اسلام آباد کی عدالت نے صحافی وحید مراد کی ضمانت منظور کر لی
اشاعت کی تاریخ: 28th, March 2025 GMT
اسلام آباد کی ڈسٹرکٹ اینڈ سیشن کورٹ نے صحافی وحید مراد کی ضمانت منظور کرتے ہوئے ان کی رہائی کا حکم دے دیا ہے سائبر کرائم ایکٹ کے تحت درج مقدمے میں عدالت نے پہلے پچاس ہزار روپے کے مچلکوں کے عوض ضمانت دی تاہم درخواست گزار کی استدعا پر یہ رقم کم کر کے بیس ہزار روپے کر دی گئی وحید مراد کو دو روزہ جسمانی ریمانڈ مکمل ہونے کے بعد ایف آئی اے کی جانب سے جوڈیشل مجسٹریٹ عباس شاہ کی عدالت میں پیش کیا گیا تھا جہاں عدالت نے انہیں جوڈیشل ریمانڈ پر جیل بھیجنے کا حکم دیا اس دوران عدالت نے استفسار کیا کہ دو روز کے دوران کیا شواہد اکٹھے کیے گئے جس پر ایف آئی اے کی جانب سے بتایا گیا کہ مختلف سوشل میڈیا پوسٹس کا جائزہ لیا گیا ہے اور ان کو ریکارڈ کا حصہ بھی بنا دیا گیا ہے وحید مراد کے وکیل ایمان مزاری نے دلائل دیتے ہوئے مؤقف اختیار کیا کہ جن پوسٹس کو بنیاد بنا کر مقدمہ درج کیا گیا ہے وہ درحقیقت وحید مراد کی نہیں بلکہ ان میں سے ایک پوسٹ اختر مینگل کی ہے جو ان کا اپنا بیان ہے۔ وکیل دفاع کے دلائل سننے کے بعد جوڈیشل مجسٹریٹ عباس شاہ نے وحید مراد کی ضمانت کی درخواست منظور کر لی اور ان کی رہائی کا حکم دے دیا یہ کیس ملک میں صحافیوں کے خلاف کارروائیوں کے تناظر میں اہمیت رکھتا ہے اور وحید مراد کی گرفتاری کے بعد صحافتی حلقوں میں اس پر شدید ردعمل دیکھنے میں آیا تھا۔ اب عدالت کے اس فیصلے کے بعد ان کی رہائی کی راہ ہموار ہو گئی ہے اور کیس کی مزید کارروائی آئندہ سماعتوں میں جاری رہے گی
.ذریعہ: Nawaiwaqt
کلیدی لفظ: وحید مراد کی عدالت نے کے بعد
پڑھیں:
کراچی: فرحان ملک کی درخواست ضمانت مسترد ہونے کے فیصلے کیخلاف اپیل دائر
فوٹو: فائلڈسٹرکٹ اینڈ سیشن جج شرقی کی عدالت میں صحافی فرحان ملک کی درخواست ضمانت مسترد ہونے کے فیصلے کے خلاف اپیل دائر کردی گئی۔
ڈسٹرکٹ اینڈ سیشن جج ایسٹ نے اپیل پر ایف آئی اے کو 3 اپریل کیلئے نوٹس جاری کردیے۔
یہ بھی پڑھیے صحافی فرحان ملک کیخلاف پیکا ایکٹ کے تحت مقدمہ میں درخواست ضمانت مسترد فرحان ملک پر ایف آئی اے کا دوسرا کیس کیا ہے؟اپیل میں کہا گیا کہ جوڈیشل مجسٹریٹ نے ضمانت مسترد کرتے ہوئے الزامات کو سامنے رکھا ہے، فاضل جوڈیشل مجسٹریٹ نے الزامات کی انکوائری نہیں کروائی۔
اپیل میں معیز جعفری اور بلال قریشی نے موقف اپنایا کہ صرف تھمب نیل کو بنیاد بنا کر درخواست ضمانت مسترد کرنا انصاف نہیں۔
خیال رہے کہ صحافی فرحان ملک کی درخواست ضمانت جوڈیشل مجسٹریٹ ایسٹ نے مسترد کردی تھی۔
یاد رہے کہ صحافی فرحان ملک کے خلاف پیکا ایکٹ کے تحت مقدمہ درج ہے۔
فتنہ الخوارج اور دہشت گرد تنظیموں کے عزائم ناکام بنا دیں گے: صدر مملکت