پیکٹا کا بورڈ آف گورنرز چوٹی کے ماہرین تعلیم پر مشتمل ہے ‘ رانا سکندر حیات
اشاعت کی تاریخ: 28th, March 2025 GMT
لاہور(اُردو پوائنٹ اخبارتازہ ترین - این این آئی۔ 28 مارچ2025ء)وزیر تعلیم رانا سکندر حیات کی زیر صدارت پنجاب ایجوکیشن، کریکلم، ٹریننگ اینڈ اسیسمنٹ اتھارٹی کے بورڈ آف گورنرز کا پہلا اجلاس منعقد ہوا جس میں پیکٹا کے قیام کے بعد فعال کردار کے حوالے سے متعلقہ امور پر سیر حاصل مشاورت کی گئی۔ چیف ایگزیکٹو پیکٹا ڈاکٹر شہنشاہ فیصل عظیم نے اجلاس کو ورکنگ پر مفصل بریفنگ دی۔
اجلاس میں پیکٹا ہیڈ کوارٹر، آرگینوگرام اور ذیلی شعبہ جات کے قیام کی منظوری دی گئی اور نئی قائم شدہ اتھارٹی کے تحت پیکٹا کے مختلف امور کو بہتر انداز میں چلانے کیلئے کمیٹیاں بھی تشکیل دی گئیں۔ وزیر تعلیم رانا سکندر حیات نے کہا کہ پیکٹا کا بورڈ آف گورنرز چوٹی کے ماہرین تعلیم پر مشتمل ہے جن کی راہنمائی میں نصاب، تربیت اور اِمتحانات کو ایک مربوط نظام میں ڈھال کر تعلیم میں نئی جہتوں کی بنیاد رکھ دی ہے۔(جاری ہے)
انہوں نے کہا کہ پنجاب کریکلم اینڈ ٹیکسٹ بک بورڈ، پنجاب ایگزامینیشن کمیشن اور قائداعظم اکیڈمی فار ایجوکیشنل ڈویلپمنٹ کو آپس میں انضمام کر کے پیکٹا تشکیل دی گئی ہے جس سے تعلیم، تدریس اور ٹریننگ کے معیار میں بھی بہتری آئے گی اور نصاب، تحقیق اور جدید تقاضوں کے مطابق اساتذہ کی تربیت میں مدد ملے گی۔ وزیر تعلیم نے محکمانہ اجلاس ہر ممکن حد تک پیپر لیس کرنے اور میٹرک ٹیک کی موثر تدریس کیلئے اساتذہ کی ٹریننگ کی بھی ہدایت کی۔ اجلاس میں میٹرک ٹیک، جماعت نہم کیلئے نئے نصاب کے مطابق تیار کردہ فیشن ڈیزائننگ، کمیونیکیشن سکلز اینڈ پرسنل گرومنگ، ایگری کلچر سائنس اور انفارمیشن اینڈ کمیونیکیشن ٹیکنالوجی کی کتب کے علاوہ اساتذہ کی بالخصوص ٹیک ایجوکیشن میں استعداد بڑھانے کیلئے مختلف تربیتی کورسز کی بھی منظوری دی گئی۔ رانا سکندر حیات نے اس امید کا بھی اظہار کیا کہ پیکٹا کے قیام کے بعد آئندہ ہر تعلیمی سیشن میں کتب کی بروقت پرنٹنگ و ترسیل یقینی بنائی جائے گی۔ پنجاب ایجوکیشن، کریکلم، ٹریننگ اینڈ اسیسمنٹ اتھارٹی (پیکٹا) کے بورڈ آف گورنرز کے اجلاس میں پارلیمانی سیکرٹری برائے تعلیم اور وائس چیئر پرسن پیکٹا نوشین عدنان، سیکرٹری سکولز ایجوکیشن خالد نذیر وٹو، سی ای او پیکٹا ڈاکٹر شہنشاہ فیصل عظیم، ایم پی ایز اسامہ فضل، عاصمہ ناز عباسی، شکیلہ جاوید کے علاوہ ماہرین تعلیم ڈاکٹر فیصل باری، سرمد یوسف، شہزاد رائے، عنبرین عجائب، معیز نذیر اور دیگر متعلقہ محکموں کے سربراہان و نمائندگان نے شرکت کی۔.ذریعہ: UrduPoint
کلیدی لفظ: تلاش کیجئے رانا سکندر حیات بورڈ آف گورنرز
پڑھیں:
عامر خان نے سلمان خان کو خود سے بہتر اداکار کیوں قرار دیا؟
بالی ووڈ سپر اسٹار عامر خان نے سلمان خان کو خود سے بہترین اداکار قرار دے دیا۔
حال ہی میں فلم سکندر کے ہدایتکار اے آر موروگادوس کو دیے گئے ایک انٹرویو میں سلمان خان اور عامر خان نے ایک دوسرے کے بارے میں کھل کر گفتگو کی۔ سلمان خان کی آئندہ آنے والی والی فلم سکندر کی پروموشن کےلیے جاری ایک ویڈیو میں عامر خان نے کہا کہ فلم دبنگ میں سلمان خان کی پرفارمنس بہت اچھی تھی۔
سلمان خان نے فلم سکندر کے ہدایتکار اے آر موروگادوس سے پوچھا کہ کون بہترین اداکار ہے؟ کون زیادہ محنت کرتا ہے اور کون زیادہ مخلص ہے؟ جس پر عامر خان نے مداخلت کی اور کہا کہ یہ سب بورنگ باتیں ہیں اور ساتھ ہی سلمان خان کی تعریف کرتے ہوئے کہا کہ یہ مجھ سے بہتر اداکار ہیں آپ نے ان کی فلم دبنگ دیکھی ہے۔
یہ بھی پڑھیں: اداکار عامر خان اپنی نئی گرل فرینڈ گوری سے شادی کا ارادہ کیوں نہیں رکھتے؟
اے آر موروگادوس نے کہا کہ سلمان خان جذباتی مناظر کو بہت اچھے طریقے سے نبھاتے ہیں، وہ بغیر گلیسرین کے جذباتی سین میں آنکھوں میں آنسو لاتے ہیں۔ عامر خان نے اس سے اتفاق کرتے ہوئے کہا، ’میں نے دیکھا ہےان کے جذباتی مناظرات لاجواب ہیں‘۔ ہدایت کار نے کہا کہ جب کیمرہ صرف چہرے پر مرکوز ہوتا ہے اور کوئی اور اداکار سامنے نہیں ہوتا، تو جذباتی سین کرنا بہت مشکل ہوتا ہے، اور سلمان خان نے ان مناظرات کو بہت اچھے طریقے سے انجام دیتے ہیں۔
سلمان خان نے اپنی فلم کے ہدایتکار کو جواب دیتے ہوئے کہا کہ یہ سب آپ کی وجہ سے ہے، سر۔ میں آپ کو دیکھتا تھا اور سوچتا تھا۔
واضح رہے کہ فلم سکندر 30 مارچ 2025 کو سینما گھروں کی زینت بنے گی۔ اس فلم میں سلمان خان کے ساتھ راشمیکا مندنا پہلی بار جلوہ گر ہوں گی، جو جنوبی ہند کی سپر اسٹار ہیں اور اپنی معصومانہ اداکاری کے لیے مشہور ہیں۔ اس کے علاوہ فلم میں کاجل اگروال، ستیہ راج اور شرمن جوشی بھی اہم کرداروں میں نظر آئیں گے۔
یاد رہے کہ سلمان اور عامر خان نے 1994 میں فلم ’انداز اپنا اپنا‘ میں ایک ساتھ کام کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ سکندر سلمان خان عامر خان گجنی
چوتھا ٹی 20: پاکستان کا نیوزی لینڈ کیخلاف ٹاس جیت کر فیلڈنگ کا فیصلہ