فیصل بینک کا انڈس ہسپتال کا دورہ، معاشرتی فلاح و بہبود کے عزم کا اعادہ
اشاعت کی تاریخ: 29th, March 2025 GMT
پاکستان کے معروف اسلامی بینکوں میں سے ایک فیصل بینک لمیٹڈ (ایف بی ایل) نے انڈس ہسپتال اینڈ ہیلتھ نیٹ ورک (آئی ایچ ایچ این) کے دورے کے دوران معاشرتی فلاح و بہبود کے عزم کا اعادہ کیا۔ اس موقع پر فیصل بینک بورڈ آف ڈائریکٹرز کے چیئرمین میاں محمد یونس نے ہسپتال کی نئی عمارت میں فلور کا افتتاح کیا۔
نیا فلور ہسپتال کی صلاحیت میں ایک قابل قدر اضافہ ہے، جو اُسے مربوط نظام اور مریضوں پر مرکوز ماحول کے ذریعے بہترین طبی سہولتیں فراہم کرنے کے قابل بنائے گا۔ فیصل بینک کے صدر اور سی ای او یوسف حسین نے آئی ایچ ایچ این کے صدر ڈاکٹر عبدالباری خان سے ملاقات کی اور ‘Own a Day’ اقدام کے پہلے کارپوریٹ شراکت دار کے طور پر اپنی حمایت کی توثیق کی، جو اسپتال کے یومیہ امور میں تعاون اور ضرورت مندوں کو معیاری طبی سہولتوں کی فراہمی کے عزم کی عکاسی کرتا ہے۔
فیصل بینک کے بورڈ آف ڈائریکٹرز کے چیئرمین میاں محمد یونس نے اس موقع پر کہا کہ فیصل بینک میں ہمارا یقین ہے کہ ترقی کا بہترین ذریعہ وہ مثبت تبدیلی ہے جو لوگوں کی زندگیوں میں تبدیلی لائے۔ انڈس ہسپتال کے ساتھ ہمارا تعاون صحت کی سہولتوں تک رسائی کو مستحکم بنانے اور ان افراد کی مدد کرنے کی جانب ایک قدم ہے جنہیں ان کی سب سے زیادہ ضرورت ہے۔ یہ ہمارے لیے اعزاز کی بات ہے کہ ہم ایک ایسے ادارے کے ساتھ کھڑے ہیں جو بے شمار لوگوں کے لیے امید اور شفا کا ذریعہ ہے۔
فیصل بینک کے صدر اور سی ای او یوسف حسین نے کہا کہ صحت کی سہولتیں ہر انسان کا بنیادی حق ہے۔ ہماری معاونت ہمیں ان ہزاروں افراد کی زندگیوں میں مثبت کردار ادا کرنے کا موقع فراہم کرتی ہے جو ان خدمات پر انحصار کرتے ہیں۔ ہمدردی اور خدمت کے اصولوں پر کاربند رہتے ہوئے فیصل بینک ایسے اقدامات کو فروغ دینے کے لیے پُرعزم ہے جو دیرپا اثرات مرتب کرتے ہیں۔
انڈس ہسپتال اینڈ ہیلتھ نیٹ ورک کے صدر ڈاکٹر عبدالباری خان نے کہا کہ فیصل بینک کا عزم کسی ایک نیکی کے عمل تک محدود نہیں بلکہ یہ ایک مسلسل تعاون ہے جو صحت کے شعبے میں سخاوت اور ہمدردی کی ایک پائیدار میراث قائم کرے گی، جو آنے والی نسلوں کو بھی فائدہ پہنچائے گی۔
ایسے اقدامات فیصل بینک کی بینکنگ خدمات کے ساتھ سماجی اثرات مرتب کرنے کے عزم کو تقویت د ے رہاہے جو پاکستان میں جامع اور مستحکم صحت کے نظام کی تشکیل میں اپنا کردار ادا کر رہا ہے۔
اشتہار
.ذریعہ: Al Qamar Online
کلیدی لفظ: انڈس ہسپتال فیصل بینک کے عزم کے صدر
پڑھیں:
ہم قانون کی حکمرانی کو برقرار رکھنے کے غیر متزلزل عزم کا اعادہ کرتے ہیں: چیف جسٹس
چیف جسٹس یحییٰ آفریدی نے کہا ہے کہ ہم قانون کی حکمرانی کو برقرار رکھنے کے غیر متزلزل عزم کا اعادہ کرتے ہیں۔چیف جسٹس نے عید الفطر کے موقع پر عدلیہ، قانونی برادری اور عوام کو عید کی مبارکباد دی۔ اپنے پیغام میں انہوں نے کہا کہ عید کا مبارک دن ہمیں ہمدردی، رواداری اور ایثار کی خوبیوں کی یاد دلاتا ہے۔انہوں نے کہا کہ ہم قانون کی حکمرانی کو برقرار رکھنے کے غیر متزلزل عزم کا اعادہ کرتے ہیں، دعا ہے یہ عید قوم کے لئے امن، خوشحالی اور خوشیوں کا باعث بنے۔انہوں نے کہا کہ اللہ کی عطا نعمتوں کو مہربانی اور سخاوت کے ساتھ بانٹیں، ایسی سوچ انصاف، دیانت اور انصاف کی بالادستی پر مبنی معاشرے کی ترغیب دیتی ہے۔
میں ہار تسلیم نہیں کروں گا، اکرم امام اوغلو کا سزا سنائے جانے کیبعد بیان