ہانیہ عامر کیمرے کی آنکھ سے کیا چھپانے کی کوشش کر رہی ہیں؟ ویڈیو وائرل
اشاعت کی تاریخ: 27th, March 2025 GMT
ہانیہ عامر اس وقت برطانیہ میں ہیں اور پاکستانی کمیونٹی کی جانب سے ان کے اعزاز میں منعقد کی جانے والی تقریبات میں شرکت کر رہی ہیں۔ صحافیوں کے ساتھ ان کی بات چیت کی ایک ویڈیو بھی سوشل میڈیا پر وائرل ہو رہی ہے تاہم اس ویڈیو میں وہ کیمرے سے کچھ چھپانے کی کوشش کر رہی ہیں جس نے سوشل میڈیا پر ایک نئی بحث چھیڑ دی ہے۔
ہانیہ عامر ایک تقریب میں شرکت کیلئے جارہی تھیں جب انہیں صحافیوں نے تصاویر کیلئے روک دیا۔ ہانیہ نے جواب دینے سے پہلے چند سیکنڈ مانگے اور اپنے ہاتھ میں موجود کسی چیز کو چھپانے کی کوشش کی اور اسے اپنی مینیجر کو تھما دیا جوکہ ان کی مینیجر سے بھی زمین پر گِر پڑی۔
انہوں نے صحافیوں سے ویڈیو ڈیلیٹ کرنے کی بھی درخواست کی۔ تاہم سوشل میڈیا پر اس وائرل ویڈیو نے مداحوں میں تشویش پیدا کر دی ہے کہ آخر اداکارہ کیا شے چھپانے کی کوشش کر رہی تھیں۔
View this post on InstagramA post shared by Vox Star (@voxstar5)
سوشل میڈیا صارفین قیاس آرائیاں کر رہے ہیں کہ وہ ویپ یا لائٹر تھا جس کو وہ کیمرے کی آنکھ سے چھپانے کی کوشش کر رہی تھیں
ایک سوشل میڈیا صارف نے لکھا، ’’ہم نے دیکھا کہ وہ کیا چھپا رہی تھی۔‘‘ ایک اور نے تبصرہ کیا، ’اوہ، تو یہ بھی سگریٹ پیتی ہے۔‘
ایک مداح نے اداکارہ کی حمایت میں کہا، ’ان لوگوں پر شرم آنی چاہیے جو کہہ رہے ہیں کہ یہ ویپ ہے، یہ اس کا لِپ گلوس ہے‘۔ ایک اور مداح نے لکھا، ’انڈسٹری میں ہر کوئی سگریٹ نوشی کرتا ہے، تو کیا ہوگا اگر وہ سگریٹ پی رہی ہو؟‘
ایک اور مداح نے لکھا ’میں نے سوچا کہ یہ اس کی لپ اسٹک ہے‘۔
.
ذریعہ: Express News
کلیدی لفظ: سوشل میڈیا
پڑھیں:
ریمپ واک کے دوران ایشان کھتر کے کپڑے اتارنے پر لوگ مشتعل، ویڈیو وائرل
بھارتی فلم اسٹار شاہد کپور کے سوتیلے بھائی اور اداکار ایشان کھتر نے ریمپ واک کے دوران ایسی حرکت کی کہ دیکھنے والے دنگ رہ گئے۔
’’لیکمے فیشن ویک‘‘ کے چوتھے دن ایشان کھتر نے ایک شو اسٹاپر کی حیثیت سے واک کی تھی۔ لیکن ریمپ واک کے دوران بالی ووڈ کے اس نوجوان اداکار نے اچانک اپنے کپڑے اتارنا شروع کردیے اور اپنے ’ایٹ پیک ایبس‘ کی نمائش کی۔
سوشل میڈیا پر اس واقعے کی ویڈیو وائرل ہوتے ہی صارفین نے ایشان کھتر کو آڑے ہاتھوں لیا اور انھیں شدید تنقید کا نشانہ بنایا جارہا ہے۔
View this post on InstagramA post shared by Lakmē Fashion Week (@lakmefashionwk)
وائرل ویڈیو میں ایشان کھتر نے ریمپ واک کے دوران نارنجی پرنٹڈ شرٹ اور بیگی ٹراؤزر کے ساتھ ایک جیکٹ پہنی تھی۔ لیکن جیسے ہی وہ ریمپ کے بیچ میں پہنچے، انہوں نے اپنے کپڑے اتارنا شروع کردیے اور شرٹ اتارنے کے بعد اپنی پینٹ کی جیب سے سن اسکرین اسٹک نکال کر اپنے چہرے اور کندھوں پر لگانا شروع کردی۔
بظاہر یہ سب ایک برانڈ کی تشہیر کےلیے تھا۔ لیکن صارفین کو ایشان کھتر کا یہ انداز بالکل پسند نہیں آیا۔ انہوں نے سوشل میڈیا پر ایشان کھتر پر سخت تنقید کی اور ان کی ریمپ واک کو ’’اسٹرپ شو‘‘ قرار دیا۔
ایک صارف نے لکھا، ’’یہ ریمپ واک ہے یا اسٹرپ شو؟’‘‘ جبکہ ایک اور صارف نے اپنی رائے کا اظہار کیا کہ ’’میں نے آج تک جتنی بھی ریمپ واک دیکھی ہیں، ان میں یہ سب سے زیادہ غیر پیشہ ورانہ اور انتہائی بری واک تھی۔‘‘
کچھ صارفین نے ایشان کھتر کا موازنہ رنویر سنگھ سے بھی کیا۔ انہوں نے کہا کہ ایشان کھتر بھی رنویر سنگھ کی طرح سستی شہرت حاصل کرنے کی کوشش کر رہے ہیں۔
یاد رہے کہ اس سے قبل ایشان کھتر ڈرٹی میگزین کےلیے نیم برہنہ فوٹو شوٹ کروانے کے حوالے سے بھی تنقید کا نشانہ بن چکے ہیں۔
بلوچستان… معدنی ذخائر کا خزینہ