ڈاکٹر یاسمین راشد جیل میں قیدیوں کا علاج کر رہی ہیں؟
اشاعت کی تاریخ: 27th, March 2025 GMT
پی ٹی آئی کی سینئیر رہنما ڈاکٹر یاسمین 9 مئی 2023 کو ہونے والے واقعات میں گرفتار ہوئیں اور ابھی تک جیل میں قید ہیں۔ ڈاکٹر یاسمین راشد پر جناح ہاؤس، عسکری ٹاور اور ن لیگ کا آفس جلانے پر فرد جرم عائد ہو چکی ہوئی ہے۔
ڈاکٹر یاسمین راشد کینسر کی مریضہ ہیں۔ انکا علاج معالج بھی چل رہا ہے،کچھ عرصہ قبل ڈاکٹر یاسمین راشد کی طبعیت خراب ہوئی تو انہیں سروسز اسپتال منتقل کیا گیا لیکن طبعیت بحالی کے بعد انہیں دوبارہ کوٹ لکھپت جیل میں قید کردیا گیا۔
جیل ذرائع کے مطابق ڈاکٹر یاسمین راشد بڑی جرات مندی سے جیل کاٹ رہی ہیں، اگرچہ انہیں بی کلاس کی سہولیات دی گئی ہیں، جیل ذرائع نے بتایا کہ کوٹ لکھپیت جیل میں شاہ محمود قریشی، میاں محمود الرشید، سینیٹر اعجاز چوہدری، ڈاکٹر یاسمین راشد قید ہیں۔ سیاسی قیدی ہونے کے ناتے ان ملزمان کو بی کلاس دی گئی ہے۔
مزید پڑھیں: ڈاکٹر یاسمین راشد کی صحت کا فیصلہ میڈیکل بورڈ کرے گا
بی کلاس کے قیدی اپنی مرضی سے اپنا کھانا بنوا سکتے ہیں گھر سے منگوا سکتے ہیں۔ قیدیوں والی وردی سے بھی اس گیٹگری میں آنے والے ملزمان مستشنیٰ ہوتے ہیں۔ ہفتے میں دو دن اپنے اہلخانہ سے ملاقات بھی کرسکتے ہیں۔
جیل ذرائع کے مطابق ڈاکٹر یاسمین راشد کی صحت جیل میں آنے کے بعد زیادہ بہتر ہوئی ہے، وہ یہاں پر اپنی روٹین کے مطابق ادویات لیتی ہیں۔ مختلف مضوعات پر کتابیں پڑھتی ہیں۔ خواتین قیدیوں کے ساتھ ان کا رویہ کافی اچھا ہے، وہ جیل میں قید خواتین قیدیوں کی اصلاح بھی کرتی رہتی ہیں۔
جیل ذرائع نے بتایا کہ ڈاکٹر یاسمین راشد کے بارے میں جیل کے اندر مشہور ہے کہ کوئی بیمار ہوتا ہے تو وہ کہتا ہے کہ ڈاکٹر صاحبہ کو کہیں کہ وہ ہمارا معائنہ کردیں۔ ڈاکٹر یاسمین راشد جیل میں بیٹھ کر جو قیدی بیمار ہو جاتے ہیں ان کا علاج معالجہ کرتی ہیں۔
مزید پڑھیں: پی ٹی آئی رہنما یاسمین راشد کی جیل میں طبیعت خراب، شوکت خانم اسپتال منتقل
ادویات تجویز کردیتی ہیں، جتنے بھی قیدیوں کا علاج کیا ہے ان کی صحت ان کی تجویز کردہ نسخے سے بہتر ہوئی ہے۔ جیل قیدی ڈاکٹر یاسمین راشد کی وجہ سے خوش ہیں، 70 سالہ بزرگ ہونے کے ناتے وہ سب کا خیال رکھتی ہیں۔
جیل ذرائع نے یہ بھی بتایا کہ نہ صرف جیل میں قیدی ان سے اپنا چیک اپ یا علاج معالجہ کرواتے ہیں بلکہ کبھی کبھار خواتین پولیس اہکار جو کوٹ لکھپت جیل میں تعینات ہیں، اگر بیمار پڑ جائیں تو وہ بھی ڈاکٹر یاسمین راشد سے اپنا چیک اپ کروا لیتی ہیں۔ کافی قیدی اور پولیس والے ان کے علاج سے بہتر ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی جیل ڈاکٹر یاسمین راشد کوٹ لکھپت جیل.ذریعہ: WE News
کلیدی لفظ: پی ٹی ا ئی جیل ڈاکٹر یاسمین راشد کوٹ لکھپت جیل ڈاکٹر یاسمین راشد کی جیل میں قید جیل ذرائع کا علاج
پڑھیں:
کوئٹہ دھماکا، 11 زیرِ علاج زخمی اسپتال سے ڈسچارج
— فائل فوٹوکوئٹہ کے علاقے ڈبل روڈ پر گزشتہ روز کے بم دھماکے کے 11 زخمیوں کو اسپتال سے ڈسچارج کر دیا گیا۔
اسپتال انتظامیہ کے مطابق ڈبل روڈ پر دھماکے کے 11زخمیوں کو طبی امداد کی فراہمی اور حالت کی بہتری کے بعد سنڈیمن اسپتال سے ڈسچارج کر دیا گیا ہے۔
کوئٹہ میں ڈبل روڈ پر دھماکے کے نتیجے میں 4 پولیس اہلکار زخمی ہوگئے۔
انتظامیہ نے بتایا ہے کہ دھماکے کے 6 زخمی افراد ٹراما سینٹر، 3 سنڈیمن اسپتال میں زیرِ علاج ہیں جبکہ زخمیوں میں سے 2 کی حالت تشویش ناک ہے، جن کا ٹراما کے آئی سی یو میں علاج جاری ہے۔
یاد رہے کہ گزشتہ روز کوئٹہ کے ڈبل روڈ پر دھماکے میں 3 افراد جاں بحق اور21 زخمی ہوئے تھے۔
ہماری اماں