کراچی: ٹریفک حادثے میں موٹر سائیکل نوجوان جاں بحق
اشاعت کی تاریخ: 29th, March 2025 GMT
کراچی کے علاقے سائٹ ایریا اٹک پمپ کے قریب ٹریفک حادثے میں موٹر سائیکل سوار نوجوان جاں بحق ہوگیا۔
متوفی کی لاش ایدھی کے رضا کاروں نے سول اسپتال پہنچائی جہاں متوفی کی شناخت 25 سالہ ارسلان کے نام سے کی گئی۔
اس حوالے سے ایس ایچ او سائٹ بی سجاد خان نے بتایا کہ حادثہ منی ٹرک اور موٹر سائیکل کے درمیان تصادم کے نتیجے میں پیش آیا ہے۔
انہوں نے بتایا کہ حادثہ جمعے کی صبح پیش آیا تھا جس میں ایک ہی سڑک پر دوطرفہ ٹریفک کی وجہ سے موٹر سائیکل سوار اور منی ٹرک آمنے سامنے آگئے جس کے نتیجے میں موٹر سائیکل سوار جاں بحق ہوگیا۔
تاہم، پولیس نے موقع پر پہنچ کر ڈرائیور کو گرفتار کر کے منی ٹرک کو اپنے قبضے میں لے لیا۔
متوفی ارسلان اتحاد کالونی کا رہائشی تھا جس کی جمعے کی شام نماز جنازہ ادا کر دی گئی۔
دریں اثنا سپر ہائی وے ڈی ایچ اے سٹی انٹر چینج کے قریب دو کاروں کے درمیان تصادم میں ایک کار ڈرائیور سے بے قابو ہو کر الٹ گئی۔
ایدھی حکام کے مطابق حادثے میں 2 افراد زخمی ہوئے تھے جنھیں فوری طبی امداد کے لیے قریبی اسپتال لیجایا گیا۔
.ذریعہ: Express News
کلیدی لفظ: موٹر سائیکل
پڑھیں:
بھارتی فوجیوں کے ہاتھوں 3 کشمیری نوجوان شہید
ذرائع کے مطابق فوجیوں نے نوجوانوں کو ضلع میں راجباغ کے علاقے گھاٹی جوتھانہ کے گائوں جاکھول میں محاصرے اور تلاشی کی پرتشدد کارروائی کے دوران شہید کیا۔ اسلام ٹائمز۔ غیر قانونی طور پر بھارت کے زیر قبضہ جموں و کشمیر میں بھارتی فوجیوں نے اپنی ریاستی دہشت گردی کی تازہ کارروائی میں ضلع کٹھوعہ میں 3 کشمیری نوجوانوں کو شہید کر دیا ہے۔ ذرائع کے مطابق فوجیوں نے نوجوانوں کو ضلع میں راجباغ کے علاقے گھاٹی جوتھانہ کے گائوں جاکھول میں محاصرے اور تلاشی کی پرتشدد کارروائی کے دوران شہید کیا۔ علاقے میں بھارتی فوج راشٹریہ رائفلز، سینٹرل ریزرو پولیس فورس، بارڈر سکیورٹی فورس اور اسپیشل آپریشن گروپ کے اہلکار اتوار کے روز سے محاصرے اور تلاشی کی پر تشدد کارروائی جاری رکھے ہوئے ہیں۔ اطلاعات کے مطابق بھارتی فورسز نے نوجوانوں کو ایک جعلی مقابلے میں عسکریت پسند قرار دیکر قتل کیا۔ اس سے قبل اسی علاقے میں ایک حملے میں 4 بھارتی فوجی ہلاک اور متعدد زخمی ہو گئے تھے۔
کوئٹہ؛ سوشل میڈیا پر دہشتگردی کے حمایت یافتہ اکاؤنٹس چلانے والے متعدد افراد گرفتار