گوجرخان میں راجہ ہارون حفیظ کا گرینڈ افطار ڈنر، سابق وزیرِاعظم راجہ پرویز اشرف کی شرکت
اشاعت کی تاریخ: 28th, March 2025 GMT
گوجر خان :برطانیہ کی معروف کاروباری شخصیت اور سکلز کرکٹ اکیڈمی کے چیئرمین راجہ ہارون حفیظ کی طرف سے حسبِ روایت اس سال بھی گوجر خان کے سب سے بڑے گرینڈ افطار ڈنر کا اہتمام کیا گیا۔
اس پر وقار تقریب میں سیاسی و سماجی اور مذہبی شخصیات سمیت شہریوں کی بڑی تعداد نے شرکت کی۔
تقریب کے مہمانِ خصوصی سابق وزیرِاعظم پاکستان اور پیپلز پارٹی کے سینئر رہنما راجہ پرویز اشرف تھے، جنہوں نے اس عظیم الشان افطار ڈنر کا انعقا کرنے پر راجہ ہارون حفیظ اور کمیونٹی کیلئے دی جانے والی انکی خدمات کو زبردست الفاظ میں سراہا۔
اس بابرکت افطار ڈنر کے موقع پر عالمی شہرت یافتہ نعت خواں قاری محمد ندیم اعوان، نعت خواں ثاقب علی قادری نے نعت کے ذریعے شرکاء کے دلوں کو روحانی سکون بخشا۔جبکہ مرتضی کیانی عمار بٹ یوکے بھی خصوصی طور پر ایونٹ میں شریک ہوئے۔اس موقع پر راجہ ہارون حفیظ کی جانب سے قرعہ اندازی کے ذریعے عمرہ کے ٹکٹ بھی تقسیم کئے گئے۔
اس موقع پر راجہ ہارون حفیظ نے کہا کہ یہ افطار ڈنر نہ صرف روزہ داروں کے لیے ایک اجتماعی تقریب نہیں بلکہ اس کا مقصد بھائی چارے اور یکجہتی کو فروغ دینا بھی ہے۔۔عوام کی فلاح و بہبود کیلئے اپنی خدمات جاری رکھیں گے۔افطار ڈنر میں شریک معزز مہمانوں نے راجہ ہارون حفیظ کی اس کاوش کو سراہا اور امید ظاہر کی کہ یہ روایت مستقبل میں بھی اسی جوش و جذبے کیساتھ جاری رکھیں گے۔راجہ ہارون حفیظ خصوصی طور پر پروگرام میں شرکت کیلئے برطانیہ سے پاکستان تشریف لائے۔
Post Views: 1.ذریعہ: Daily Mumtaz
کلیدی لفظ: راجہ ہارون حفیظ افطار ڈنر
پڑھیں:
مریم نواز کے حکم پر ٹرانسپورٹرز کیخلاف گرینڈ آپریشن، 33 لاکھ روپے واپسی پر مسافر حیران، وزیراعلیٰ کا شکریہ
لاہور (نوائے وقت رپورٹ) وزیراعلیٰ پنجاب مریم نواز شریف کے حکم پر صوبہ بھر میں انتظامیہ، پولیس اور محکمہ ٹرانسپورٹ ان ایکشن۔ وزیر اعلیٰ مریم نواز شریف کی زیر نگرانی پبلک ٹرانسپورٹ کے کرایوں کی مد میں اوور چارجنگ کے خلاف گرینڈ آپریشن جاری ہے۔ تمام اضلاع میں گرینڈ آپریشن، مختلف اضلاع میں مسافروں کو 33 لاکھ 40 ہزار روپے سے زائد واپس دلائے گئے۔ اس کے ساتھ ساتھ اوورچارجنگ کرنے والے ٹرانسپورٹرز کو 23لاکھ سے زائد جرمانے عائد کئے گئے اور 1333 سے زائد گاڑیوں پر اوور چارجنگ ثابت ہونے پر چالان کئے گئے جبکہ 264گاڑیاں بند کر دی گئیں۔ کرایوں میں اوورچارجنگ کی مد میں ناجائز طور پر وصول کردہ رقم واپس ملنے پر مسافر حیران ہو گئے۔ مسافر نے تاثرات کا اظہار کرتے ہوئے کہاکہ شکریہ وزیراعلیٰ، پہلی دفعہ عید پر گھر جانے والے پردیسیوں کا کسی کو خیال آیا۔ بزرگ خواتین مسافروں نے وزیر اعلیٰ مریم نواز شریف کو دعائیں دیں۔ مریم نواز شریف کی ہدایت پر مسافروں کے لئے خصوصی ہیلپ لائن 99030222 042 بھی قائم کر دی گئی۔ محکمہ ٹرانسپورٹ کے ملازمین اور افسران کی چھٹیاں منسوخ، عید کے ایام میں محکمہ ٹرانسپورٹ کا سپیشل سکواڈ تمام بڑے بس سٹینڈز پر موجود رہے گا۔ وزیراعلیٰ مریم نواز شریف نے ڈپٹی کمشنرز، پولیس اور روڈ ٹرانسپورٹ اتھارٹی کے افسروں اور سٹاف کو شاباش دی۔ وزیر اعلیٰ نے عوام سے اپیل کی کہ صرف مقررہ کرایہ ہی ادا کریں۔ کرایہ نامے گاڑیوں اور ٹرانسپورٹ اڈوں پر نمایاں آویزاں کر نے کی ہدایت کی۔ علاوہ ازیں وزیراعلیٰ مریم نواز شریف نے ورلڈ زیرو ویسٹ ڈے پر اپنے پیغام میں کہا ہے کہ کرہ ارض کو آلودگی سے پاک کرنا سب کی ذمہ داری ہے۔ ستھرا پنجاب پروگرام کے تحت پنجاب کے ہر شہر کو زیرو ویسٹ کیا جا رہا ہے۔ محمود بوٹی ڈمپنگ سائٹ پر سوا کروڑ ٹن سے زائد کوڑا کرکٹ کا ڈھیر سرسبز جنگل اور سولر پارک میں تبدیل ہو رہا ہے۔ مریم نواز شریف نے کہاکہ پلاسٹک ویسٹ مینجمنٹ کے لیے پلاسٹک بیگز پر پابندی کو یقینی بنایا جا رہا ہے۔ کسانوں کو سبسڈی پر سپر سیڈرز دئیے جا رہے ہیں۔ صوبہ میں فیکٹریوں اور صنعتوں میں ماحولیاتی قوانین کا نفاذ یقینی بنایا جا رہا ہے۔ پہلی کلائمیٹ چینج پالیسی اور جامع پلان ماحولیاتی آلودگی سے نمٹنے کیلئے گیم چینجر ثابت ہو گا۔ ہر شہری کی سماجی ذمہ داری ہے وہ پلاسٹک کا استعمال ترک کرے۔ وزیر اعلیٰ مریم نواز شریف نے شوال المکرم کا چاند نظر آنے پر مبارکباد دی ہے۔ کہا کہ دعا ہے کہ اللہ تعالی ہم پر شوال کا یہ چاند امن، ایمان، سلامتی اور اسلام کے ساتھ طلوع فرمائے۔ روزے، نمازیں، نوافل اور عبادات قبول فرمائے۔ وزیراعلی مریم نوازشریف نے کہاکہ عید الفطرکا چاند ہر گھر میں امن، سکون اور خوشیاں لائے۔ ہر دن اور ہر رات امن وسلامتی کی ہو۔ مریم نوازشریف نے اہل پاکستان کو عید الفطر کی مبارکباد دی۔ کہا اللہ تعالی سے یوم عید پر ہر فرد کی خوشی کے لئے دعا گو ہوں۔ دلی دعا ہے کہ ارض پاک پر اترنے والی خوشیوں کو کبھی زوال نہ آئے۔ عیدالفطر ہر مسلمان کے لئے یوم تشکر اور اللہ تعا لی کا انعام ہے۔ عید الفطر پر یتامیٰ اور مساکین کا احساس اور دلجوئی کرنا سنت نبویؐ ہے۔ عید الفطر کے روز شہداء کے خاندانوں کو بھی یاد رکھا جائے۔ گلی محلے میں ان لوگو ں کا خیال خود کیجئے جن کا دسترخوان عید کے روز بھی خالی ہے۔
چوتھا ٹی 20: پاکستان کا نیوزی لینڈ کیخلاف ٹاس جیت کر فیلڈنگ کا فیصلہ