امریکہ نظریاتی محاذ آرائی کو ہوا دینا بند کرے، چینی وزارت خارجہ
اشاعت کی تاریخ: 28th, March 2025 GMT
امریکہ نظریاتی محاذ آرائی کو ہوا دینا بند کرے، چینی وزارت خارجہ WhatsAppFacebookTwitter 0 28 March, 2025 سب نیوز
بیجنگ :چینی وزارت خارجہ کے ترجمان گو جیاکھون نے یومیہ پریس کانفرنس میں امریکی وزیر دفاع ہگ سیٹھ کی جانب سے امریکہ فلپائن کے ایک دوسرے کے ساتھ مل کر چین کا مقابلہ کرنے کے بیان کے حوالے سے سوال کے جواب میں کہا کہ امریکہ اور فلپائن کے درمیان کسی بھی تعاون کو تیسرے فریق کے مفادات کو نقصان نہیں پہنچانا چاہئے ،اور نام نہاد دھمکیوں کو بڑھا چڑھا کر پیش کر نے ، محاذ آرائی کو بھڑکا نے اور علاقائی تناؤ کو بڑھانے کی تمام کوششیں ختم کی جانی چاہیئں ۔
جمعہ کے روزترجمان نے اس بات پر زور دیا کہ بحیرہ جنوبی چین میں جہاز رانی اور پرواز کی آزادی کا کوئی مسئلہ نہیں رہا ہے۔ یہ امریکہ ہے جو بحیرہ جنوبی چین میں کشیدگی پیدا کرنے کے لئے اپنے اتحادیوں کے ساتھ ملی بھگت کر رہا ہے۔یہ امریکہ ہی ہے جس نے بار بار یہ جھوٹ پھیلایا ہے کہ “چین بحیرہ جنوبی چین میں جہاز رانی کی آزادی کے لئے خطرہ ہے” ، اور یہ امریکہ ہی ہے جو خطے کے امن و استحکام کو نقصان پہنچانے کی کوشش میں خطے میں اپنی فوجی تعیناتی کو مضبوط بنا رہا ہے۔
امریکہ کو سرد جنگ کی ذہنیت ترک کرنی چاہیے۔ نظریاتی محاذ آرائی پر اکسانا ، بحیرہ جنوبی چین میں کشیدگی پیدا کرنا ، اور خطے میں اختلافات پیدا کرنا بند کرنا چاہیے اور بحیرہ جنوبی چین میں تخریب کاری اور جرائم سے گریز کرنا چاہیے۔ترجمان نے مزید کہا کہ ہم فلپائن کو مشورہ دیتے ہیں کہ وہ ایسی سرگرمیوں کو بند کرے جن سے امریکہ پر انحصار کرتے ہوئے بحیرہ جنوبی چین میں فوجی محاذ آرائی کو بھڑکانے کی کوشش کی جا رہی ہے۔
.ذریعہ: Daily Sub News
کلیدی لفظ: محاذ ا رائی کو
پڑھیں:
میانمار، بینکاک زلزلہ: پاکستانی شہریوں کی ہنگامی مدد کے لیے رابطہ نمبرز جاری
وزارت خارجہ کا کہنا ہے کہ میانمار اور تھائی لینڈ میں زلزلے کے باعث پاکستانی شہریوں کی مدد کے لیے سفارتخانے الرٹ ہوگئے ہیں اور پاکستانی سفارتخانے ینگون اور بینکاک میں ہنگامی صورتحال میں معاونت فراہم کریں گے۔
یہ بھی پڑھیں: میانمار میں 7.7 شدت کا زلزلہ، بھارت، چین، بنگلہ دیش اور تھائی لینڈ تک جھٹکے محسوس کیے گئے
واضح رہے کہ میانمار میں تباہ کن زلزلے نے تباہی مچادی ہے اور اس کے جھٹکے تھائی لینڈ، بنگلہ دیش، بھارت، لاؤس اور چین میں بھی محسوس کیے گئے ہیں۔
رائٹرز کے مطابق زلزلے کا مرکز میانمار کا شہر سیگناگ میں 10 کلومیٹر زیر زمین تھا۔ زلزلے کے بعد 6.4 شدت کا آفٹر شاک بھی آیا جبکہ وقفے وقفے سے آفٹر شاکس کا سلسلہ جاری ہے۔
میانمار کے سرکاری ٹیلی ویژن کے مطابق زلزلے میں کم از کم 144 افراد ہلاک اور 732 زخمی ہوئے ہیں۔
وزارت خارجہ کے جاری کردہ اعلامیے کے مطابق وزارت خارجہ میں کرائسز مینجمنٹ یونٹ فعال کردیا گیا ہے اور پاکستانی شہریوں کی ہنگامی مدد کے لیے نمبر جاری کر دیے گئے ہیں۔
ینگون میں چارج ڈی افیئرز انوار زیب سے 959880922880 پر اور قونصلر محمد شعیب سے 959448999967 پر رابطہ کیا جاسکتا ہے۔
قونصلر اسسٹنٹ علی شیر سے 959457099977 پر رابطہ کیا جاسکتا ہے۔
بینکاک میں فرسٹ سیکریٹری فہد سے 66959681506 پر قونصلر اسسٹنٹ یاسین سے 66916977702 پر رابطہ کیا جاسکتا ہے۔
کرائسز مینجمنٹ یونٹ وزارت خارجہ اسلام آباد سے 0519207887 پر رابطہ کیا جاسکتا ہے۔
مزید پڑھیے: پاکستان کا میانمار، تھائی لینڈ اور پڑوسی ممالک میں تباہ کن زلزلے پر افسردگی کا اظہار
اسلام آباد۔28مارچ (اے پی پی):پاکستان نے میانمار، تھائی لینڈ اور پڑوسی ممالک میں تباہ کن زلزلے کی دل دہلا دینے والی خبر پر افسردگی کا اظہار کرتے ہوئے کہا ہے کہ ہماری ہمدردیاں اس سانحے سے متاثرہ تمام لوگوں کے ساتھ ہیں اور ہم تمام متاثرہ افراد کے ساتھ ساتھ زخمیوں کی جلد صحت یابی کے لئے دعاگو ہیں۔
ترجمان دفتر خارجہ کی جانب سے بیان میں کہا گیا ہے کہ ہم ان بہادر افراد اور ہنگامی امداد فراہم کرنے والوں کو سراہتے ہیں جو بچاؤ اور امدادی کارروائیوں کے لیے تندہی سے کام کررہے ہیں۔
مزید پڑھیں: میانمار میں 500 سے زیادہ پاکستانیوں کو جبری طور پر قید میں رکھنے کا انکشاف
ترجمان نے کہا کہ اس ہنگامی وقت میں ان کی بہادری اور عزم واقعی قابل تعریف ہے۔
انہوں نے کہا کہ ہم اس مشکل وقت میں متاثرہ حکومتوں اور کمیونٹیز کے ساتھ اپنی یکجہتی کا اظہار کرتے ہیں۔ انہوں نے متاثرین کے لیے شفا اور بحالی کی دعا بھی کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان دفتر خارجہ میانمار زلزلہ میانمار میں پاکستانیوں کے لیے فون نمبرز
علی امین گنڈاپور نے اسلام آباد میں اپنا قیام طویل کرلیا