ملاکنڈ: کار نہر میں گرنے سے ایک ہی خاندان کے 5 افراد جاں بحق
اشاعت کی تاریخ: 27th, March 2025 GMT
خیبرپختونخوا کے ضلع ملاکنڈ کی تحصیل درگئی میں کار نہر میں جاگری، جس کے نتیجے میں ایک ہی خاندان کے 5 افراد جاں بحق ہوگئے۔
یہ بھی پڑھیں شمالی وزیرستان میں ٹریفک حادثہ: پاک فوج نے بروقت ریسکیو آپریشن کرکے قیمتی جانیں بچالیں
میڈیا رپورٹس کے مطابق ناخوشگوار واقعہ تحصیل درگئی کے نواحی علاقے خٹکو شاہ افغان مہاجر کیمپ کے قریب پیش آیا۔
رپورٹس کے مطابق تیز بارش کے باعث ایک کار نہر میں جاگری جس کے نتیجے میں 5 افراد جاں بحق ہوگئے۔
جاں بحق ہونے والوں کا تعلق ایک ہی خاندان سے ہے، جن میں 2 خواتین، 2 کمسن بچیاں اور ایک ڈرائیور شامل ہے۔
حادثے کی اطلاع ملتے ہی ملاکنڈ لیویز اور ریسکیو کی ٹیمیں جائے وقوعہ پر پہنچ گئیں اور لاشوں کو نہر سے نکال کر اسپتال منتقل کردیا۔
یہ بھی پڑھیں کارساز ٹریفک حادثہ کیس: عدالت نے ملزمہ نتاشا کو بری کردیا
ترجمان ریسکیو 1122 نے میڈیا کو بتایا کہ ٹریفک حادثہ تیز بارش کے دوران پھسلن کے باعث پیش آیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جاں بحق خیبرپختونخوا ریسکیو ٹیمیں کار حادثہ ملاکنڈ نہر وی نیوز.ذریعہ: WE News
کلیدی لفظ: خیبرپختونخوا ریسکیو ٹیمیں کار حادثہ ملاکنڈ وی نیوز
پڑھیں:
منجمد جھیل میں طیارے کا پائلٹ بیٹیوں سمیت 12 گھنٹے بعد ریسکیو
CANADA:الاسکا میں حادثے کے باعث منجمد جھیل میں پھنسے طیارہ کے پائلٹ اور اس کی دو بیٹیوں کو 12 گھنٹے بعد ریسکیو کر لیا گیا۔
ریسکیو ٹیم کے رکن ٹیری گوڈیس نے نیوز ایجنسی کو بتایا کہ انھوں نے فیس بک پوسٹ میں ایک لاپتا طیارے کی تلاش کیلئے مدد کی اپیل دیکھی، جس میں ایک شخص اپنے لاپتا بیٹے اور دو پوتیوں کی تلاش کیلئے مدد مانگ رہا تھا۔
وہ اگلی صبح درجن ساتھیوں کے ہمراہ طیارے کی تلاش میں روانہ ہوئے، توستومینا جھیل کے ایک گلیشیر کے پر انہیں طیارے کا ملبہ دکھائی دیا، قریب پہنچنے پر انہیں طیارے پر کھڑے تین افراد ہاتھ ہلاتے دکھائی دیئے۔
ملبہ برف اور جھیل کے منجمد پانی میں پھنسا ہوا تھا، قریب پہنچنے پر انہیں یہ جان کر حیرت ہوئی کہ تینوں افراد زندہ اور طیارے کے پر گھومتے ہوئے ہاتھ ہلا رہے تھے۔
تینوں کو فوری ہسپتال منتقل کر دیا گیا۔ ریسکیو حکام کے مطابق حادثے کے شکار طیارے کا پائلٹ اپنی کم عمر بیٹیوں کیساتھ الاسکا کے جزیرہ نما علاقے کینائی کی تقریح کے دوران انہونی کا شکار ہوا۔
تینوں باپ اور بیٹیاں منفی 20 ڈگری کی شدید سردی میں طیارے کے ایک پر کھڑے ہو کر امداد کیلئے ریسکیو ٹیموں کو پکارتے رہے، شدید سردی میں ان کا زندہ بچ جانا ایک معجزے سے کم نہیں۔
کراچی، آئی ایس او کے تحت مرکزی جلوس یوم علیؑ کے دوران باجماعت نماز ظہرین کا انعقاد