شانگلہ میں گاڑی کھائی میں گرنے اور مالاکنڈ میں نہر میں گرنے سے 10 افراد جاں بحق
اشاعت کی تاریخ: 27th, March 2025 GMT
خیبرپختونخوا کے علاقے شانگلہ اور ملاکنڈ میں گاڑیاں کھائی اور نہر میں گرنے کے حادثات میں 10 افراد جاں بحق اور 3 زخمی ہو گئے۔
تفصیلات کے مطابق مالاکنڈ کی تحصیل درگئی میں موٹر کار نہر میں جا گری، حادثہ میں پانچ افراد جاں بحق ہو گئے، افسوس ناک واقعہ افغان مہاجر کیمپ کے مقام پر پیش آیا، کار میں ڈرائیورو کے علاوہ 3 خواتین اور کمسن بچی سوار تھے۔
ریسکیو ٹیم اور مقامی رضاکاروں نے واٹر سرچ آپریشن کر کے جاں بحق تمام افراد کی لاشیں نکال لیں، جنہیں درگئی ہسپتال منتقل کر دیا گیا، جاں بحق افراد کا تعلق ایک ہی خاندان سے بتایا جا رہا ہے۔
شانگلہ میں الپوری کے نواحی علاقے ملک خیل کوٹکے میں جیپ گہری کھائی میں جا گری، حادثہ میں 5 افراد جاں بحق اور 3 زخمی ہو گئے۔
حادثہ افطار سے کچھ دیرے پہلے تیز رفتاری کے باعث پیش آیا، ریسکیو1122 کے مطابق حادثہ کے نتیجے میں 5 افراد موقع پر دم توڑ چکے تھے، 3 شدید زخمیوں کو فوری طبی امداد کے بعد ڈسٹرکٹ ہیڈ کوارٹر ہسپتال الپوری منتقل کر دیا گیا۔
ریسکیو حکام نے لاشوں اور زخمیوں کو سیدو شریف ہسپتال سوات روانہ کر دیا۔ جاں بحق ہونے والوں میں سلمان خان، رحمت اللہ، امیرسہیل، فضل بٹ، فیصل خان شامل ہیں، زخمیوں میں سرفراز، ظفر خان اور نصیب بشارت شامل ہیں، جاں بحق اور زخمی افراد کا تعلق تحصیل پورن سے ہے۔
.ذریعہ: Express News
کلیدی لفظ: افراد جاں بحق
پڑھیں:
عید پر خوفناک ٹریفک حادثات: میاں، بیوی اور بیٹی سمیت 6 افراد جاں بحق
ویب ڈیسک:عید الفطر کے موقع پر 2 خوفناک حادثات میں میاں، بیوی اور بیٹی سمیت 6 افراد جاں بحق ہو گئے۔
اوکاڑہ میں نواحی گاؤں 33 فور ایل کے قریب لینڈ کروزر نے سامنے سے آتی موٹر سائیکل کو ٹکر ماری۔ مقامی ذرائع کے مطابق حادثہ تیز رفتاری اور لاپروائی کی وجہ سے پیش آیا۔
ریسکیو 1122 حکام کا کہنا ہے کہ حادثے میں موٹر سائیکل پر سوار 3 افراد جاں بحق ہو گئے جن میں میاں، بیوی اور بیٹی شامل ہیں۔
لاہور میں ماہ شوال کا چاند دیکھنے کیلئے زونل رویت ہلال کمیٹی کا اجلاس جاری
اطلاع ملنے پر ایمبولینس فوری طور پر جائے حادثہ پر پہنچی اور لاشوں کو ضروری کارروائی کے بعد اسپتال منتقل کیا گیا، جہاں جاں بحق ہونے والوں کی شناخت باسط ، روبینہ اور فاطمہ کے ناموں سے ہوئی۔
ٹھٹھہ میں موٹر سائیکلوں میں خوفناک تصادم
دوسری جانب ٹھٹھہ میرپورساکرو کے نزدیک لدیا سٹاپ پر تیز رفتار 2 موٹر سائیکلوں میں تصادم کے نتیجے میں 3 افراد جاں بحق اور ایک شدید زخمی ہوگیا۔
لبرلینڈ کے ایمبیسڈر ایٹ لارج کی پاکستانی عوام کو عید کی مبارکباد
ابتدائی اطلاعات کے مطابق تیز رفتاری کے باعث پیش آنے والے حادثے میں 24 سالہ ناظم شیدی ، 27 سالہ گلو کمبہار ، 25 سالہ احمد شیدی جاں بحق جب کہ 35 سالہ ندیم کمبہار شدید زخمی ہوئے۔
لاشوں اور زخمیوں کو شیخ زید اسپتال میرپورساکرو لایا گیا، جہاں ضروری کارروائی کے بعد ورثا کے حوالے کر دیا گیا جبکہ زخمی کو کراچی ریفر کیا گیاہے۔
امریکہ نے سراج الدین حقانی پر 10 ملین ڈالر کا انعام ختم کر دیا: طالبان کا دعویٰ