بھٹ شاہ، اصغریہ اسٹوڈنٹس و اصغریہ تحریک کے تحت القدس سیمینار بعنوان ’’قدس ایک دینی تحریک‘‘ کا انعقاد
اشاعت کی تاریخ: 27th, March 2025 GMT
مقررین نے کہا کہ ہم امیرالمومنین مولا علیؑ کی وصیت پر عمل پیرا ہوتے ہوئے اپنے مظلوم فلسطینی، لبنانی و یمنی بھائیوں کا ہر ممکن ساتھ دینگے۔ اسلام ٹائمز۔ اصغریہ اسٹوڈنٹس آرگنائزیشن پاکستان حیدرآباد ڈویژن اور اصغریہ علم و عمل تحریک پاکستان کے زیر اہتمام ’’قدس ایک دینی تحریک‘‘ کے عنوان سے القدس سیمینار کا انعقاد بھٹ شاہ ضلع مٹیاری میں کیا گیا۔ سیمینار میں فلسطین فاؤنڈیشن پاکستان کے سیکرٹری جنرل ڈاکٹر صابر ابو مریم، اصغریہ اسٹوڈنٹس کے مرکزی جنرل سیکرٹری رمضان علی انقلابی، اصغریہ تحریک کے مرکزی صدر قمر عباس غدیری، مولانا مجاور عباس اعوان، اصغریہ خواتین تحریک کی مرکزی جنرل سیکرٹری عروج فاطمہ، اے ایس او حیدرآباد کے صدر فہد مہدی اور اصغریہ تحریک حیدرآباد کے صدر عاطف مہدی سیال و دیگر نے خطاب کیا۔ افتتاحی خطاب میں فہد مہدی نے تمام شرکاء و مہمان گرامی کو خوش آمدید کہتے ہوئے کہا کہ ایسے سیمینار کا مقصد پیغام قدس کو سمجھنا اور دوسروں تک پہنچانا ہے، اس حوالے سے اپنی ذمہ داری ادا کرتے رہینگے۔
ڈاکٹر صابر ابو مریم نے خطاب کرتے ہوئے کہا کہ فلسطین کی سرزمین فقط فلسطینیوں کی ہے، غاضب اسرائیل کو نابود ہونا ہوگا، پاکستان پر بھی عرب حکمران دباؤ ڈال رہے ہیں کہ وہ بھی پٹھو عرب حکومتوں کی طرح ناجائز اسرائیل کو تسلیم کرلے، ہم کسی کو بھی یہ حق نہیں دیں گے کہ وہ ہم پر اسرائیل کو تسلیم کرنے کیلئے دباؤ ڈالے، ہم اس دباؤ کو مسترد کرتے ہیں۔ انہوں نے کہا کہ ہماری ذمہ داری ہے کہ صہیونی اسرائیل اور اسکے حواریوں کی مصنوعات کا مکمل بائیکاٹ جاری رکھیں۔ قمر عباس غدیری نے اپنے خطاب میں حضرت امام خمینیؒ کی جانب سے جمعتہ الوداع کو عالمی یوم القدس قرار دیئے جانے کو آپ کی بصیرت اور دوراندیشی کا ثبوت قرار دیتے ہوئے عالمی یوم القدس کی ریلیوں، مظاہروں میں بھرپور طریقے سے حصہ لینے کی اپیل کی۔ انہوں نے کہا کہ اس وقت حق و باطل کے معرکے میں لاتعلق رہنا جرم ہے، اس حق کے پیغام کو پوری دنیا تک پہچانے کیلئے اپنی ذمہ داری ادا کریں۔ رمضان علی انقلابی نے خطاب کرتے ہوئے کہا کہ ہم امیرالمومنین مولا علیؑ کی وصیت پر عمل پیرا ہوتے ہوئے اپنے مظلوم فلسطینی، لبنانی و یمنی بھائیوں کا ہر ممکن ساتھ دینگے۔
عروج فاطمہ نے خطاب کرتے ہوئے کہا کہ سلام ہو ان لبنانی و فلسطینی مجاہدین پر، جنہوں نے بہادری اور شجاعت کے ساتھ کربلا سے درس لیتے ہوئے یزید وقت کو شکست دی۔ مولانا مجاور عباس اعوان نے کہا کہ مظلومین جہاں کی مدد و نصرت کیلئے گھروں سے باہر نکل کر میدان عمل میں فعال کردار ادا کرنا ہم سب پر واجب ہے۔ عاطف مہدی سیال نے اختتامی خطاب میں کہا کہ حضرت امام خمینیؒ نے عالمی یوم القدس کا اعلان کرکے امریکا و اسرائیل کی جانب سے مسئلہ فلسطین کو پس پشت ڈالنے کی تمام تر سازشوں کو خاک میں ملا دیا، ہر سال دنیا بھر میں عالم یوم القدس کے منائے جانے سے تحریک آزادی فلسطین کو نئی تازگی ملتی ہے اور مظلوم فلسطینی ماؤں، بہنوں، بچوں، جوانوں و بزرگوں کی ثابت قدمی میں اضافہ ہوتا ہے۔ عاطف مہدی نے شرکاء و عوام سے حیدرآباد سمیت سندھ بھر میں القدس ریلیوں میں شرکت کی اپیل کی۔ القدس سیمینار کا ا ختتام دعائے امام زمانہ (عج) سے کیا گیا۔
ذریعہ: Islam Times
کلیدی لفظ: ہوئے کہا کہ یوم القدس نے کہا کہ
پڑھیں:
شیعہ علماء کونسل کے تحت کراچی میں مرکزی القدس ریلی، علامہ شبیر میثمی کا خصوصی خطاب
ریلی کے شرکاء سے خطاب کرتے ہوئے علامہ اسد اقبال زیدی، حسنین مہدی، مولانا جعفر سبحانی، مولانا بدرالحسنین، مولانا عباس مہدی ترابی، مولانا حسن رضا، مولانا سجاد حاتمی و دیگر رہنماؤں کا کہنا تھا کہ اسرائیل کا چپا چپا آج مزاحمتی گروہوں کے نشانے پر ہے اور اسرائیل اندرونی ٹوٹ پھوٹ کا بھی شکار ہو رہا ہے۔ اسلام ٹائمز۔ شیعہ علماء کونسل پاکستان کراچی ڈویژن کی جانب سے مرکزی القدس ریلی ریگل تا کراچی پریس کلب تک ریلی نکالی گئی جس میں ہزاروں کی تعداد میں مرد، خواتین و کارکنان نے بڑی تعداد میں شرکت کی۔ ریلی سے ایس یو سی پاکستان کے رہنماؤں علامہ شبیر میثمی اور علامہ اسد اقبال زیدی نے خطاب کیا جبکہ اس موقع پر ملی یکجہتی کونسل سندھ کے رپنما علامہ قاضی احمد نورانی، فلسطین فاؤنڈیشن پاکستان کے سیکریٹری جنرل ڈاکٹر صابر ابومریم نے بھی خصوصی شرکت کی۔ اپنے خطاب میں رہنماؤں کا کہنا تھا کہ پاکستانی حکومت مسلمان رہنماؤں کے وزرائے خارجہ کی کانفرنس بلا کر فلسطین میں جاری صیہونی بمباری، بربریت، نمازیوں، بچوں اور عورتوں پر ڈھائے جانے والے مظالم کے خلاف صدائے احتجاج بلند کریں، دنیا دیکھ رہی ہے کہ اسرائیل کا زعم اور ناقابل تسخیر ہونے کا دعوی ختم ہوتا جا رہا ہے، اسرائیل کا چپا چپا آج مزاحمتی گروہوں کے نشانے پر ہے اور اسرائیل اندرونی ٹوٹ پھوٹ کا بھی شکار ہو رہا ہے، انسانیت اور انسانی حقوق کی پامالی کرنے سے دنیا میں امن قائم نہیں ہوسکتا، انسانی حقوق کے چیمپئنز کو فلسطین میں اسرائیل کی جانب سے انسانیت سوز مظالم کیوں نظر نہیں آتے، کفار کی جانب سے مسلمانوں کو تقسیم کیے جانا لمحہ فکریہ ہے۔
ریلی کے شرکاء سے خطاب کرتے ہوئے حسنین مہدی، مولانا جعفر سبحانی، مولانا بدرالحسنین، مولانا عباس مہدی ترابی، مولانا حسن رضا، مولانا سجاد حاتمی و دیگر رہنماؤں کا کہنا تھا امت مسلمہ کے مسائل کا حل ان کے اتحاد میں مضمر ہے، اس وقت مسئلہ فلسطین امت کا سب سے بڑا اور اہم موضوع ہے، اپنے آپ کو انسانی حقوق کا چیمپئن کہنے والوں کو فلسطین میں اسرائیلی اور کشمیر میں بھارتی انسانیت سوز مظالم نظر کیوں نہیں آتے، ان کا یہ منافقانہ طرز عمل انتہائی قابل مذمت ہے، فلسطین میں مسلمانوں کو مذہبی عبادات کرنے سے روکا جا رہا ہے، یہ سب اس لئے ہو رہا ہے کیونکہ دنیا بھر میں بسنے والے مسلمان گروہوں میں بٹ گئے ہیں، ان مسائل سے نکلنے کا واحد راستہ امت مسلمہ کا اتحاد ہے۔ ریلی کے اختتام پر شرکاء ریلی نے امریکہ و اسرائیل کے پرچم نذر آتش کئے۔
گورنر پنجاب کی چاندنی چوک فوڈ سٹریٹ میں سحری، شہریوں سے ملاقاتیں