پاکستان پر پابندیوں سے متعلق بل فرد واحد کا بیانیہ ہے، امریکی حکومت کا نہیں، ترجمان دفتر خارجہ
اشاعت کی تاریخ: 27th, March 2025 GMT
اسلام آباد(ڈیلی پاکستان آن لائن)ترجمان دفتر خارجہ شفقت علی خان کا کہنا ہے کہ پاکستان پر پابندیوں سے متعلق بل فرد واحد کا بیانیہ ہے امریکی حکومت کا نہیں۔
نجی ٹی وی سما نیوز کے مطابق اسلام آباد میں ہفتہ وار میڈیا بریفنگ کے دوران ترجمان دفتر خارجہ شفقت علی خان نے کہا کہ امریکی ایوان نمائندگان میں پاکستان پرپابندیوں سےمتعلق پیش بل سے آگاہ ہیں۔ یہ بل ایک فرد نے پیش کیا ہے یہ امریکی حکومت کا بیانیہ نہیں۔
شفقت علی خان کا کہنا ہے تھا کہ بل پاس ہونے کے لیے امریکی کانگریس کی کئی کمیٹیز سے ہو کر جائے گا، ہمارے امریکا کے ساتھ تعلقات باہمی احترام کے اصول پر مبنی ہیں، ایک دوسرے کے اندرونی معاملات میں عدم مداخلت کی پالیسی پرعمل پیرا ہیں۔
مالاکنڈ میں کار حادثے کا شکار ہوکر نہر میں جا گری، 5 افراد جاں بحق
ترجمان دفتر خارجہ نے کہا کہ بلوچستان کے صورتحال پر اقوام متحدہ کی جانب سے تبصرے پر اظہار افسوس کرتے ہوئے کہا کہ بلوچستان میں احتجاجی مظاہرین پرامن نہیں۔ احتجاجی مظاہرین دہشت گردوں کے ساتھی ہیں۔
ترجمان دفتر خارجہ نے کہا احتجاجی مظاہرین نے کوئٹہ اسپتال پر حملہ کرکے دہشتگردوں کی لاشیں قبضے میں لیں۔ ریاست میں امن وامان کا قیام حکومت کی ذمہ داری ہے۔ اقوام متحدہ کی جانب سے ان مظاہرین پر تبصرہ افسوسناک ہے۔ اقوام متحدہ کا ایسا بیان انتہاپسندوں کو تقویت دینے کے مترادف ہے۔ ہم اقوام متحدہ کے رکن ممالک کے ساتھ بات چیت جاری رکھیں گے۔
بانی پی ٹی آئی کا 9 مئی کے 8 مقدمات کی درخواستوں کی جلد سماعت کیلئے عدالت سے رجوع
ترجمان دفترخارجہ نے پاکستانی صحافیوں کے دورہ اسرائیل سے متعلق سوال پر کہا کہ یہ ممکن نہیں کہ کوئی پاکستانی پاسپورٹ پر وہاں کا سفر کرے۔
شفقت علی خان نے کہا کہ پاکستان روس اور یوکرین کےدرمیان محدود جنگ بندی معاہدےکوخوش آمدید کہتا ہے، شام میں پائیدار امن وہاں سیکیورٹی فورسز کو غیرمسلح کرنے سے نہیں آئے گا، بھارت مقبوضہ کشمیرمیں حریت رہنماؤں کی رہائشگاہوں پرچھاپے ماررہا ہے یہ قابلِ مذمت ہے، پاکستان میں دہشتگردی کے حوالے سے بھارت کیخلاف عالمی پلیٹ فارمز پر کوششیں کررہے ہیں۔
پاکستان کےنمائندہ خصوصی محمد صادق نے نائب وزیراعظم ووزیرخارجہ کی خصوصی ہدایات پرافغانستان کا دورہ کیا ، دونوں ممالک نے سیکیورٹی ، تجارت اورعوامی رابطہ کاری بڑھانے پر اتفاق کیا، ایمبیسڈر محمد صادق نےان پالیسیزپرزور دیا جو دونوں ملکوں کے فائدے میں ہیں۔
آئی ایم ایف نے بجلی ٹیرف میں کمی کی اجازت دیدی
مزید :.ذریعہ: Daily Pakistan
کلیدی لفظ: ترجمان دفتر خارجہ شفقت علی خان اقوام متحدہ کہا کہ نے کہا
پڑھیں:
بھارت منشیات فروشی میں ملوث، امریکی ایجنسی: اقلیتوں کے حقوق کی خلاف ورزی کرنیوالا چیمپئن نہیں بن سکتا، پاکستان
واشنگٹن+ اسلام آباد (نوائے وقت رپورٹ+ آئی این پی) امریکی انٹیلی جنس ایجنسی نے انکشاف کیا ہے کہ بھارت عالمی سطح پر منشیات فروشی میں ملوث ہے۔ امریکا کی نیشنل انٹیلیجنس کی ڈائریکٹر تلسی گبارڈ نے امریکی ہاؤس انٹیلیجنس کمیٹی کے اجلاس میں بھارت کا بھانڈہ پھوڑ دیا۔ تلسی گبارڈ نے ہاؤس میں بیان دیتے ہوئے کہا کہ بھارت غیر قانونی فینٹینائل کا سب سے بڑا سپلائر ہے۔ بھارت میکسیکو کے منشیات کارٹلز کو غیرقانونی فینٹینائل پیشگی کیمیکل فراہم کرنے والا سرکردہ ملک ہے۔ حال ہی میں بھارتی ریاست گجرات سے تعلق رکھنے والے 3 افراد ستیش کمار، ہریش سوتاریا اور یکتا آشیش کمار کو غیر قانونی طور پر ممنوعہ کیمیکل فینٹینائل کی برآمد میں ملوث پایا گیا۔ برطانوی نشریاتی ادارے کی رپورٹ کے مطابق بھارت بین الاقوامی سطح پر وسطی افریقہ کو بھی غیر قانونی منشیات فراہم کرتا ہے۔ نائیجیریا میں 40 لاکھ سے زائد افراد بھارت سے سمگل شدہ افیون استعمال کر رہے ہیں۔ علاوہ ازیں پاکستان نے اقلیتی حقوق کی خلاف ورزیوں سے متعلق ریمارکس پر بھارت کو کرارا جواب دیتے ہوئے کہا ہے کہ اقلیتی حقوق کی مسلسل خلاف ورزی کرنے والا بھارت اقلیتی حقوق کا چیمپئن بننے کی پوزیشن میں نہیں ہے۔ ترجمان دفتر خارجہ شفقت علی خان نے لوک سبھا میں بھارتی خارجہ امور کی جانب سے ریمارکس اور پاکستان میں اقلیتوں کی صورت حال پر بحث سے متعلق میڈیا کے سوالات کا جواب دیتے ہوئے کہا کہ بھارت اقلیتوں کے حقوق کا چیمپئن بننے کی پوزیشن میں نہیں ہے کیونکہ وہ خود اقلیتی حقوق کی مسلسل خلاف ورزی کرتا رہا ہے۔ ترجمان دفتر خارجہ کی جانب سے جاری بیان کے مطابق پاکستان میں ریاستی ادارے اقلیتوں کے تحفظ کے لیے سرگرم ہیں، اس کے بالکل برعکس بھارت میں اقلیتوں کو نشانہ بنانے کے واقعات حکمران طبقے کے اندر موجود عناصر کی خاموش منظوری یا ان کی ملی بھگت کے ساتھ ہوتے ہیں۔ بیان میں مزید کہا گیا کہ دوسرے ممالک میں اقلیتوں کے لیے تشویش کا اظہار کرنے کے بجائے بھارت اپنی ناکامیوں کو دور کرنے کے لیے اقدامات کرے۔ ترجمان دفتر خارجہ نے میانمار، تھائی لینڈ اور پڑوسی ممالک میں تباہ کن زلزلے کی دل دہلا دینے والی خبر پر افسردگی کا اظہارکرتے ہوئے کہا کہ ہماری ہمدردیاں اس سانحے سے متاثرہ تمام لوگوں کے ساتھ ہیں۔
قتل کی دھمکیاں؛ سلماں خان کی فلم ’سکندر‘ کی تشہیر کو محدود کرنے کا فیصلہ