عامر خان فلمی رازوں سے پردہ اٹھانے کےلیے یوٹیوب پر آگئے
اشاعت کی تاریخ: 27th, March 2025 GMT
بالی ووڈ کے معروف اداکار اور ’مسٹر پرفیکشنسٹ‘ عامر خان نے اپنے مداحوں کو ایک بڑا تحفہ دیتے ہوئے یوٹیوب پر اپنا نیا چینل ’عامر خان ٹاکیز‘ لانچ کر دیا ہے۔
عامر خان کا اپنی 60 ویں سالگرہ کے موقع پر شروع کیے گئے اس چینل کا مقصد فلم سازی کے پیچھے چھپے رازوں کو مداحوں کے سامنے لانا ہے۔
بالی ووڈ کے سینئر اداکار نے اپنے یوٹیوب چینل کے تعارف میں کہا کہ ’’ہمیشہ سے چاہتا تھا کہ فلم سازی کے سفر کو اپنے مداحوں کے ساتھ بانٹوں۔ اب ’عامر خان ٹاکیز‘ کے ذریعے آپ کو فلمی دنیا کے وہ راز دکھائیں گے جو آج تک پردے کے پیچھے ہی تھے۔‘‘
یاد رہے کہ مارچ 2025 میں اپنی 60 ویں سالگرہ منانے والے عامر خان نے یہ چینل اپنے کیریئر کو نئی جہت دینے کےلیے شروع کیا ہے۔ ان کا کہنا ہے کہ یہ چینل نہ صرف انٹرٹینمنٹ بلکہ تعلیم کا بھی ایک ذریعہ ہوگا۔
سوشل میڈیا پر مداحوں نے اس اعلان پر خوشی کا اظہار کیا ہے۔ صارفین نے کمنٹس کرتے ہوئے کہا کہ ’’اب ہمیں عامر خان کی سوچ تک رسائی ملے گی!‘‘، ’’بالی وڈ کا سب سے ذہین اداکار اب یوٹیوب پر بھی چھا جائے گا‘‘۔ اور کچھ صارفین نے رائے کا اظہار کہا کہ ’’کیا ہی اچھا ہوتا اگر یہ چینل پہلے شروع ہوجاتا‘‘۔
.ذریعہ: Express News
پڑھیں:
وہ پاکستانی یوٹیوبرز جو شہرت سنبھال نہ پائے
شہرت کی بلندیوں پر پہنچنا ہر کسی کا خواب ہوتا ہے، لیکن ہر ایک کو یہ منزل نصیب نہیں ہوتی، جدید دور میں یوٹیوب نے لوگوں کو ایک موقع فراہم کیا ہے کہ وہ اپنے ٹیلنٹ کی بنیاد پر مقبولیت حاصل کرسکتے ہیں۔ پاکستان میں کچھ ایسے چہرے بھی ہیں جو یوٹیوب کی دنیا میں بے حد مقبول ہوئے مگر شہرت کو سنبھال نہ پائے۔
یوٹیوبرز کے حوالے سے عوام میں ہمیشہ دو رائے ہوتی ہیں، ایک طبقہ ان کو پسند کرتا ہے، جبکہ دوسرے کی جانب سے مخالفت کی جاتی ہے۔
نوجوان پاکستانی یوٹیوبرز کی کامیابی کے عروج پر ہاتھ سے نکل جانے کی کئی کہانیاں ہیں اور وہ ان تنازعات میں گھرے ہوئے ہیں جن سے ہر قیمت پر گریز کیا جانا چاہیے تھا۔
آج ہم آپ کو بتاتے ہیں کچھ ایسے یوٹیوبرز کے بارے میں جو عوام میں بے حد مقبول ہوئے لیکن اس کے بعد انہوں نے کچھ احمقانہ فیصلتے لیے۔
رجب بٹرجب بٹ مشہور یوٹیوبر ہیں، جنہوں نے پہلے اداکاری میں کیریئر بنانے کی کوشش کی۔ انہوں نے بابر علی اور کنزہ ہاشمی کے ساتھ ایک ڈرامے میں بھی پرفارم کیا۔
رجب بٹ نے بعد ازاں فیملی وی لاگر کے طور پر یوٹیوب میں شمولیت اختیار کی، اور دیکھتے ہی دیکھتے شہرت کی بلندیوں تک جا پہنچے۔
یہیں سے ان کا تنازعات کا سفر بھی شروع ہوا، ان کا بہت سے ساتھی تخلیق کاروں کے ساتھ جھگڑا ہے، کچھ عرصہ قبل گھر سے شیر کا بچہ برآمد ہونے پر ان کی گرفتاری ہوئی۔
رجب بٹ نے حال ہی میں 295 کے نام سے ایک پرفیوم لانچ کیا، جس کے بعد بہت سی مذہبی جماعتیں ان کے پیچھے پڑ گئیں، اور وہ ملک سے فرار ہوگئے۔
وہ ایک ایسے معاملے میں پھنس گئے ہیں جس کا پاکستان میں رہ کر دفاع کرنا آسان نہیں۔
رجب بٹ جو ایک ہفتہ قبل مشہور یوٹیوبر تھے، اب راتوں رات بہت سے دشمن اور نفرت کرنے والے بنا چکا ہے، اور یہ سب کچھ ان کی غیرذمہ داری کی وجہ سے ہوا۔
ڈکی بھائیڈکی بھائی پاکستان کے مشہور یوٹیوبر ہیں، انہوں نے اپنا یوٹیوب سفر گیمنگ اور روسٹنگ مواد سے شروع کیا۔ وہ ایک چھوٹا بچہ تھا، جب مشہور یوٹیوبر شام ادریس کے ساتھ اس کا جھگڑا ہوا جس نے اسے راتوں رات اسٹار بنا دیا۔
سب کو اچانک پتہ چل گیا کہ ڈکی بھائی کون ہیں، اور وقت کے ساتھ ساتھ وہ ترقی کرتے رہے، تاہم وہ بھی مختلف تنازعات کا شکار رہے ہیں، اور اکثر خبروں میں رہتے ہیں۔
شام ادریسشام ادریس ایک پاکستانی یوٹیوبر ہیں جن کا تعلق کینیڈا سے ہے اور انہوں نے 2014 سے 2017 کے دوران پاکستان میں یوٹیوب راج کیا۔ بیوی ساتھ ان کے مذاق کی ویڈیوز کو لاکھوں لوگوں نے پسند کیا۔
پھر اس کے بعد وہ ڈکی بھائی کے ساتھ جھگڑے میں پڑ گئے، جو اس وقت کوئی بڑا نام نہیں تھا، لڑائیاں جوں جوں آگے بڑھیں تو ان کے لیے نفرت انگیز فوج پیدا ہوگئی، شام ادریس اب یوٹیوب پر موجود ہیں، لیکن اتنے متحرک نہیں رہے۔
نادر علینادر علی کا شمار بھی معروف پاکستانی یوٹیوبرز میں ہوتا ہے، انہوں نے مذاق کی ویڈیوز سے شروعات کی، اور اپنے فالورز بنانے کے لیے کئی سالوں تک محنت کی۔
انہوں نے پاکستان کے اندر اور باہر بہت سے لوگوں کے انٹرویو کیے ہیں، لیکن غیرضروری تنازعات میں پڑنے کی وجہ سے بہت سے لوگ ان سے دور ہوگئے۔
نادر علی کو ان کے جارحانہ اور بعض اوقات سوالات کی نامناسب لائن کی وجہ سے عوامی تنقید کا سامنا کرنا پڑا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ڈکی بھائی رجب بٹ شام ادریس شہرت نادر علی وی نیوز یوٹیوبر
مصطفیٰ عامر قتل کیس، قائم مقام پراسیکیوٹر جنرل سندھ کو دھمکیاں ملنے کا انکشاف