نومئی مقدمات: عمران خان نے ضمانتوں کی فوری سماعت کیلئے عدالت کا دروازہ کھٹکھٹا دیا
اشاعت کی تاریخ: 27th, March 2025 GMT
نومئی مقدمات: عمران خان نے ضمانتوں کی فوری سماعت کیلئے عدالت کا دروازہ کھٹکھٹا دیا WhatsAppFacebookTwitter 0 27 March, 2025 سب نیوز
لاہور: بانی پی ٹی آئی عمران خان نے 9 مئی کے 8 مقدمات میں درخواست ضمانتوں کی جلد سماعت کیلئے لاہور ہائیکورٹ سے رجوع کر لیا۔
سابق وزیراعظم عمران خان نے اپنے وکیل بیرسٹر سلمان صفدر کی وساطت سے متفرق درخواستیں لاہور ہائیکورٹ میں دائر کیں۔
بانی پی ٹی آئی نے دائر درخواست میں موقف اختیار کیا ہے کہ سیاسی انتقام کیلئے سازش کا الزام لگا کر مقدمات میں نامزد کیا گیا ہے، دو رکنی بنچ نے 24 مارچ کو کیسز سماعت کیلئے مقرر کئے تھے، 24 مارچ کو بنچ کی عدم دستیابی کے باعث سماعت نہ ہو سکی، کاز لسٹ منسوخ کر دی گئی۔
دائر درخواست میں عدالت سے استدعا کی گئی کہ 9 مئی کے آٹھ مقدمات میں درخواست ضمانتوں کو جلد سماعت کیلئے مقرر کیا جائے۔
.ذریعہ: Daily Sub News
کلیدی لفظ: سماعت کیلئے
پڑھیں:
اسسٹنٹ کمشنرز کیلئے 138 ڈبل کیبن گاڑیوں کی خریداری کیخلاف درخواست مسترد
— فائل فوٹوسندھ ہائی کورٹ نے اسسٹنٹ کمشنرز کے لیے 138 ڈبل کیبن گاڑیوں کی خریداری کے خلاف دائر درخواست مسترد کر دی۔
عدالتِ عالیہ میں سندھ حکومت کی جانب سے اسسٹنٹ کمشنرز کے لیے ڈبل کیبن گاڑیوں کی خریداری کے خلاف درخواست پر سماعت ہوئی۔
درخواست جماعتِ اسلامی کے رکنِ سندھ اسمبلی محمد فاروق و دیگر نے دائر کی تھی۔
ایڈووکیٹ جنرل جواد ڈیرو اور درخواست گزار رکنِ سندھ اسمبلی محمد فاروق عدالت میں پیش ہوئے۔
عدالت نے درخواست گزار سے استفسار کیا کہ بتائیں آپ لوگ اس اسکیم سے کیسے متاثر ہوئے اور یہ معاملہ اسمبلی میں کیسے گیا ہو گا، یہاں درخواست پر تو کوئی بل یا ایکٹ نظر نہیں آ رہا، آپ کیسے متاثر ہو سکتے ہیں؟
کراچی جماعت اسلامی رکن صوبائی محمد فاروق کی...
جس پر درخواست گزار نے مؤقف اپنایا کہ بجٹ اور پیسہ سندھ حکومت کا ہی خرچ ہو گا، لگژری گاڑیوں کے بجائے 1000 سی سی کی گاڑیاں خریدی جائیں۔
جس پر عدالت کی جانب سے سوال کیا گیا کہ آپ کو گاڑیوں کی سی سی پر مسئلہ ہے؟ آپ بتائیں کونسے رولز اور پالیسی کی خلاف ورزی ہوئی ہے؟
ان سوالات کا جواب دیتے ہوئے درخواست گزار کے وکیل عثمان فاروق ایڈووکیٹ نے کہا کہ بنیادی حقوق متاثر ہوتے ہیں۔
عدالت نے پھر سوال کیا کہ آپ کے کونسے حقوق متاثر ہوئے؟ کون سے قانون کی خلاف ورزی ہو رہی ہے۔
جس پر درخواست گزار نے کہا کہ مجھے وقت دے دیں میں رولز اور پالیسی کی خلاف ورزی سے متعلق تفصیلات دے دوں گا۔
عدالت کی جانب سے کہا گیا کہ وقت نہیں دے سکتے پہلے ہی کیس زیرِ التواء ہے۔
سماعت کے دوران ایڈووکیٹ جنرل سندھ نے اپنا موقف دیتے ہوئے کہا کہ عوامی مفادات کو سیاسی مفادات نہ بنایا جائے، یہ صرف پبلسٹی کے لیے کر رہے ہیں، یہ لگژری گاڑیاں نہیں بلکہ ضرورت ہیں، درخواست مسترد کی جائے، اسسٹنٹ کمشنرز کے لیے گاڑیوں کی خریداری غیر ضروری نہیں، گاڑیوں کے لیے فنڈز کا غلط استعمال بھی نہیں کیا جا رہا، اسسٹنٹ کمشنرز کے پاس بہت اہم ذمے داریاں ہوتی ہیں، گاڑیوں کی خریداری ضروری ہے تاکہ افسران ذمے داریاں احسن طریقے سے انجام دے سکیں۔
ایڈووکیٹ جنرل جواد ڈیرو نے بتایا کہ اس سے قبل اسسنٹنٹ کمشنرز کے لیے آخری بار خریداری 2010ء اور 2012ء میں ہوئی تھی۔
کراچی، آئی ایس او کے تحت مرکزی جلوس یوم علیؑ کے دوران باجماعت نماز ظہرین کا انعقاد