میانمار میں 7.7 شدت کا زلزلہ، بھارت، چین، بنگلہ دیش اور تھائی لینڈ تک جھٹکے محسوس کیے گئے
اشاعت کی تاریخ: 28th, March 2025 GMT
میانمار میں 7.7 شدت کا زلزلہ آیا ہے، جس کے جھٹکے بھارت، چین، بنگلہ دیش اور تھائی لینڈ تک محسوس کیے گئے ہیں۔
غیرملکی میڈیا رپورٹس کے مطابق زلزلے کے باعث میانمار کے دارالحکومت نیپیڈو میں سڑکیں آمدورفت کے لیے بند ہوگئی ہیں۔
یہ بھی پڑھیں تبت میں 7.1 شدت کا زلزلہ، 30 سے زائد افراد ہلاک، متعدد عمارتیں منہدم
زلزلے کا مرکز میانمار کے شہر مڈلے سے قریباً 17.
امریکی جیولوجیکل سروے کے مطابق زلزلے کی شدت 7.7 محسوس کی گئی، جس کا مرکز میانمار میں 10 کلومیٹر زیر زمین تھا۔
میڈیا رپورٹس کے مطابق زلزلے کے جھٹکے بھارت، بنگلہ دیش، چین اور تھائی لینڈ میں بھی محسوس کیے گئے۔
زلزلے کے جھٹکوں کے باعث ہر طرف خوف و ہراس پھیل گیا، اور لوگ گھروں و دفاتر سے باہر نکل آئے۔
غیرملکی میڈیا کا کہنا ہے کہ زلزلے کے جھٹکوں کے باعث تھائی لینڈ کے دارالحکومت بینکاک میں کئی عمارتیں منہدم ہوگئی ہیں، اور ہر طرف افراتفری پھیل گئی ہے۔
مزید پڑھیں ترکیہ میں 15 ارب ڈالر کی لاگت سے زلزلہ متاثرین کے گھروں کی تعمیرِ نو کا آغاز
دوسری جانب میانمار حکومت کی جانب سے فی الحال جانی و مالی نقصان کے حوالے سے کوئی تفصیلات نہیں بتائی گئیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بینکاک تھائی لینڈ زلزلہ عمارتیں منہدم میانمار وی نیوزذریعہ: WE News
کلیدی لفظ: بینکاک تھائی لینڈ زلزلہ عمارتیں منہدم میانمار وی نیوز تھائی لینڈ زلزلے کے محسوس کی
پڑھیں:
میانمار میں زلزلے سے ہلاکتوں کی تعداد 1000 سے تجاوز کر گئی
اسلام آباد (اُردو پوائنٹ ۔ DW اردو۔ 29 مارچ 2025ء) جمعے کو میانمار کے وسطی حصے میں 7.7 شدت کا طاقتور زلزلہ آیا، جس کے جھٹکے دور دراز علاقوں جیسے کہ تھائی لینڈ کے شہر بینکاک تک محسوس کیے گئے۔
جمعے کو میانمار میں سات اعشاریہ سات کی شدت کے زلزلے کے جھٹکے تھائی لینڈ، بھارت، بنگلہ دیش اور چین میں بھی محسوس کیے گئے۔
میانمار کی فوجی حکومت نے ہفتے کے روز اعلان کیا ہے کہ ملک میں ہلاکتوں کی تعداد 1,002 ہو چکی ہے جب کہ زخمیوں کی تعداد 2,376 ہے۔
دنیا کے کئی ممالک، جن میں بھارت، انڈونیشیا، فرانس اور امریکہ شامل ہیں، نے امدادی کارروائیوں میں تعاون کی پیشکش کی ہے۔
جنوب مشرقی ایشیائی ممالک کی تنظیم آسیان نے ہفتے کے روز میانمار اور تھائی لینڈ کو امدادی سرگرمیوں میں مدد فراہم کرنے کی پیشکش کی ہے۔
(جاری ہے)
آسیان تنظیم کی جانب سے جاری کردہ بیان میں کہا گیا ہے کہ یہ تنظیم زلزلے سے متاثرہ خاندانوں اور کمیونٹیز کے ساتھ یکجہتی کا اظہار کرتی ہے۔
اس بیان میں آسیان نے وعدہ کیا کہ وہ متاثرہ ممالک کے ساتھ قریبی تعاون کرے گی تاکہ انسانی بنیادوں پر امداد اور ریلیف آپریشنز کو مؤثر بنایا جا سکے۔
تھائی لینڈ کے بڑے ہوائی اڈے محفوظ قرارتھائی لینڈ کے ہوائی اڈوں کے نگران ادارے نے تصدیق کی ہے کہ زلزلے کے بعد ملک کے چھ اہم ہوائی اڈے استعمال کے لیے محفوظ ہیں۔ بینکاک، چیانگ مائی، ہیٹ یائی، چیانگ رائی اور پھوكیٹ سمیت تمام ہوائی اڈے معمول کے مطابق کام کر رہے ہیں۔
میانمار میں ریسکیو آپریشن مشکلات کا شکار
2021 ء کی فوجی بغاوت کے بعد سے جاری خونی شورش کی وجہ سے پہلے ہی بحران کا شکار میانمار، اب ریسکیو آپریشن میں شدید مشکلات کا سامنا کر رہا ہے۔
زلزلے کے مرکز کے قریب شہر منڈالے میںبڑے پیمانے پر تباہیدیکھی گئی تاہم امداد کی فراہمی اس لیے سست ہو گئی ہے کہ شہر کا ہوائی اڈہ بھی شدید متاثر ہوا ہے۔
میانمار کی فوجی حکومت نے جمعے کو عالمی امداد کی اپیل کی۔ یہ ملک عام حالات میں غیرملکی مدد قبول کرنے میں ہچکچاہٹ کا اظہار کرتا ہے تاہم فوجی حکمران من آنگ ہلائنگ نے اس بڑی قدرتی آفت کے تناظر میں کہا ہے کہ ان کا ملک بیرونی مدد قبول کرنے کے لیے تیار ہے۔
عالمی ردِعمل اور امدادی سرگرمیاںاب تک کئی ممالک میانمار کی اس اپیل کا مثبت جواب دے چکے ہیں۔
چینی سرکاری خبر رساں ادارے سینہوا کے مطابق چین کی ایک ٹیم ہفتے کی صبح ینگون پہنچی، جس کے ساتھ زلزلہ پیما آلات، ڈرونز اور دیگر امدادی سامان موجود تھا۔ روس نے بھی 120 امدادی کارکنوں اور سامان کے ساتھ دو طیارے میانمار روانہ کیے۔اقوام متحدہ نے متاثرہ ممالک کی فوری امداد کے لیے 50 لاکھ ڈالرمختص کیے ہیں جب کہ بھارت کی جانب سے تلاش اور امدادی اور طبی ٹیموں سمیت صفائی کے کٹس، کمبل، خوراک کے پیکٹ اور دیگر ضروری اشیاء میانمار روانہ کی ہیں۔
امریکی صدر ڈونلڈ ٹرمپ نے بھی میانمار کے لیے امداد کی یقین دہانی کرائی ہے۔
ادارت : عاطف بلوچ
مریم نواز کا پاکستان کو ترقی یافتہ ملک بنانے کیلئے تمام صلاحیتیں بروئے کار لانے کا عہد