’بلوچستان کے عوام 20 ہزار کی خیرات نہیں حق مانگ رہے ہیں‘، مفتاح اسماعیل کی تجویز پر صارفین برہم
اشاعت کی تاریخ: 27th, March 2025 GMT
سابق وزیر خزانہ مفتاح اسماعیل کی ایک ویڈیو سوشل میڈیا پر وائرل ہو رہی ہے جس میں انہوں نے بلوچستان کے مسائل کا حل پیش کر دیا ہے۔
سابق وزیر خزانہ مفتاح اسماعیل کا کہنا تھا کہ بلوچستان کو 900 ارب روپے بجٹ ملتا ہے جبکہ صوبے کی آبادی ایک کروڑ 40 لاکھ ہے جو 20 لاکھ خاندان بنتے ہیں۔
سابق وزیر خزانہ کا کہنا تھا کہ بجٹ میں سے صرف 250 ارب روپے سالانہ بلوچستان کی عوام میں بانٹ دیں۔ ان میں سے آدھے خاندانوں کو ماہانہ 20، 20 ہزار روپے براہ راست دے دیے جائیں تو بلوچستان کے سارے مسئلے ختم ہو جائیں گے۔ لوگوں کے معاشی حالات بہتر ہو جائیں گے اور یوں نہ صرف کرپشن کم ہوگی بلکہ تعلیم اور صحت بھی ملے گی۔ لیکن ہم ہر صوبے میں وہی کام کر رہے ہیں جو 75 سال سے ہو رہے ہیں اور اپنے آپ کو سیاسی سوچ کا یرغمال بنایا ہوا ہے۔
مفتاح اسماعیل نے بلوچستان کا حل بتا دیا،
صوبے کا 9 سو ارب بجٹ ہے، اس میں سے صرف 250 ارب روپے سالانہ بلوچستان کی عوام میں بانٹ دیں فی خاندان 20 ہزار ماہانہ تو لوگ بھی خوش ہو جائیں گے، کرپشن بھی کم ہو جائے اور مسائل بھی حل ہو جائیں گے، مفتاح اسماعیلpic.
— Wahab Khan (@Itx_Wahab123) March 26, 2025
مفتاح اسماعیل کی تجویز پر صارفین کی جانب سے ان پر خوب تنقید کی گئی۔ صارفین کا کہنا تھا کہ 20 ہزار ماہانہ دینے کی تجویز ایک خیرات ہے۔
ایک صارف نے مفتاح اسماعیل کو آڑے ہاتھوں لیتے ہوئے کہا کہ عوام کو بھکاری بنا دیں، آپ کو اس سے اچھی تجویز کوئی نہیں ملی۔
بھکاری بنا دیں کوئی اور اچھی ترکیب نہیں ملی
— sibghatullah (@sibghatullah192) March 26, 2025
اورنگزیب خان نے لکھا کہ اگر سب کو مفت پیسے دے دیے جائیں تو ترقی کون کرے گا؟
Development Kon kare ga phir ? Muft paise agar de dein sab ko
— Aurangzeb Khan (@AurangzebK10) March 26, 2025
عفت صدیقی لکھتی ہیں کہ اس بجٹ سے فیکٹریاں لگائیں اور عوام کو روزگار دیں۔
اس بجٹ سے فیکٹریاں لگائیں لوگوں کو روزگار دو
— Iffat Siddique raja (@iffat_siddique) March 26, 2025
ایک ایکس صارف نے تنقید کرتے ہوئے لکھا کہ ایسے لوگوں کی وجہ سے ملک کا یہ حال ہے بجائے اس کے لوگوں کو امن دیں، روزگار دیں، عزت کی زندگی جینے دیں اس کے بجائے انہیں بھکاری بنادیں۔
ایسے بے وقوف لوگوں کی وجہ سے ملک کا یہ حال ہے بجاۓ اس کے لوگوں کو امن دیں روزگار دیں عزت کی زندگی جینے دیں اس کے بجاۓ انہیں بھکاری بنادیں
— NA #releaseimrankhan (@Nav16452) March 27, 2025
عدیل بلوچ نے مفتاح اسماعیل کی تجویز پر ردعمل دیتے ہوئے کہا کہ بلوچستان کے عوام خیرات نہیں مانگ رہے بلکہ حقوق مانگ رہے ہیں۔
بلوچستان کی عوام خیرات نہیں مانگ رہی ، حقوق مانگ رہی ہے
— Adeel Baloch (@AdeelJadgaal) March 26, 2025
ایک صارف نے سوال کیا کہ جب مفتاح اسماعیل حکومت میں تھے تب ایسا کیوں نہیں کیا؟
جب مفتاح اسماعیل صاحب حکومت میں تھے تب ایسا کیوں نہ کیا؟
— Mian Buland Akhtar (@BulandA74852991) March 26, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان مفتاح اسماعیلذریعہ: WE News
کلیدی لفظ: بلوچستان مفتاح اسماعیل مفتاح اسماعیل کی بلوچستان کے ہو جائیں گے کی تجویز رہے ہیں
پڑھیں:
عید الفطر آتے ہی بیکریوں میں کیک کی مانگ میں اضافہ
فریحہ بتول: عید کی آمد کے ساتھ ہی لاہور بھر کی بیکریوں میں کیک کی مانگ بڑھ گئی , بازاروں میں مختلف قسم کے کیک کی دکانوں کی رونق میں اضافہ ہو گیا ہے اور شہری اپنے دوستوں اور عزیزوں کے لیے خوش ذائقہ کیک خریدنے میں مصروف ہیں۔
شہر کی مختلف بیکریوں پر عید کے لیے نئے اور منفرد ڈیزائن کے کیک تیار کیے گئے ہیں تاکہ عید کی خوشیوں کو مزید بڑھایا جا سکے۔ شہریوں کا کہنا ہے کہ عید کا دن کیک کے بغیر ادھورا محسوس ہوتا ہے اور کیک کا تحفہ دینا عید کی خوشیوں میں اضافے کا ایک اہم ذریعہ بن چکا ہے۔
فیس بک میں بڑی تبدیلی کا اعلان
بیکری مالکان نے بتایا کہ عید کے لیے خصوصی کیک تیار کیے گئے ہیں اور اس کے ساتھ ساتھ ڈیزائن، رنگ، اور ذائقے میں تنوع بھی بڑھایا گیا ہے تاکہ عید کے دن کو مزید خوشگوار بنایا جا سکے۔
حافظ حسین احمد جے یو آئی کے انمول اثاثہ تھے، مولانا عطاء اللہ شہاب