ہم لوگ مختلف آپشنز پر غور کر رہے ہیں، رؤف حسین
اشاعت کی تاریخ: 28th, March 2025 GMT
اسلام آباد:
رہنما پاکستان تحریک انصاف رؤف حسن کا کہنا ہے کہ پی ٹی آئی ایک سیاسی جماعت ہے اور ایک سیاسی کردار ادا کر رہی ہے، کچھ نہیں ہو رہا سوائے اس کے کہ فوکس ہے ہمارا خان صاحب کی رہائی کے اوپر اور اسی سلسلے میں جو آپ نے اپنے ابتدایے میں بھی فرمایا ہے، ہم لوگ مختلف آپشنز پر غور کر رہے ہیں اور عید کے بعد ان کو امپلیمنٹ کرنے کی کوشش کریں گے۔
ایکسپریس نیوز کے پروگرام سینٹر اسٹیج میں گفتگو کرتے ہوئے انھوں نے کہا کہ پارٹی خان صاحب چلا رہے ہیں کوئی اور نہیں چلا رہا۔
دفاعی تجزیہ کار میجر جنرل(ر) زاہد محمود نے کہا کہ ہمیں یہ سمجھنا چاہیے کہ خاص کر میں چاہوں گا کہ ہر پاکستانی یہ سمجھ جائے کہ اس وقت ہم ہائبرڈ وار کے سیریس وکٹم ہوئے ہیں، سیریس ایپلی کیشن ہے ہائبرڈ وار کی، ففتھ جنریشن وار کی، پراکسی کی اور اسٹیٹ سپانسرڈ ٹیررازم ، مکس ہے، یہ آ کائنڈ آف اے انسرجنسی کی ایک سچویشن کریئیٹ کی گئی ہے۔
نمائندہ ایکسپریس نیوز ارشاد انصاری نے کہا کہ اس میں دو چیزیں کلیئر کردوں یہ جو ایک روپے والی ہے یہ تھوڑی مختلف ہے، جو پرائم منسٹر کرنا چاہ رہے تھے وہ ڈفرنٹ ہے، یہ جو ایک روپے والی ہے درحقیقت کیپٹیو پاور پلانٹ جو ہے ان کو جو گیس دی جاتی ہے اس پر جوگرڈ لیوی لگانی تھی، اس کی مد میں یہ اجازت ہے، جو پرائم منسٹرکرنا چاہ رہے وہ راؤنڈ اباؤٹ چھ سے سات روپے یونٹ کا بنتا تھا، پہلے دن سے حکومت یہ کہہ رہی تھی کہ شاید ہم آٹھ روپے یونٹ بجلی سستی کریں گے۔
.ذریعہ: Express News
پڑھیں:
چوہدری شجاعت کے گھر سے سب رہنمائی حاصل کرتے ہیں: چیئر مین رویتِ ہلال کمیٹی مولانا عبدالخبیر آزاد
— فائل فوٹومسلم لیگ ق کے سربراہ چوہدری شجاعت حسین سے مرکزی رویتِ ہلال کمیٹی کے سربراہ مولانا عبدالخبیر آزاد نے ملاقات کی ہے۔
ملاقات کے دوران چوہدری شجاعت نے امور میں بہتری لانے پر مولانا عبدالخبیر آزاد کی خدمات کو سراہا۔
ملاقات کے موقع پر صوبائی وزیرِ اوقاف ومذہبی امور چوہدری شافع حسین بھی موجود تھے۔
اس موقع پر امن و امان کی صورتِ حال، ملک کو درپیش چیلنجز، اتحاد، یگانگت اور باہمی دلچسپی کے امور پر بات چیت ہوئی۔
سابق وزیراعظم اور ق لیگ کے سربراہ چوہدری شجاعت حسین نے جمعیت علماء اسلام (جے یو آئی ف) کے سربراہ مولانا فضل الرحمان سے ٹیلیفونک رابطہ کیا ہے۔
چوہدری شجاعت حسین نے کہا کہ ملک کو دہشت گردی سمیت دیگر مختلف چیلنجز کا سامنا ہے، باہمی اتحاد کی قوت سے ہی ملک کو مشکلات کی دلدل سے نکالا جا سکتا ہے۔
انہوں نے کہا کہ اتحاد کی جتنی آج ضرورت ہے شاید پہلے کبھی نہ تھی، دہشت گردی کے ناسور کو جڑ سے اکھاڑ پھینکنے کے لیے سب کو مل کر آگے بڑھنا ہے۔
علماء و مشائخ کے کردار پر روشنی ڈالتے ہوئے چوہدری شجاعت حسین نے کہا کہ ملک کو دہشت گردی، انتہا پسندی سے نجات دلانےکے لیے علماء اور مشائخ کو کلیدی کردار ادا کرنا ہے، یہی وقت کی ضرورت ہے کہ محراب و منبر سے اتحاد کے فروغ کی آواز بلند ہو، علما، مشائخ، دینی اسکالرز معاشرے میں برداشت اور بھائی چارے کو فروغ دیں۔
مولانا عبدالخبیر آزاد نے کہا کہ چوہدری شجاعت حسین کا گھر وحدت کی علامت ہے جہاں سے سب رہنمائی حاصل کرتے ہیں۔
ملاقات میں صوبائی وزیرِ اوقاف نے بتایا کہ محکمۂ اوقاف و مذہبی امور کے پورے نظام کو کمپیوٹرائزڈ کیا جا رہا ہے۔
جرمنی، فرانس اور برطانیہ کا اسرائیل سے غزہ میں فوری جنگ بندی کا مطالبہ