ملی یکجہتی کونسل سندھ کے تحت 27 رمضان المبارک جمعۃ الوداع کو یوم القدس منایا جائے گا
اشاعت کی تاریخ: 27th, March 2025 GMT
اجلاس سے خطاب میں اسداللہ بھٹو نے کہا کہ عوام جمعتہ الوداع کے موقع پریوم القدس ریلیوں میں بھرپور شرکت کرکے اپنی ایمانی غیرت کا مظاہرہ اور غزہ کے مظلوم مسلمانوں کے ساتھ اظہار یکجہتی کریں، دنیا بھر کے مسلمانوں پر واجب ہے کہ وہ قبلہ اول کے تقدس و تحفظ اور مظلوم فلسطینیوں کی حمایت میں صدائے احتجاج بلند کریں۔ اسلام ٹائمز۔ ملی یکجہتی کونسل سندھ نے 27 رمضان المبارک جمعۃ الوداع کو کراچی تا کشمور یوم القدس اور غزہ کے مظلوم مسلمانوں سے اظہار یکجہتی کا اعلان کرتے ہوئے حکومت سے مطالبہ کیا ہے کہ وہ پارہ چنار اور بلوچستان میں قیام امن و دہشتگردی کے خاتمے کے لیے اقدامات کرے۔ یہ مطالبہ ملی یکجہتی کونسل کے اجلاس میں کیا گیا جو کہ جماعت اسلامی کے دفتر میں صوبائی صدر اسداللہ بھٹو کی زیرصدارت منعقد ہوا۔ اسداللہ بھٹو نے اپنے خطاب میں کہا کہ جنگ بندی معاہدے کے باوجود امریکی سرپرستی میں اسرائیل نے غزہ پر درندگی کا مظاہرہ کرکے پوری انسانیت کو شرما دیا ہے۔
ان کا کہنا تھا کہ عوام جمعتہ الوداع کے موقع پر یوم القدس ریلیوں میں بھرپور شرکت کرکے اپنی ایمانی غیرت کا مظاہرہ اور غزہ کے مظلوم مسلمانوں کے ساتھ اظہار یکجہتی کریں، دنیا بھر کے مسلمانوں پر واجب ہے کہ وہ قبلہ اول کے تقدس و تحفظ اور مظلوم فلسطینیوں کی حمایت میں صدائے احتجاج بلند کریں۔ اسداللہ بھٹو نے کہا کہ علمائے کرام بھی اپنے خطاب جمعہ میں غزہ کشمیر سمیت مظلوم مسلمانوں پرہونیوالے مظالم پر اظہار خیال اور ملک میں امن ترقی و خوشحالی کی خصوصی دعائیں کریں۔ اجلاس میں علامہ اسد اقبال زیدی، علامہ قاضی احمد نورانی، حافظ نصراللہ چنا، علامہ ملک غلام عباس، صابر ابومریم و دیگر قائدین بھی موجود تھے۔
ذریعہ: Islam Times
کلیدی لفظ: مظلوم مسلمانوں اسداللہ بھٹو
پڑھیں:
جے سوریا کا مسلمانوں سے اظہار یکجہتی، رواں سال بھی روزہ رکھا
لاہور(سپورٹس رپورٹر)سری لنکن کرکٹ ٹیم کے سابق کپتان اور لیجنڈ کرکٹر سنتھ جے سوریا نے اپنے مسلمان دوستوں کے ساتھ روزہ رکھا ہے۔ سابق سری لنکن کرکٹر سنتھ جے سوریا نے رمضان المبارک کے مقدس مہینے میں اپنے مسلمان دوستوں کے ساتھ روزہ رکھا اور افطار کی تصویر سوشل میڈیا پر شیئر کی۔ بدھ مت کے پیرو کار جے سوریا نے بتایا کہ وہ اپنے سکول کے دنوں سے ہی رمضان المبارک میں ایک روزہ رکھ کر مسلمان دوستوں کے ساتھ افطار کرتے ہیں اور وہ اس روایت کو سالوں سے زندہ رکھے ہوئے ہیں۔ایکس پر شیئر کی گئی تصویر میں جے سوریا نے لکھا کہ ’"آج اپنے مسلمان دوستوں کے ساتھ روزہ رکھا — یہ ایک چھوٹی سی روایت ہے جو میں نے سکول کے زمانے سے رمضان کے دوران اپنائی ہوئی ہے۔ان کے ساتھ افطار کی ایک تصویر بھی شیئر کی گئی۔ دنیا بھر سے پرستاروں نے کرکٹ لیجنڈ کے اس روادارانہ جذبے کی تعریف کی۔ ایک صارف نے لکھا کہ بہت خوب، سنتھ! یہ بہت اچھی بات ہے کہ آپ نے اپنے دوستوں کیساتھ ایسی خوبصورت روایت کو زندہ رکھا ہوا ہے۔ رمضان غور و فکر اور اتحاد کا وقت ہے۔ میں ایک سنہالی ہوتے ہوئے ایک مسلمان گاؤں میں پلا بڑھا، اور مجھے وہ دن واقعی یاد آتے ہیں۔جے سوریا کا یہ اقدام مذہبی ہم آہنگی اور باہمی احترام کی ایک خوبصورت مثال ہے، جس نے ان کے مداحوں کے دلوں میں ان کے لیے مزید احترام پیدا کر دیا ہے۔
حکومت کی تنخواہ دار طبقے کو فوری ریلیف دینے سے معذرت