کسی دوسری جگہ سے سڑک کراس کرنے والوں کو کم از کم پانچ ہزار روپے جرمانہ کیا جائے اور تیسری مرتبہ جرم دہرانے پر قید یا سال بھر کے لیے شناختی کارڈ ضبط کر لیا جائے۔
آپ یقین کریں سال دو سال میں اسلام آباد ہارڈ سٹی بن جائے گا اور جس دن یہ شہر ہارڈ سٹی بن گیا اس دن پوری ریاست ہارڈ اسٹیٹ بننا شروع ہو جائے گی لیکن اگر ہم اپنی رٹ 20 کلومیٹر کے اس شہر پر نافذ نہ کر سکے تو پھر ہم قیامت تک سات لاکھ مربع کلومیٹر کی ریاست کو ہارڈ اسٹیٹ نہیں بنا سکیں گے چناںچہ جنرل صاحب پلیز اسلام آباد کی سڑکوں سے اسٹارٹ لیں‘ ہم اگریہاں کام یاب ہو گئے تو پورے ملک میں ہو جائیں گے ورنہ پھر بھول جائیں۔
خوارج کی پاک، افغان سرحد کے ذریعے دراندازی کی کوشش، تمام 16 دہشتگرد ہلاک