گوادر میں نامعلوم مسلح افراد کی فائرنگ سے 6 افراد جاں بحق
اشاعت کی تاریخ: 27th, March 2025 GMT
گوادر:بلوچستان کے علاقے گوادر میں بس میں سوار 6 مسافر نامعلوم مسلح افراد کی فائرنگ کے نتیجے میں جاں بحق ہوگئے۔
پولیس کا کہنا ہے کہ گوادر کے علاقے کلمت میں نامعلوم مسلح افراد نے بس میں سوار مسافروں کا اتار کر ان پر فائرنگ کی جس کے نتیجے میں 5 افراد موقع پر ہی جاں بحق ہوگئے جبکہ ایک زخمی نے دوران علاج دم توڑ دیا۔
پولیس کے مطابق جاں بحق افراد میں سے ایک شخص کا تعلق ملتان سے بتایا جا رہا ہے، تمام افراد کراچی جا رہے تھے۔
وزیرِ اعظم شہباز شریف کی بلوچستان میں فائرنگ کے واقعے کی شدید مذمت
– وزیرِ اعظم محمد شہباز شریف نے بلوچستان میں مسافروں پر فائرنگ کے افسوسناک واقعے کی شدید الفاظ میں مذمت کی ہے۔ وزیرِ اعظم نے واقعے میں 5 قیمتی جانوں کے ضیاع پر گہرے دکھ اور افسوس کا اظہار کیا ہے۔
وزیرِ اعظم نے جاں بحق افراد کے لیے دعائے مغفرت اور ان کے لواحقین کے لیے صبر جمیل کی دعا کی، جبکہ واقعے میں زخمی ہونے والے شخص کو فوری طور پر بہترین طبی سہولیات فراہم کرنے کی ہدایت کی ہے۔
اپنے بیان میں وزیرِ اعظم نے متعلقہ حکام کو ہدایت کی کہ واقعے کی مکمل تحقیقات کی جائیں، ذمہ داران کا تعین کیا جائے اور انہیں قانون کے مطابق قرار واقعی سزا دی جائے۔
وزیرِ اعظم نے کہا کہ “شرپسند عناصر بلوچستان کے امن و ترقی کے دشمن ہیں۔ معصوم لوگوں کے خلاف بزدلانہ کارروائیاں ان عناصر کی حیوانیت اور سفاکی کی عکاسی کرتی ہیں۔”
انہوں نے مزید کہا کہ ملک دشمن عناصر کے ناپاک عزائم کو کسی صورت کامیاب نہیں ہونے دیا جائے گا۔
وزیرِ اعظم نے سیکیورٹی فورسز اور قانون نافذ کرنے والے اداروں کے افسران و جوانوں کی قربانیوں کو سراہتے ہوئے کہا کہ “یہ بہادر جوان دن رات ملک دشمن عناصر کے خلاف برسرِ پیکار ہیں اور ان کے عزائم کو ناکام بنا رہے ہیں۔”
وزیرِ اعظم نے کہا کہ “مجھ سمیت پوری قوم کو اپنی سیکیورٹی فورسز اور قانون نافذ کرنے والے اداروں پر فخر ہے۔”
واضح رہے کہ چند روز قبل بلوچستان کے علاقے منگچر میں بھی نامعلوم مسلح افراد کی فائرنگ سے پنجاب سے تعلق رکھنے والے 4 مزدور جاں بحق ہوگئے تھے۔
اسسٹنٹ کمشنر منگچر علی گل کا کہنا تھا کہ لنگ زئی میں مسلح افراد نے ٹیوب ویل کی تنصیب پر کام کرنے والے مزدوروں پر فائرنگ کی تھی، جاں بحق ہونے والوں کا تعلق پنجاب کے علاقے صادق آباد سے تھا۔
ذریعہ: Daily Mumtaz
کلیدی لفظ: نامعلوم مسلح افراد کے علاقے کہا کہ
پڑھیں:
کراچی: فائرنگ کے مختلف واقعات میں نو عمر لڑکے سمیت تین افراد زخمی
کراچی میں فائرنگ کے مختلف واقعات میں نوعمر لڑکے اور سیکیورٹی گارڈ سمیت 3 افراد زخمی ہوگئے۔ نوعمر لڑکا ڈاکوؤں کی فائرنگ کا نشانہ بنا۔
تفصیلات کے مطابق موچکو کے علاقے مشرف کالونی میں ڈاکوؤں نے موبائل فون چھیننے کے دوران مزاحمت پر نو عمر لڑکے کو فائرنگ کر کے شدید زخمی کر دیا جسے فوری طبی امداد کے لیے سول اسپتال لیجایا گیا۔
موچکو پولیس کے مطابق مضروب کی شناخت 15 سالہ عبداللہ ولد شہباز کے نام سے کی گئی جبکہ ریسکیو حکام کا کہنا ہے کہ عبداللہ گھر کے باہر بیٹھا ہوا تھا جسے موبائل فون چھیننے کے دوران ڈاکوؤں نے فائرنگ کا نشانہ بنایا جس کے نتیجے میں اسے دونوں ہاتھوں پر گولیاں لگی تھیں۔
بوٹ بیسن کے علاقے کلفٹن بلاک 5 پاک ٹاور کے قریب فائرنگ کے واقعہ میں سیکیورٹی گارڈ زخمی ہوگیا جسے طبی امداد کے لیے جناح اسپتال لیجایا گیا۔
بوٹ بیسن پولیس کا کہنا ہے کہ مضروب کی شناخت آصف کے نام سے کی گئی جبکہ واقعہ گارڈ سے اتفاقیہ گولی چلنے کے باعث پیش آنے کا بتایا جا رہا ہے جس کی مزید تحقیقات کی جا رہی ہے۔
دریں اثنا پیر آباد کے علاقے قصبہ ڈھائی نمبر شاہین ہوٹل کے قریب فائرنگ سے 22 سالہ بلال ولد تاج محمد زخمی ہوگیا جسے طبی امداد کے لیے عباسی شہید اسپتال لیجایا گیا۔
پیر آباد پولیس کے مطابق فائرنگ کا واقعہ زاتی جھگڑے کے دوران پیش آیا ہے جس کی مزید چھان بین کی جا رہی ہے۔
بلوچستان فائرنگ، 4 پولیس اہلکار، 4 مزدور جاں بحق: صدر، وزیراعظم کی مذمت