سندھ حکومت کا شب قدر پر صوبے کے اسکولوں میں تعطیل کا اعلان
اشاعت کی تاریخ: 27th, March 2025 GMT
کراچی(نیوز ڈیسک) سندھ حکومت نے جمعہ 28 مارچ کو صوبے کے اسکولوں میں تعطیل کا اعلان کردیا۔
اسکولوں میں تعطیل کا اعلان شب قدر 27 رمضان المبارک کی مناسبت سے کیا گیا ہے۔
اس حوالے سے جاری ہونے والے نوٹیفکیشن کے مطابق سندھ کے سرکاری و نجی اسکول جمعہ 28 مارچ کو بند رہیں گے۔
بھارت:آن لائن پیمنٹ سسٹم بندہونےسے لاکھوں صارفین رل گئے
.ذریعہ: Daily Ausaf
پڑھیں:
پاکستان میں آج چاند دیکھا جائیگا، اے این پی کا سعودیہ کیساتھ عید کا اعلان
ریاض؍ لاہور (نوائے وقت رپورٹ+ خصوصی نامہ نگار) سعودی عرب کی تمیر رصدگاہ میں شوال کا چاند نظر آ گیا۔ عرب میڈیا کے مطابق سعودی عرب میں آج بروز اتوار 30 مارچ کو عیدالفطر ہے۔ سعودی سپریم کورٹ نے شوال کا چاند نظر آنے کی تصدیق کر دی۔ مرکزی رویت ہلال کمیٹی کا اجلاس آج اتوار 30 مارچ کو وزارت مذہبی امور آفس اسلام آباد میں مولانا سید محمد عبد الخبیر آزاد زیر صدارت ہو گا۔ وزارت مذہبی امور کے ڈپٹی ڈائریکٹرمحمد خلیق، چیئرمین اسلامی نظریاتی کونسل علامہ ڈاکٹر راغب حسین نعیمی مرکزی ارکان کمیٹی ، مولانا حافظ عبدالغفور، علامہ شبیر حسن میثمی، مولانا یٰسین ظفر، مفتی علی اصغر عطاری، مفتی محمد یوسف کشمیری، مفتی فیصل احمد، مولانا عبدالرؤف مدنی، حافظ عبدالمالک بروہی، مولانا اشرف علی، مفتی قاری مہر اللہ، صاحبزادہ سید حبیب اللہ چشتی، مفتی ضمیر احمد ساجد، مولانا اسد زکریا قاسمی، پیر سید شاہد علی جیلانی، محکمہ موسمیات کے چیف میٹ سردار سرفراز، محکمہ سپارکو سے غلام مرتضیٰ اور شوکت اللہ خان اور وزارت سائنس اینڈ ٹیکنالوجی کے زین العابدین اور زونل ممبران اسلام آباد میں مفتی محمد اقبال نعیمی‘ علامہ سجاد حسین نقوی‘ مفتی عبد السلام جلالی‘ مولانا ابو بکر صدیق حنیف، مولانا ہارون الرشید بالاکوٹی، پیر ممتاز احمد ضیاء نظامی و دیگر حضرات شریک ہوں گے۔ دنیا کے بیشتر ملکوں میں عیدالفطر 31 مارچ بروز پیر کو منائی جائے گی۔ انڈونیشیا اور ملائیشیا، بنگلہ دیش، برونائی میں چاند نظر نہ آنے پر عیدالفطر کل 31 مارچ پیر کو منائی جائے گی۔ آسٹریلیا کے مفتی اعظم نے عیدالفطر 31 مارچ کو منانے کا اعلان کیا۔ ایران اور عمان میں شوال کا چاند نظر نہیں آیا، ایران اور عمان میں عیدالفطر 31 مارچ بروز پیر کو منائی جائے گی۔قطر، کویت، ترکیہ، روس میں بھی عیدالفطر آج ہو گی۔ فرانس میں عیدالفطر آج ہو گی۔ ادارہ منہاج القرآن فرانس اور دیگر مساجد نے آج عیدالفطر کا اعلان کیا۔ متحدہ عرب امارات، امریکی ریاست نیو جرسی، قطر میں بھی شوال کا چاند نظر آ گیا۔ آج عیدالفطر ہو گی۔ بھارت میں عیدالفطر پیر 31 مارچ کو منانے کا سرکاری اعلان کیا گیا۔ دریں اثناء عوامی نیشنل پارٹی (اے این پی) کے مرکزی صدر ایمل ولی خان نے سعودی عرب کے ساتھ اتوار کو عید منانے کا اعلان کر دیا۔ مرکزی صدر ایمل ولی خان نے کہا کہ ہم رمضان المبارک کی طرح عید بھی مسلم دنیا کے ساتھ منائیں گے۔ تمام کارکنوں، ساتھیوں، الیکٹبلز اور پارٹی ذمہ داران سے اپیل کروں گا کہ اس عید کو سادگی سے منائیں۔ ریسرچ ہلال کونسل کے مطابق پاکستان میں شوال کا چاندہفتے کو 3 بج کر58 منٹ پر پیدا ہوگیا ہوا ، آج اتوارکو مغرب کے وقت چاندکی عمر 26 گھنٹے سے زیادہ ہو گی۔ عید الفطر 31 مارچ بروز پیر کو ہونے کا قوی امکان ہے۔ ہلال کونسل کے مطابق سورج اور چاند کے درمیان غروب کا فرق 69 سے 78 منٹ ہوگا۔ کراچی میں غروب شمس و قمر کا فرق 69 منٹ ہو گا۔ جیوانی 71 منٹ، کوئٹہ اور لاہور 74 منٹ جبکہ گلگت بلتستان میں 78 منٹ کا فرق ہو گا۔
’آئیں، سوات کے پہاڑوں سے لے کر گوادر کے ساحلوں تک سب پاکستانی متحد ہو جائیں‘