شیعہ علماء کونسل کے تحت سکھر میں یوم القدس کے موقع پر احتجاجی ریلی کا انعقاد
اشاعت کی تاریخ: 29th, March 2025 GMT
سکھر پریس کلب پر اپنے خطاب میں علماء کرام نے کہا کہ غاصب اسرائیلی ریاست کی سرپرستی کرنے والی سامراجی طاقتوں کو باور کرانا چاہتے ہیں کہ وہ ظالم اسرائیل کی حمایت ترک کریں اور عالمی برادری پر زور دیں کہ وہ فلسطینی عوام کے خلاف مظالم کو فوری بند کروائے۔ اسلام ٹائمز۔ مرکزی یوم القدس کمیٹی شیعہ علماء کونسل پاکستان کی جانب سے علامہ سید ساجد علی نقوی کی اپیل پر ملک بھر سمیت سکھر میں بھی یوم القدس کے موقع پر قبلہ اول پر اسرائیل کے قبضے اور جارحیت کے خلاف مرکزی امام بارگاہ سے مرکزی القدس ریلی نکالی گئی جو شہر کے مختلف شاہراؤں سے گزرتی ہوئی سکھر پریس کلب پہنچ کر اختتام پذیر ہوئی۔ ریلی کی قیادت سید جواد حسین رضوی، مولانا محمد مٹھل شاہ نقوی، مولانا امداد حسین الحسینی، مولانا اختر حسین کاظمی، غلام عباس مہر، مولانا عبید اللّٰہ بھٹو ابن آزاد سمیت دیگر رہنما و علماء کرام کررہے تھے۔ شرکاء نے ہاتھوں میں مذمتی و مطالباتی تحریری پلے کارڈ و بینرز اٹھا رکھے تھے۔ اس موقع پر رہنماؤں نے خطاب کرتے ہوئے کہا کہ بیت المقدس سب سے پہلے مسلمانوں کے لیے ایک اہم مقام اور قبلہ اول ہے، اسرائیلی بربریت اور قبلہ اول کی ازادی تک احتجاج جاری رہیگا، علامہ ساجد علی نقوی کے حکم پر پاکستان بھر میں تحصیل سطح پر احتجاجی مظاہرے کیے جا رہے ہیں۔
انہوں نے کہا کہ غزہ پر جاری اسرائیلی حملے، فلسطینی عوام کے قتل عام اور انسانیت سوز مظالم کی شدید مذمت کرتے ہیں اور مظلوم فلسطینی عوام کے ساتھ مکمل اظہار یکجہتی کرتے ہیں۔ علماء کرام نے کہا کہ غاصب اسرائیلی ریاست کی سرپرستی کرنے والی سامراجی طاقتوں کو باور کرانا چاہتے ہیں کہ وہ ظالم اسرائیل کی حمایت ترک کریں اور عالمی برادری پر زور دیں کہ وہ فلسطینی عوام کے خلاف مظالم کو فوری بند کروائے انہوں نے حکومت سے مطالبہ کیا کہ وہ عوامی مفاد کے برخلاف ایسے منصوبوں پر نظرثانی کرے۔ ریلی کے آخر میں فلسطینی عوام کی حمایت اور اسرائیلی مظالم کے خلاف نعرے بازی کی گئی جبکہ عالمی برادری سے مطالبہ کیا گیا کہ وہ فلسطین میں جاری انسانی حقوق کی خلاف ورزیوں کا نوٹس لیں۔
ذریعہ: Islam Times
کلیدی لفظ: فلسطینی عوام کے کے خلاف کہا کہ
پڑھیں:
یوم القدس، تحریک بیداری امت مصطفی کراچی کے تحت عالمی انتفاضہ ریلی کا انعقاد
ریلی سے خطاب کرتے ہوئے مقررین نے کہا کہ عالمی یوم القدس ہمیں اس بات کا درس دیتا ہے کہ ہم فلسطینی عوام کے ساتھ کھڑے ہوں اور ان کی جدوجہدِ آزادی کی حمایت کریں، فلسطین کی مکمل آزادی تک یہ جدوجہد جاری رہے گی اور دنیا کے تمام مظلوموں کے حقوق کے لیے آواز بلند کی جاتی رہے گی۔ متعلقہ فائیلیںاسلام ٹائمز۔ تحریک بیداری امت مصطفیٰ (ص) کے زیر اہتمام عالمی یوم القدس کے موقع پر کراچی میں عالمی انتفاضہ ریلی نکالی گئی۔ ریلی جیل چورنگی سے براستہ یونیورسٹی روڈ مزارِ قائد تک جاری رہی، جس میں عوام کی کثیر تعداد نے شرکت کی۔ ریلی میں علمائے کرام، دانشوروں، طلبہ اور مختلف مکاتبِ فکر کے اکابرین شریک ہوئے۔ شرکاء نے اسرائیل کے خلاف شدید احتجاج کرتے ہوئے فلسطینی عوام کے حق میں نعرے بلند کیے اور عالمی برادری سے فلسطینی عوام کے حق میں عملی اقدامات اٹھانے کا مطالبہ کیا۔ اس موقع پر مقررین نے خطاب کرتے ہوئے کہا کہ عالمی یوم القدس ہمیں اس بات کا درس دیتا ہے کہ ہم فلسطینی عوام کے ساتھ کھڑے ہوں اور ان کی جدوجہدِ آزادی کی حمایت کریں۔ انہوں نے کہا کہ فلسطین کی مکمل آزادی تک یہ جدوجہد جاری رہے گی اور دنیا کے تمام مظلوموں کے حقوق کے لیے آواز بلند کی جاتی رہے گی۔ مقررین نے عالمی برادری، اقوامِ متحدہ اور مسلم ممالک کے حکمرانوں سے مطالبہ کیا کہ وہ فلسطین کے مظلوم عوام کے حق میں عملی اقدامات اٹھائیں اور اسرائیلی جارحیت کے خلاف مؤثر حکمتِ عملی اپنائیں۔ ریلی کے دوران شرکاء نے فلسطینی پرچم اٹھا رکھے تھے اور اسرائیلی مظالم کے خلاف نعرے بازی کرتے رہے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/@ITNEWSUrduOfficial
پنجاب پولیس کا سندھ کے سرحدی علاقے میں آپریشن، کچے کے دو خطرناک ڈاکو ہلاک