سلمان خان نے برسوں بعد سنجے دت کیساتھ فلم کرنے کا اعلان کردیا
اشاعت کی تاریخ: 27th, March 2025 GMT
بالی ووڈ کے سپر اسٹار سلمان خان نے انڈسٹری کے منا بھائی سنجے دت کیساتھ برسوں بعد نئی فلم کرنے کا اعلان کردیا۔
سلمان خان نے عید پر ریلیز ہونے والی اپنی فلم ’سکندر‘ کی پروموشن کے دوران میڈیا سے بات کرتے ہوئے اس خبر کا اعلان کیا کہ وہ جلد سنجے دت کے ساتھ ایک بہترین فلم کرنے والے ہیں۔
سلمان نے دعویٰ کیا کہ یہ ایک دلچسپ پراجیکٹ ہوگا اور نیکسٹ لیول کی فلم کو جو شائقین کو بےحد متاثر کرے گی۔ تاہم انہوں نے اس پراجیکٹ کے بارے میں مزید معلومات بتانے سے گریز کیا۔
View this post on InstagramA post shared by Varinder Chawla (@varindertchawla)
سلمان نے بتایا کہ فلم کے ڈائریکٹر اور پروڈیوسر کی جانب سے ابھی تک اس فلم کا اعلان نہیں کیا گیا ہے تاہم یہ پائپ لائن میں ہے۔
یاد رہے کہ سلمان خان فلم سکندر میں پہلی مرتبہ جنوبی بھارتی اداکارہ رشمیکا مندنا کے ساتھ اسکرین شیئر کر رہے ہیں جو ان سے عمر میں 31 برس چھوٹی ہیں۔ یہ فلم عید الفطر کے موقع پر 30 مارچ 2025 کو ریلیز ہوگی جس کی بکنگ جاری ہے اور اس فلم کے پہلے دن کے ہی 1 کروڑ سے زائد کے ٹکٹس فروخت ہوچکے ہیں۔
.
ذریعہ: Express News
پڑھیں:
عیدالفطر پر پاکستانی سنیما گھروں میں کون سی فلمیں ریلیز ہوں گی؟
عیدالفطر کے موقع پر پاکستان کے سنیما گھروں میں ہر سال کی طرح اس مرتبہ بھی نئی فلمیں ریلیز ہونے والی ہیں، میٹھی عید کے موقع پر 5 پاکستانی فلمیں نمائش کے لیے پیش کی جائیں گی۔ آئیے جانتے ہیں کہ عیدالفطر کے موقع پر پاکستان میں ریلیز ہونے والی فلمیں کون سی ہیں۔
1:لوو گروسپر اسٹار‘ ماہرہ خان اور ہمایوں سعید کی رومانٹک فلم ’لو گُرو‘ اس عید پر سینما گھروں کی زینت بنے گی، ہدایتکار ندیم بیگ کی فلم ’لو گُرو‘ (Love Guru) کے ذریعے ماہرہ خان اور ہمایوں سعید ایک دہائی بعد بڑے پردے پر رومانس کرتے دکھائی دیں گے، اس سے قبل دونوں 2015 کی رومانوی فلم ’بن روئے‘ میں رومانس کرچکے ہیں اور اب شائقین 10 سال بعد انہیں دوبارہ رومانس کرتے دیکھیں گے۔
مزید پڑھیں: مولانا طارق جمیل اداکارہ وینا ملک کو کیوں ڈھونڈتے پھر رہے تھے؟
’لو گُرو‘ (Love Guru) کی شوٹنگ پاکستان سمیت برطانیہ میں بھی کی گئی ہے جبکہ اس کی کاسٹ میں دیگر بھی نامور اداکار شامل ہیں۔ معروف اداکار، ہدایتکار اور اسکرین رائٹر واسع چوہدری نے فلم ‘لو گرو’ کی کہانی لکھی ہے لوو گرو کو سلمان اقبال فلمز، اے آر وائی فلمز اور سکس سگما پلس کے بینر تلے عید الفطر پر ریلیز کیا جائے گا۔
2:قلفیمعروف اداکار شہروز سبزواری اور اداکارہ و ماڈل سعیدہ امتیاز کی فلم ’قلفی‘ عید پر ریلیز کی جائے گی۔ فلم ایکشن، کامیڈی، ڈرامہ اور سسپنس سے بھرپور ہے۔ فلم میں شہروز سبزواری، شامل خان، جاوید شیخ، معمر رانا، عدنان شاہ ٹیپو، سعیدہ امتیاز، مریم انصاری، لیلیٰ دستان، بابر علی، ولی حمید علی خان، مشہود قادری، ازمی، محمود اسلم اور فیصل نقوی جیسے سپر اسٹارز شامل ہیں۔
فلم کے پروڈیوسر مشہود قادری کا کہناہے کہ فلم قلفی صرف ایک فلم نہیں یہ ایک تجربہ ہے اور ہم شائقین کی پسند کو مد نظر رکھتے ہوئے پراسراریت، رومانس، ایکشن اور مزاح سب ایک چھت تلے اکھٹا کر کے دکھانا چاہتے ہیں۔
3: کبیرفلم’ کبیر ‘ کی کاسٹ میں اداکار میثم علی، سکینہ خان، انعم تنویر، عدنان شاہ ٹیپو، جہانگیر جانی اور سخاوت ناز سمیت دیگر فنکار شامل ہیں۔ لالی ووڈ کی اس فلم کو نیہا لاج نے ڈائریکٹ کیا ہے اور فلم کے پرڈیوسر میثم علی ہیں، اس فلم کو عید الفطر پر سینماؤں میں ریلیز کیا جائے گا۔
مزید پڑھیں: وینا ملک کا اپنے بچوں کی پیدائش سے متعلق اہم انکشاف
4:لمبی جدائیمعروف ڈائریکٹر جاوید رضا اور پروڈیوسر ملک مشتاق کی نئی پاکستانی فلم “لمبی جدائی” عید الفطر میں ریلیز کی جائے گی، اس فلم کے ہیرو طیب خان، اور ہیروئن فضا مرزا ہیں، فلم کے پروڈیوسر ملک مشتاق کا کہنا ہے کہ یہ فلم نفع کمانے کے لیے نہیں بلکہ فلم انڈسٹری کی بحالی کے لیے بنائی گئی ہے، وہ چاہتے ہیں پاکستان فلم انڈسٹری دوبارہ سے پروان چڑھے، فلم “لمبی جدائی”کے نمایاں فنکاروں میں بابر علی، نواز خان، فضا مرزا، طیب خان، اظہر رنگیلا، طلعت شاہ اور حریم فاطمہ نمایاں ہیں۔
5:مارشل آرٹسٹفرحان خان، شاز خان اور صنم سعید کی کھیلوں کے فروغ کو اجاگر کرتی فلم ’’مارشل آرٹسٹ‘‘ بھی سینما گھروں کی زینت بنے گی، فلم میں منفرد پیغام بھی دیا گیا ہے۔ میٹھی عید پر پاکستانی فلموں کے علاوہ شائقین دو ہالی ووڈ فلمیں بھی سلور اسکرین پر دیکھ سکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی سنیما سنیما فلمیں ماہرہ خان ہمایوں سعید
ریاست کے دشمنوں کو نشانہ عبرت بنایا جائے گا