عید الفطر کے لیے پردیسیوں کی واپسی پر ٹرانسپورٹ مافیا سرگرم
اشاعت کی تاریخ: 28th, March 2025 GMT
عید الفطر کے موقع پر اپنے گھروں کو واپس جانے والے پردیسیوں کی تعداد میں اضافہ ہوتے ہی ٹرانسپورٹ مافیا متحرک ہو گیا ہے اور من مانے کرائے وصول کیے جا رہے ہیں بس اڈوں اور ریلوے اسٹیشنوں پر رش بڑھنے کے ساتھ ہی ٹرانسپورٹرز نے کرایوں میں بے جا اضافہ کر دیا ہے جبکہ حکومتی مشینری بھی خاموش تماشائی بنی ہوئی ہے مسافروں کا کہنا ہے کہ ہر سال عید پر یہی صورتحال دیکھی جاتی ہے اور کوئی بھی حکومت اس مسئلے کو حل کرنے میں سنجیدہ نظر نہیں آتی پانچ افراد پر مشتمل فیملی کے لیے عید کی خوشیوں پر پہنچنے سے پہلے ہی مشکلات کھڑی ہو جاتی ہیں عام طور پر 1500 روپے کرایہ وصول کیا جاتا تھا لیکن اب یہی کرایہ 2500 سے 3000 روپے تک پہنچ چکا ہے جس سے عام آدمی شدید متاثر ہو رہا ہے مسافروں کی پریشانی کا فائدہ اٹھاتے ہوئے بعض ٹرانسپورٹرز نے گاڑیاں اڈوں سے باہر کھڑی کر کے مصنوعی قلت پیدا کر دی ہے جس کے باعث کرایوں میں مزید اضافہ ہو رہا ہے صورتحال یہ ہے کہ کئی مسافروں کو بسوں کی چھتوں پر بٹھایا جا رہا ہے جو انتہائی خطرناک ثابت ہو سکتا ہے لیکن متعلقہ حکام اس پر کوئی کارروائی کرتے دکھائی نہیں دے رہے مسافروں نے وزیراعلیٰ پنجاب اور وزیر ٹرانسپورٹ سے فوری نوٹس لینے اور ٹرانسپورٹرز کی من مانیوں کو روکنے کا مطالبہ کیا ہے دوسری جانب گاڑی مالکان کا مؤقف ہے کہ حکومت کی جانب سے کرائے فکس کیے گئے ہیں اور وہ اسی کے مطابق مناسب کرایہ وصول کر رہے ہیں
.ذریعہ: Nawaiwaqt
پڑھیں:
موٹر وے پولیس کا زائد کرایہ لینے والے ٹرانسپورٹرز کیخلاف کریک ڈاؤن
فوٹو: فائلزائد کرایہ لینے والے ٹرانسپورٹرز کے خلاف نیشنل ہائی وے اینڈ موٹروے پولیس (این ایچ ایم پی) کا کریک ڈاؤن جاری ہے۔
اس حوالے سے اسلام آباد سے ترجمان موٹر وے پولیس کا کہنا ہے کہ اب تک موٹر وے پولیس نے 47 لاکھ 27 ہزار روپے عوام کو واپس کروادیے ہیں۔
ترجمان موٹر وے پولیس کے مطابق اوور لوڈڈ گاڑیوں پر 2 کروڑ 33 لاکھ 97 ہزار روپے جرمانہ کیا گیا ہے۔
ترجمان نے کہا کہ مسافر اوور لوڈنگ اور اوور چارجنگ کی شکایت ہیلپ لائن 130 پر کرسکتے ہیں۔
ترجمان موٹر وے پولیس کے مطابق بڑھتے ہوئے رش کے پیش نظر موٹر وے پولیس کی اضافی نفری بھی تعینات ہے۔
ترجمان نے کہا کہ مدد کےلیے موٹر وے پولیس کی ہیلپ لائن 130 پر رابطہ کیا جا سکتا ہے۔
چوتھا ٹی 20: پاکستان کا نیوزی لینڈ کیخلاف ٹاس جیت کر فیلڈنگ کا فیصلہ