سندھ میں 6 کینالز کا معاملہ، پیپلز پارٹی کو اونرشپ لینا ہوگی: رانا ثناء
اشاعت کی تاریخ: 27th, March 2025 GMT
اسلام آباد (نوائے وقت رپورٹ) رانا ثناء اللہ نے کہا ہے کہ پیپلز پارٹی اور ن لیگ میں معاملہ تب بگڑے گا جب کسی ایشو پر تصادم یا ضد کی صورتحال ہوگی۔ وزیراعظم نے پیپلز پارٹی کو یقین دلایا کہ چھ کینالز کے معاملے پربیٹھ کر بات کریں گے۔ سندھ میں چھ کینالز کے معاملے میں اونرشپ کا مسئلہ ہے۔ کینالز کے معاملے میں جو اتفاق رائے سے فیصلہ ہوگا اس پر عمل ہوگا۔ یہ اونرشپ پیپلز پارٹی کو لینی ہی پڑے گی۔ وہ نہیں لیں گے تو کوئی اور لے گا۔ پیپلزپارٹی ان چیزوں کو سمجھتی ہے۔ اس سپیس کو پر کریں گے۔ پیپلز پارٹی اس مسئلے پر اونرشپ لے گی تو درست فیصلہ کرے گی۔ چھ کینالز پر سندھ میں جس طرح کی سیاست ہو رہی ہے پیپلز پارٹی کو اس سپیس کو کور کرنا چاہئے۔
.ذریعہ: Nawaiwaqt
کلیدی لفظ: پیپلز پارٹی کو
پڑھیں:
پیپلزپارٹی کہیں نہیں جارہی ،پیپلزپارٹی قیادت کو اسی تنخواہ پر کام کرنا ہوگا، حنیف عباسی کا دعویٰ
اسلام آباد(نیوزڈیسک) وزیر ریلوے حنیف عباسی نے دعویٰ کیا ہے کہ پیپلزپارٹی حکومت چھوڑ کر کہیں نہیں جارہی ۔ پیپلزپارٹی قیادت نے اسی تنخواہ پر کام کرنا ہے ۔ سی پیک ختم کرنے کیلئے 10 لاکھ ڈالرز پاکستان تحریک انصاف (پی ٹی آئی) پر خرچ ہو رہے ہیں۔
وزیر ریلوے حنیف عباسی نےنجی ٹی وی سے گفتگو کرتے ہوئے کہا کہ پیپلز پارٹی نے اسی تنخواہ پر کام کرنا ہے۔ اور پیپلز پارٹی کل بھی ہمارے ساتھ تھی، آج بھی ہے اور پرسوں بھی ہو گی۔
انہوں نے کہا کہ گورنر پنجاب، گورنر خیبر پختونخوا اور صدر پیپلز پارٹی کے ہیں۔ اور ہمارے لیے آصف علی زرداری قابل احترام ہیں۔ یہ ہو نہیں سکتا کہ ہم پیپلز پارٹی سے لڑیں اور یہ حکومت اپنے باقی 4 سال پورے کرے گی۔
حنیف عباسی نے کہا کہ ہماری طرف سے کوئی ایسی بات ہونی نہیں کیونکہ ہمیں پتہ ہے کچھ ہونا نہیں اور ہمیں کیا ضرورت ہے کہ ان کو موقع دیں۔ آپ کے بغیر ہماری حکومت نہیں رہے گی تو پھر آپ کی بھی نہیں رہے گی۔
انہوں نے کہا کہ پرفارمنس پر بات کروں گا نہ کسی کو برا کہنا ہے اور نہ ہی کسی سے لڑائی لڑنی ہے جبکہ لوگ بدعائیں کر رہے تھے کہ پاکستان ڈیفالٹ ہوجائے۔
وزیر ریلوے نے کہا کہ کوئی عالمی مالیاتی ادارہ (آئی ایم ایف) کے باہر تو کوئی ورلڈ بینک کے باہر جا کر مظاہرے کر رہے تھے۔ اس سال ہمارا ترسیلات زر 35 ارب ڈالر کا ٹارگٹ ہے۔
حنیف عباسی کا کہنا تھا کہجعفر ایکسپریس پر حملے کی دنیا نے مذمت کی لیکن جعفر ایکسپریس پر حملے پر پی ٹی آئی وہی زبان بول رہی تھی جو بھارتی چینل کی تھی۔ بھارت نے سی پیک کو ختم کرنے کیلئے ہر مہینے ایک ملین ڈالر رکھا ہوا ہے اور یہ ایک ملین ڈالر پی ٹی آئی والوں پر خرچ ہورہے ہیں۔
انہوں نے کہا کہ بھارت باہر بیٹھ کر ان کو سپورٹ کر رہا ہے جبکہ کچھ طاقتیں اور بھی ہیں جو ان کے پیچھے کھڑی ہو جاتی ہیں۔ لیکن ہمیں کھل کر اپنی فوج کے ساتھ کھڑے ہونا ہو گا۔
سعودی عرب میں شوال کا چاند نظر آگیا، کل عید ہوگی
تھوک سے بال چمکانے پر عائد پابندی ختم، ‘صرف چمک کافی نہیں بولنگ بھی اچھی کرنا ہوگی’