مچھروں کیلیے انسانی خون کو مہلک بنانے والی دوا
اشاعت کی تاریخ: 27th, March 2025 GMT
ایک تحقیق میں معلوم ہوا ہے کہ ایک نایاب بیماری کے لیے استعمال کی جانے والی دوا انسانی خون کو مچھروں کے لیے مہلک بنا دیتی ہے اور یہ ملیریا سے نمٹنے میں مدد دے سکتی ہے۔
فی الحال مچھروں کی تعداد اور ملیریا کے خطرے کو کم کرنے کے متعدد طریقوں کو استعمال کیا جا رہا ہے۔ جن میں سے ایک اینٹی پیراسٹک دوا آئیورمیکٹِن کا استعمال ہے۔ جب مچھر اس دوا کے حامل خون کو چوستے ہیں تو ان کی زندگی مختصر ہوجاتی ہے۔
لیکن محققین کا کہنا ہے کہ یہ دوا ماحولیاتی کے لیے زہریلی ہے اور جب اس کو جانوروں اور انسانوں میں زیادہ استعمال کیا جاتا ہے تو اس سے جسم میں دیگر ادویات کی مزاحمت کے خطرات ہوجاتے ہیں۔
جرنل سائنس ٹرانلیشن میڈیسن میں شائع ہونے والی ایک تحقیق میں ایک دوا نِیٹیسینون نامی دوا کی نشان دہی کی جس میں مچھروں کی افزائش کو روکنے اور ملیریا کو کنٹرول کرنے کی صلاحیت ہے۔
یونیورسٹی آف نوٹرے ڈیم کے ایسوسی ایٹ ریسرچ پروفیسر اور تحقیق کے شریک مصنف لی ہائنز نے بتایا کہ تحقیق میں معلوم ہوا ہے کہ ِیٹیسینون کا استعمال ملیریا جیسی بیماریوں کو قابو کرنے میں نیا ہتھیار ثابت ہوسکتا ہے۔
.ذریعہ: Express News
پڑھیں:
نیویارک کے کلرک کا اسقاط حمل کی دوا دینے والی ڈاکٹر پر جرمانے کی کارروائی سے انکار
نیویارک کاؤنٹی کے ایک کلرک نے ٹیکساس میں اسقاط حمل کی ادویات تجویز کرنے کے جرم میں نیویارک کے ایک ڈاکٹر کے خلاف ایک لاکھ 13 ہزار ڈالر جرمانے کی کارروائی کرنے سے انکار کردیا۔
یہ بھی پڑھیں: فلوریڈا کے گورنر نے اسقاط حمل پر پابندی کے بل پر دستخط کر دیے
امریکی اخبار نیو یارک ٹائمز کے مطابق السٹر کاؤنٹی کے قائم مقام کلرک ٹیلر بروک نے نیو پالٹز کی ڈاکٹر مارگریٹ ڈیلی کارپینٹر کے خلاف کولن کاؤنٹی ڈسٹرکٹ کورٹ کے حکم پر عمل درآمد کے لیے ٹیکساس کی تحریک منظور کرنے سے انکار کیا۔
کارپینٹر نے ٹیکساس کے اٹارنی جنرل کین پیکسٹن کے اس مقدمے کا کوئی جواب نہیں دیا تھا جس میں ان پر ٹیکساس میں غیر قانونی طور پر اسقاط حمل کی دوا دینے کا الزام لگایا گیا تھا۔
کولن کاؤنٹی ٹیکساس کی ڈسٹرکٹ کورٹ کے جج برائن گینٹ نے فروری میں کارپینٹر کے خلاف فیصلہ سناتے ہوئے انہیں ایک لاکھ 13 ہزار ڈالر جرمانہ ادا کرنے اور ٹیکساس میں اسقاط حمل کی ادویات بھیجنے سے روکنے کا حکم دیا تھا۔
بروک نے نیویارک کے ٹیلی میڈیسن اسقاط حمل شیلڈ قوانین کا حوالہ دیا جو خدمات فراہم کرنے والوں کو بیرون ملک سے تحفظ فراہم کرتے ہیں۔
نیو یارک ان 8 ریاستوں میں شامل ہے جنہوں نے سنہ 2022 کے ڈبز بمقابلہ جیکسن کے فیصلے میں رو بمقابلہ ویڈ کو کالعدم قرار دیتے ہوئے فیصلہ دیا تھا کہ اسقاط حمل کے قوانین میں وفاقی حکومت کا کوئی کردار نہیں ہے۔
مزید پڑھیے:: دوران حمل شرح اموات میں خطرناک اضافہ ، عالمی ادارہ صحت نے خبردار کردیا
نیو یارک ٹائمز کی رپورٹ کے مطابق کارپینٹر کے خلاف عدالتی حکم پر عمل کرنے سے کلرک کا انکار ملک کی پہلی مثال ہے کہ کسی ریاست نے اسقاط حمل کی خدمات فراہم کرنے والوں کے تحفظ کے لیے ڈھال کے قوانین نافذ کیے ہیں اور یہ معاملہ ممکنہ طور پر سپریم کورٹ کے سامنے ختم ہو جائے گا۔
نیو یارک کی گورنر کیتھی ہوچل نے تسلیم کیا کہ کارپینٹر نے ٹیکساس میں اسقاط حمل کی دوا دی اور کہا کہ انہیں لوزیانا میں بھی اسی طرح کی قانونی پریشانی کا سامنا ہے۔
کیتھی ہوچل نے کہا کہ خواتین مخالف، اسقاط حمل مخالف انتہا پسند ایک بار پھر اس میں شامل ہیں۔ انہوں نے مزید کہا کہ پیکسٹن نیویارک کے ایک ڈاکٹر کے پیچھے پڑے ہیں جس نے ٹیلی میڈیسن کے ذریعے اسقاط حمل کی دوا تجویز کی تھی۔
انہوں نے کہا کہ برک نے ٹیکساس کو باضابطہ طور پر مطلع کیا کہ وہ نیو یارک کے شیلڈ قوانین کے مطابق کارپینٹر کے خلاف فیصلہ دائر کرنے کو مسترد کر رہے ہیں۔
واضح رہے کہ پیکسٹن نے کارپینٹر کے خلاف عدالت میں دائر درخواست میں کہا کہ کارپینٹر 1999 سے طبی اور سرجیکل اسقاط حمل فراہم کر رہی ہیں اور سنہ 2020 میں ملک بھر میں اسقاط حمل کی ترغیب دینے والی ادویات فراہم کرنا شروع کر دیا تھا حالانکہ انہیں صرف نیویارک میں میڈیسن پریکٹس کرنے کا لائسنس دیا گیا تھا۔
پیکسٹن نے عدالت میں جمع کرائی گئی درخواست میں کہا کہ مئی میں کارپینٹر نے خاتون کو اسقاط حمل کی ترغیب دینے والی منشیات میفیپرسٹون اور میسوپروسٹول فراہم کیں۔
مزید پڑھیں: خاندانی منصوبہ بندی سے زندگیاں کیسے بچتی ہیں؟
پیکسٹن نے بتایا کہ خاتون نے 16 جولائی کو کولن کاؤنٹی کے اسپتال میں خون بہنے یا شدید خون بہنے کی وجہ سے ہنگامی طبی امداد کی درخواست کی تھی اور اس نے نوزائیدہ بچے کے والد کو یہنہیں بتایا تھا کہ وہ حاملہ ہے۔
ٹیکساس کا قانون کسی بھی ڈاکٹر یا میڈیکل سپلائر کو کوریئر، ڈلیوری یا ڈاک سروس کے ذریعے اسقاط حمل کی ادویات فراہم کرنے سے روکتا ہے اور ٹیکساس میں ان ڈاکٹروں کی ٹیلی ہیلتھ خدمات پر پابندی عائد کرتا ہے جن کے پاس ٹیکساس کا درست میڈیکل لائسنس نہیں ہے۔
واضح رہے کہ کارپینٹر نے پیکسٹن کے ٹیکساس کے مقدمے کا کوئی جواب نہیں دیا جس میں ان پر ریاست کے قانون کی خلاف ورزی کرتے ہوئے ٹیکساس کے رہائشیوں کو غیر قانونی طور پر اسقاط حمل کی ترغیب دینے والی ادویات فراہم کرنے کا الزام عائد کیا گیا تھا جس کے نتیجے میں ان کے خلاف فیصلہ سنایا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسقاط حمل پر جرمانہ اسقاط حمل قانون امریکا ڈاکٹر مارگریٹ ڈیلی کارپینٹر کولن کاؤنٹی ٹیکساس کی ڈسٹرکٹ کورٹ کیتھی ہوچل نیویارک
اسلام آباد: ملک بھر میں آج یوم پاکستان ملی جوش و جذبے سے منایا جا رہاہے۔