کلمت مکران کوسٹل ہائی وے پر دہشت گردی میں شہادتیں انتہائی افسوسناک ہیں۔ خواجہ رمیض حسن
اشاعت کی تاریخ: 27th, March 2025 GMT
لاہور (اُردو پوائنٹ اخبارتازہ ترین۔ 27 مارچ2025ء) مسلم لیگ ق کے رہنما خواجہ رمیض حسن نے بیان میں کہا کہ کلمت مکران کوسٹل ہائی وے پر دہشت گردی کا واقعہ؛ نتیجے میں شہادتیں انتہائی افسوسناک عمل ہے بلوچستان میں صوبائیت پرستی کے نام پر نہتے سول و ملٹری پاکستانیوں کی ٹارگٹ کلنگ کے واقعات سے دشمن کے ناپاک عزائم عیاں ہیں۔ مقصد گوادر پورٹ زون کو سبوتاژ کرنا، وقت آگیا خطے میں قیام امن کے لئے اتحادیوں کے ساتھ مکمل کوآرڈینینشن کے ساتھ انٹیلیجنس بیسڈ مشترکہ آپریشن کی طرف بڑھا جائے۔
چین ہمارا اتحادی اور گوادر میں اہم شراکت دار ہے۔ افغانستان اس وقت بلوچستان اور خیبرپختونخوا کے سرحدی علاقوں میں خوارج کی کاروائیوں کی صورت انڈیا اور مغربی طاقتوں کا مہرا بنا ہوا ہے جس کے متعدد ثبوت حکومت پاکستان افغان عبوری حکومت کو وقتاً فوقتاً دیتی آرہی ہے۔(جاری ہے)
ماضی میں گوادر پورٹ اور چاہ بھار کے تقابلی صورتحال کے حوالے سے ایران کا کردار بھی عیاں ہے۔
انڈیا کی چاہ بھار میں دلچسپی اور بعد ازاں ایران کا انڈیا کے ساتھ چاہ بھار کے معاملے دوریاں اختیار کرنا بھی اہمیت کا حامل ہے۔ دہشتگردی کا پھیلاؤ خطے میں اس کی شاخیں گوادر سے آگے چاہ بھار تک بھی لے جائے گا۔ سرمچاروں کا نیٹ ورک بلوچستان اور سیستان میں یکساں طور پر مظبوط ہے اور رشتے درایوں کا سلسلہ ہزاروں سالوں پر محیط ہے۔بگرام ائیر بیس کی امریکہ کو دوبارہ حوالگی سمیت دیگر عوامل خطے میں قیام امن کی کوششوں کے لیے کس قدر موزوں ہیں اس کا جواب خطے پر گہری نظر رکھنے والے تجزیہ کاروں سے بہتر کون جان سکتا ہے۔.ذریعہ: UrduPoint
کلیدی لفظ: تلاش کیجئے چاہ بھار
پڑھیں:
اسلام آباد؛ پی ٹی آئی کے 29 کارکنان انسداد دہشت گردی عدالت میں پیش، فیصلہ محفوظ
اسلام آباد:انسداد دہشت گردی عدالت اسلام آباد میں پاکستان تحریک انصاف (پی ٹی آئی) کے 29 کارکنان کو پیش کردیا گیا جہاں فریقین کے دلائل مکمل ہونے والے فیصلہ محفوظ کرلیا گیا۔
انسداد دہشت گردی اسلام آباد میں ملزمان کی جانب سے سردار مصروف ایڈووکیٹ، آمنہ علی ایڈووکیٹ اور دیگر پیش ہوئے جبکہ پولیس کی جانب سے پی ٹی آئی کارکنان کو شناخت پریڈ کے لیے جیل بیجھنے کی استدعا کی گئی۔
انسداد دہشت گردی عدالت نے دونوں اطراف کے دلائل مکمل ہونے پر فیصلہ محفوظ کر لیا۔
خیال رہے کہ پی ٹی آئی کارکنان راولپنڈی ڈویژن کے مختلف مقدمات میں ضمانت کے بعد رہا ہوئے تھے جبکہ پولیس نے تھانہ کوہسار کے مقدمہ نمبر 1033 میں شناخت پریڈ کے لیے استدعا کی تھی۔
پی ٹی آئی کارکنان کے خلاف تھانہ کوہسار میں 26 نومبر کو کیے گئے پرتشدد احتجاج پر مقدمہ درج ہے۔
بحیرہ احمر میں امریکی بحری بیڑہ ناکام ہو گیا، سربراہ انصار الله