اسلام میں دہشتگردی کی کوئی گنجائش نہیں، چودھری شافع حسین
اشاعت کی تاریخ: 27th, March 2025 GMT
وزیر اوقاف و مذہبی امور کا کہنا ہے کہ اتحاد کی قوت سے ہی انسانیت کے دشمنوں کو شکست دی جا سکتی ہے۔ انہوں نے یہ بھی کہا کہ امن کے دشمنوں کے ناپاک عزائم خاک میں ملانے کیلئے پوری قوم کو متحد ہونا ہوگا۔ اسلام ٹائمز۔ صوبائی وزیرِ اوقاف پنجاب چودھری شافع حسین کا کہنا ہے کہ ملک کو امن عامہ اور دہشت گردی کی صورتحال کا سامنا ہے۔ وزیر اوقاف پنجاب شافع حسین سے چیئرمین مرکزی رویت ہلال کمیٹی مولانا عبدالخبیر آزاد کی ملاقات ہوئی، جس میں امن و امان کی صورتحال، محکمہ اوقاف کے امور اور بھائی چارے کے جذبات کے فروغ پر گفتگو کی گئی۔ چودھری شافع حسین نے کہا کہ دہشتگردی کیخلاف جنگ میں پاک فوج، سکیورٹی اداروں اور معاشرے کے ہر طبقے نے قربانی دی ہے۔ ان کا کہنا ہے کہ دین اسلام میں دہشتگردی کی کوئی گنجائش نہیں، اتحاد کی قوت سے ہی انسانیت کے دشمنوں کو شکست دی جا سکتی ہے۔ انہوں نے یہ بھی کہا کہ امن کے دشمنوں کے ناپاک عزائم خاک میں ملانے کیلئے پوری قوم کو متحد ہونا ہوگا، مساجد اور مزارات کی تزئین و آرائش کی سکیموں پر تیزی سے کام جاری ہے۔
.ذریعہ: Islam Times
کلیدی لفظ: کے دشمنوں شافع حسین
پڑھیں:
عبدالخبیر آزاد کی ملاقات، علماء دہشت گردی سے نجات کیلئے کردار ادا کریں: شجاعت
لاہور (خصوصی نامہ نگار) سابق وزیر اعظم چوہدری شجاعت حسین سے چیئرمین مرکزی رویت ہلال کمیٹی مولانا عبدالخبیر آزاد نے ان کی رہائش گاہ پر ملاقات کی جس میں امن وامان کی صورتحال، ملک کو درپیش چیلنجز، اتحاد و یگانگت اور باہمی دلچسپی کے امور پر بات چیت ہوئی۔ صوبائی وزیر اوقاف ومذہبی امور چوہدری شافع حسین بھی ملاقات میں موجود تھے۔ ملاقات میں خاتم النبیین یونیورسٹی کی بحالی اور قرآن کمپلیکس سے استفادہ کرنے کیلئے مختلف تجاویز پر بھی غور کیا گیا۔ سابق وزیر اعظم چوہدری شجاعت حسین نے کہا کہ ملک کو دہشتگردی سمیت دیگر مختلف چیلنجز کا سامنا ہے۔ باہمی اتحاد کی قوت سے ہی ملک کو مشکلات کی دلدل سے نکالا جاسکتا ہے۔ دہشت گردی کے ناسور کو جڑ سے اکھاڑ پھینکنے کیلئے سب کو مل کر آگے بڑھنا ہے۔ ملک کو دہشت گردی اور انتہا پسندی سے نجات دلانے کیلئے علماء اور مشائخ کو کلیدی کردار ادا کرنا ہے۔ علماء کرام، مشائخ عظام اور دینی سکالرز معاشرے میں رواداری، برداشت اور بھائی چارے کے جذبات کو فروغ دیں۔ چوہدری شافع حسین کو قرآن کمپلیکس کے معاملات ٹھیک کرنے کا کہا ہے۔ چوہدری شجاعت حسین نے رویت ہلال کمیٹی کے امور میں بہتری لانے میں عبدالخبیر آزاد کی خدمات کو سراہا۔ صوبائی وزیر اوقاف ومذہبی امور چوہدری شافع حسین نے کہا کہ محکمہ اوقاف و مذہبی امور کے پورے نظام کو کمپیوٹرائزڈ کیا جارہا ہے۔ مساجد اور مزارات میں صفائی کے نظام کو بھی بہتر کیا جا رہا ہے۔ مولانا عبدالخبیر آزاد نے کہا کہ چوہدری شجاعت حسین کا گھر وحدت کی علامت ہے جہاں سے سب رہنمائی حاصل کرتے ہیں۔
گورنر پنجاب کی چاندنی چوک فوڈ سٹریٹ میں سحری، شہریوں سے ملاقاتیں