افغان باشندوں کی واپسی کی آخری مہلت؛ وزارت داخلہ نے اہم فیصلہ صادر کر دیا
اشاعت کی تاریخ: 27th, March 2025 GMT
سٹی42: وفاقی حکومت افغان باشندوں کیلئے 31 مارچ تک ملک چھوڑنےکی ڈیڈلائن میں توسیع نہیں کر رہی۔ 31 مارچ تک تمام غیر قانونی افغان باشندوں کو افغانستان واپس بھیجنے کا فیصلہ حتمی ہے۔
آج یہ فیصلہ کیا گیا کہ آخری تاریخ میں کوئی تبدیلی نہیں کی جائے گی۔
وزارت داخلہ مین آج افغان باشندوں کو 31 مارچ تک پاکستان سے نکالنے کے متعلق اہم اجلاس ہوا۔ ذمہ دار ذرائع نے بتایا کہ اس اجلاس میں افغان باشندوں کے لیے 31 مارچ تک ملک چھوڑنےکی ڈیڈلائن پر سختی سے عمل کرنےکا فیصلہ کیا گیا۔
سونے اور چاندی کے آج کے ریٹس ۔جمعرات 27 مارچ, 2025
راولپنڈی اور اسلام آباد میں غیرقانونی موجود افغان باشندوں کو پہلے ہی نکالنے کی ہدایت کی جاچکی ہے۔
ایمنسٹی انٹرنیشنل نے غیر قانونی طورپر مقیم غیر ملکیوں کے انخلا کا پلان واپس لینے کا مطالبہ کیا ہے اور یہ دلیل دی ہے کہ 31 مارچ تک کی ڈیڈلائن افغان شہریوں کی مشکلات میں اضافہ کرےگی۔ پاکستان کا اس ضمن میں یہ مؤقف ہے کہ غیر قانونی افغان باشندوں کو اپنے ملک واپس جانے کے لئے بار بار مہلتیں دی گئیں، اب پاکستان کے حالات مزید مہلت دینے کی اجازت نہیں دیتے۔ 31 مارچ کی ڈیڈ لائن بہت ہفتوں پہلے بتائی گئی تھی۔ یہ کوئی اچانک سنایا گیا حکم نہیں جس پر عمل درآمد کرنے مین کسی کو مشکلات پیش آئیں۔
ڈائریکٹر جنرل نیب لاہور کا کل کھلی کچہری لگانے کا فیصلہ
ایمنسٹی انٹرنیشنل کے مطابق پاکستان نے 2023 سے2025کے درمیان 8 لاکھ 44 ہزار 499 افغان باشندوں کو واپس بھیجا ۔
پاکستان کا کہنا ہے کہ اب بھی لاکھوں کی تعداد مین غیر قانونی افغان باشندے پاکستان مین موجود ہیں، پاکستان کو اپنی سلامتی اور دیگر اہم وجوہات کی بنا پر ان افغان باشندوں کو بہت پہلے واپس بھیج دینا چاہئے تھا لیکن نام نہاد انسانی ہندردی کی مجبوریوں کو لے کر پاکستان اپنے وجود پر زخم کھا رہا ہے اور ان افغان باشندوں کو گنجائش سے بہت زیادہ مہلتین دے چکا ہے۔
سرکاری نرخنامہ صرف دکھاوا،سبزیاں پھل مرضی کی قیمت میں فروخت
Waseem Azmet.ذریعہ: City 42
کلیدی لفظ: افغان باشندوں کو مارچ تک
پڑھیں:
پاکستان کا افغان حکومت کے سامنے دہشتگردی کا مسئلہ اٹھانے کا فیصلہ
ویب ڈیسک : پاکستان نے وزارت خارجہ کے ذریعے افغانستان حکومت کے سامنے دہشت گردی کا مسئلہ موثر طریقے سے اٹھانے کا فیصلہ کیا ہے۔
وزیر داخلہ محسن نقوی نے کاؤنٹر ٹیررازم کمیٹی کو فیصلے سے آگاہ کردیا، انہوں نے کہا کہ دہشت گردی سے نمٹنے کےلیے وزیراعظم، آرمی چیف اور تمام اسٹیک ہولڈرز ایک صفحے پر ہیں، صوبوں کی مشاورت کے بغیر کوئی فیصلہ نہیں کیا جائے گا۔
اجلاس کو بتایا گیا کہ نیشنل انٹیلی جنس فیوژن اینڈ تھریٹ اسسمنٹ سینٹرز کے قیام کی منظوری دی جا چکی ہے، صوبوں میں کام جاری ہے۔
سٹی @ 10 ، 29 مارچ ،2025
محسن نقوی نے کہا کہ خیبر پختونخوا اور بلوچستان کو دہشت گردی کے چیلنج سے نمٹنے کےلیے ہر ممکن مدد فراہم کی جائے گی۔ انہوں نے بتایا کہ فرنٹیئر کانسٹیبلری کی تنظیم نو کے بعد اسے نیشنل ریزرو پولیس میں تبدیل کیا جارہا ہے۔
گنڈا پور خیبر پی کے کو دہشتگردوں کا اڈا بنانا چاہتے ہیں: سینیٹر عرفان صدیقی