جنگ بندی کے باوجود غزہ میں اسرائیلی جارحیت جاری ہے، حاجی حنیف طیب
اشاعت کی تاریخ: 29th, March 2025 GMT
ایک بیان میں چیئرمین نظام مصطفی پارٹی نے کہا کہ غزہ میں درجنوں تاریخی مساجد اور چرچ منہدم ہوچکے ہیں، غزہ لہو لہو ہے، اقوام متحدہ انسانی حقوق کی تنظیمیں، عالمی ادارے، بین المذاہب ہم آہنگی کے ادارے بالخصوص مسلم حکمران غفلت کی نیند سے کب بیدار ہونگے۔ اسلام ٹائمز۔ چیئرمین نظام مصطفی پارٹی سابق وفاقی وزیر پیٹرولیم ڈاکٹر حاجی محمد حنیف طیب نے ایک بیان میں فلسطینی عوام سے اظہار یکجہتی کرتے ہوئے کہا کہ فلسطینیوں کا مسئلہ صرف فلسطینی عوام کا نہیں بلکہ عالم اسلام، عالم انسانیت کا مسئلہ ہے۔ انہوں نے کہا کہ مسجد اقصیٰ مسلمانوں کا قبلہ اول ہے، اسرائیلی جارحیت کیخلاف، قبلہ اول کے تحفظ اور آزادی کیلئے اُمت مسلمہ کو متحد ہوکر کردار ادا کرنے کی ضرورت ہے۔ ڈاکٹر حاجی محمد حنیف طیب نے اس بات پر گہری تشویش کا اظہار کرتے ہوئے کہا کہ چند دنوں کے امن کے بعد غزہ میں اسرائیلی حملے دوبارہ شروع ہونا لمحہ فکریہ ہے۔
حاجی حنیف طیب نے کہا کہ اسرائیلی بمباری سے چند دنوں میں مزید ایک ہزار سے زائد لوگ شہید ہوگئے جبکہ 7 اکتوبر 2023ء سے جاری اسرائیلی جارحیت کے نتیجے میں شہید ہونے والے فلسطینیوں کی تعداد 52 ہزار سے تجاوز کرگئی، ڈیڑھ لاکھ سے زائد زخمی ہیں، غزہ میں تعلیمی مراکز بھی بمباری سے مکمل تباہ ہوچکے ہیں، طبی سہولتیں میسر نہیں، درجنوں تاریخی مساجد اور چرچ منہدم ہوچکے ہیں، غزہ لہو لہو ہے، اقوام متحدہ انسانی حقوق کی تنظیمیں، عالمی ادارے، بین المذاہب ہم آہنگی کے ادارے بالخصوص مسلم حکمران غفلت کی نیند سے کب بیدار ہونگے۔
ذریعہ: Islam Times
پڑھیں:
پیپلزپارٹی کہیں نہیں جارہی ،پیپلزپارٹی قیادت کو اسی تنخواہ پر کام کرنا ہوگا، حنیف عباسی کا دعویٰ
اسلام آباد(نیوزڈیسک) وزیر ریلوے حنیف عباسی نے دعویٰ کیا ہے کہ پیپلزپارٹی حکومت چھوڑ کر کہیں نہیں جارہی ۔ پیپلزپارٹی قیادت نے اسی تنخواہ پر کام کرنا ہے ۔ سی پیک ختم کرنے کیلئے 10 لاکھ ڈالرز پاکستان تحریک انصاف (پی ٹی آئی) پر خرچ ہو رہے ہیں۔
وزیر ریلوے حنیف عباسی نےنجی ٹی وی سے گفتگو کرتے ہوئے کہا کہ پیپلز پارٹی نے اسی تنخواہ پر کام کرنا ہے۔ اور پیپلز پارٹی کل بھی ہمارے ساتھ تھی، آج بھی ہے اور پرسوں بھی ہو گی۔
انہوں نے کہا کہ گورنر پنجاب، گورنر خیبر پختونخوا اور صدر پیپلز پارٹی کے ہیں۔ اور ہمارے لیے آصف علی زرداری قابل احترام ہیں۔ یہ ہو نہیں سکتا کہ ہم پیپلز پارٹی سے لڑیں اور یہ حکومت اپنے باقی 4 سال پورے کرے گی۔
حنیف عباسی نے کہا کہ ہماری طرف سے کوئی ایسی بات ہونی نہیں کیونکہ ہمیں پتہ ہے کچھ ہونا نہیں اور ہمیں کیا ضرورت ہے کہ ان کو موقع دیں۔ آپ کے بغیر ہماری حکومت نہیں رہے گی تو پھر آپ کی بھی نہیں رہے گی۔
انہوں نے کہا کہ پرفارمنس پر بات کروں گا نہ کسی کو برا کہنا ہے اور نہ ہی کسی سے لڑائی لڑنی ہے جبکہ لوگ بدعائیں کر رہے تھے کہ پاکستان ڈیفالٹ ہوجائے۔
وزیر ریلوے نے کہا کہ کوئی عالمی مالیاتی ادارہ (آئی ایم ایف) کے باہر تو کوئی ورلڈ بینک کے باہر جا کر مظاہرے کر رہے تھے۔ اس سال ہمارا ترسیلات زر 35 ارب ڈالر کا ٹارگٹ ہے۔
حنیف عباسی کا کہنا تھا کہجعفر ایکسپریس پر حملے کی دنیا نے مذمت کی لیکن جعفر ایکسپریس پر حملے پر پی ٹی آئی وہی زبان بول رہی تھی جو بھارتی چینل کی تھی۔ بھارت نے سی پیک کو ختم کرنے کیلئے ہر مہینے ایک ملین ڈالر رکھا ہوا ہے اور یہ ایک ملین ڈالر پی ٹی آئی والوں پر خرچ ہورہے ہیں۔
انہوں نے کہا کہ بھارت باہر بیٹھ کر ان کو سپورٹ کر رہا ہے جبکہ کچھ طاقتیں اور بھی ہیں جو ان کے پیچھے کھڑی ہو جاتی ہیں۔ لیکن ہمیں کھل کر اپنی فوج کے ساتھ کھڑے ہونا ہو گا۔
سعودی عرب میں شوال کا چاند نظر آگیا، کل عید ہوگی
کوئٹہ؛ سوشل میڈیا پر دہشتگردی کے حمایت یافتہ اکاؤنٹس چلانے والے متعدد افراد گرفتار