غیر معیاری بیج فراہم کرنے والی 392 کمپنیاں بند کرنے کا اعلان
اشاعت کی تاریخ: 27th, March 2025 GMT
وفاقی حکومت نے غیر معیاری بیج فراہم کرنے والی 392 کمپنیاں فوری بند کرنے کا اعلان کر دیا۔
یہ بھی پڑھیں: سائنسدانوں نے غاروں میں ملے 2 ہزار سال پرانے بیجوں سے درخت اگالیے
وفاقی وزیر برائے قومی غذائی تحفظ و تحقیق رانا تنویر حسین کی زیر صدارت نیشنل سیڈ ڈیولپمنٹ اینڈ ریگولیٹری اتھارٹی (این ایس ڈی آر اے) کے بورڈ آف گورنرز کا دوسرا اجلاس میں اعلان کیا گیا کہ معیارات پر پورا نہ اترنے والی 392 بیج کمپنیوں کو فوری طور پر بند کیا جا رہا ہے۔
اجلاس میں وزیرِاعظم محمد شہباز شریف کے وژن کے مطابق ملک بھر میں معیاری بیجوں کی فراہمی پر خصوصی توجہ دینے کا اعادہ کیا گیا۔
اجلاس میں وزیرِاعظم کی ہدایات پر سخت فیصلوں کی ضرورت پر زور دیتے ہوئے کہا گیا کہ ملک میں اعلیٰ معیار کے بیجوں کی پیداوار کو یقینی بنایا جائے گا۔
مزید پڑھیے: غیر معیاری زرعی بیج کا کاروبار کرنے والوں کے خلاف کارروائی کی جائے، وزیراعظم کی ہدایت
وزارت قومی غذائی تحفظ و تحقیق کی جانب سے جاری اعلامیے کے مطابق اجلاس میں بیجوں کے معیار کو بہتر بنانے کے لیے سخت اقدامات کرنے کا فیصلہ کیا گیا اور اس بات پر زور دیا گیا کہ تصدیق شدہ بیجوں کی دستیابی اولین ترجیح ہونی چاہیے۔
اس موقعے پر وفاقی وزیر رانا تنویر حسین نے اس عزم کا اظہار کیا کہ حکومت زرعی شعبے میں معیارات کے سخت نفاذ کے لیے پرعزم ہے۔
وفاقی وزیر نے بیج کمپنیوں کے لیے ریگولیٹری اتھارٹی کی سختی سے تعمیل کو یقینی بنانے پر زور دیا۔
انہوں نے مزید کہا کہ وزارت قومی غذائی تحفظ، زرعی شعبے کی بہتری اور قومی غذائی تحفظ کو یقینی بنانے کے لیے پرعزم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
غیر معیاری بیج غیر معیاری بیج کی کمپنیوں پر پابندی نیشنل سیڈ ڈیولپمنٹ اینڈ ریگولیٹری اتھارٹی وفاقی وزیر برائے قومی غذائی تحفظ و تحقیق رانا تنویر حسین.ذریعہ: WE News
کلیدی لفظ: غیر معیاری بیج غیر معیاری بیج کی کمپنیوں پر پابندی وفاقی وزیر برائے قومی غذائی تحفظ و تحقیق رانا تنویر حسین غیر معیاری بیج وفاقی وزیر اجلاس میں کے لیے
پڑھیں:
صحتمند بڑھاپے کے لیے درمیانی عمر میں کیا کھائیں؟
عمر بڑھنے کے ساتھ ساتھ اپنی صحت کی حفاظت کے لیے درمیانی عمر میں انسان کو کیا کھانا چاہیے، اس حوالے سے ہارورڈ کی تجویز کردہ خوراک کے پیٹرن فاتح قرار پایا ہے۔
نیچر میڈیسن جریدے کی رپورٹ کے مطابق ایک لاکھ 5 ہزار سے زیادہ مرد اور خواتین کی 8 خوراکوں پر مشتمل 30 سالہ مطالعہ میں ایک غذا واضح طور پر فاتح قرار پائی۔
یہ بھی پڑھیں:کون سی غذائیں پرسکون نیند لاسکتی ہیں؟
محققین کے مطابق جن لوگوں نے درمیانی عمر میں صحت مند کھانے کھائے، ان کی 70 کی دہائی میں اچھی صحت کے امکانات سب سے زیادہ تھے۔ نتائج سے پتہ چلتا ہے کہ سب سے زیادہ الٹرنیٹ ہیلتھی ایٹنگ انڈیکس (اے ایچ ای آئی) سکور رکھنے والوں میں 70 سال کی عمر میں صحت مند عمر کے 86 فیصد بہتر امکانات تھے، اور 75 کی عمر میں صحت مند ہونے کے امکانات 2.2 گنا زیادہ تھے۔
محققین کا کہنا ہے کہ متبادل صحت مند خوراک پھلوں، سبزیوں، اناج، گری دار میوے، پھلیاں اور صحت مند چکنائی سے بھرپور غذا پر مشتمل ہے، جبکہ سرخ اور پراسیس شدہ گوشت، میٹھے مشروبات، سوڈیم اور اناج کے نتائج صحیح نہیں ہیں۔
یہ بھی پڑھیں: 5 غذائیں جو گردوں کو خرابی سے محفوظ رکھتی ہیں
کوپن ہیگن یونیورسٹی میں صحت عامہ کی ایسوسی ایٹ پروفیسر اور ہارنوٹ کے معاون پروفیسر ٹی ایچ کی شریک سینیئر محقق مارٹا گوش فیری نے کہا، ’ہمارے نتائج سے پتہ چلتا ہے کہ پودوں پر مبنی غذاؤں سے بھرپور غذائی پیٹرن، جس میں صحت مند جانوروں پر مبنی کھانوں کی اعتدال پسندی شامل ہے، جو صحت مند بڑھاپے کو فروغ دے سکتی ہے اور مستقبل کے غذائی رہنما اصولوں کی تشکیل میں مدد کر سکتی ہے۔
ہارورڈ کے محققین نے 2002 میں اے ایچ ای آئی کو امریکی محکمہ زراعت کے صحت مند کھانے کے متبادل کے طور پر بنایا، جو اس بات کی پیمائش کرتا ہے کہ لوگوں کی خوراک امریکیوں کے لیے غذائی رہنما خطوط پر کتنی اچھی طرح سے قائم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news متبادل غذا ہارورڈ
مزار اقبال پر گارڈ آف تبدیلی کی پروقار تقریب، پاک فضائیہ نے فرائض سنبھال لئے