ننھے صارم کا مبینہ قتل، پولیس سرجن کا ڈی آئی جی ویسٹ کو خط
اشاعت کی تاریخ: 27th, March 2025 GMT
— فائل فوٹو
نیو کراچی میں ننھے صارم کے مبینہ اغواء اور قتل سے متعلق تاحال کچھ نہ پتہ چل سکا، صارم کی وجۂ موت جاننے کے لیے پولیس کی تفتیش جاری ہے۔
اس حوالے سے کراچی پولیس سرجن نے ڈی آئی جی ویسٹ عرفان بلوچ کو خط لکھا ہے۔
خط کے متن میں کہا گیا ہے کہ متعلقہ ایس ایس پی اور تفتیشی افسر فرانزک اسپیشلسٹ بورڈ کی میٹنگ میں شریک ہوں۔
ڈاکٹر سمعیہ کا کہنا ہے کہ بچے کے جسم سے نمونے حاصل کرلیے گئے ہیں، بچے کی موت کی وجہ تفصیلی رپورٹ آنے کے بعد سامنے آئے گی۔
خط میں کہا گیا ہے کہ جامعہ کراچی اور کرائم سین یونٹ کی رپورٹس فوری طور پر بورڈ کے پاس جمع کروائیں۔
خط کے مطابق صارم کی وجۂ موت جاری کرنے کے لیے تفتیشی افسر لیبارٹری رپورٹس بلا تاخیر ایم ایل او کو جمع کروائیں، بورڈ کی اگلی میٹنگ 7 اپریل کو ہو گی۔
یاد رہے کہ صارم کی موت کی وجہ جاننے کے لیے پولیس سرجن نے فرانزک اسپیشلسٹ بورڈ تشکیل دیا تھا۔
.ذریعہ: Jang News
پڑھیں:
کراچی، کار کی ٹکر سے موٹر سائیکل سوار خاتون اور مرد جاں بحق
فائل فوٹوکراچی میں مائی کلاچی روڈ ریلوے پھاٹک کے قریب کار اور موٹرسائیکل کی ٹکر میں موٹر سائیکل سوار خاتون اور مرد جاں بحق ہوگئے۔
پولیس کے مطابق حادثے میں ایک بچی شدید زخمی ہوگئی، جاں بحق افراد کی لاشیں اور زخمی کو اسپتال منتقل کردیا گیا۔
پولیس کے مطابق کار ڈرائیور موقع سے فرار ہوگیا جبکہ کار کو تحویل میں لے لیا گیا ہے۔
دوسری جانب کلفٹن بلاک 2 میں گاڑی سے ایک شخص کی لاش ملی ہے۔
پولیس کا بتانا ہے کہ گاڑی میں پستول اور مقتول کا موبائل فون بھی موجود ہے۔
ادھر لانڈھی، رزاق آباد عبداللّٰہ گوٹھ میں گھر سے ایک شخص کی لاش ملی ہے جس کی شناخت 35 سال کے عبدالستار کے نام سے ہوئی۔
مصطفیٰ عامر قتل کیس، قائم مقام پراسیکیوٹر جنرل سندھ کو دھمکیاں ملنے کا انکشاف