وفاقی وزیر داخلہ محسن نقوی کی گوادر میں مسافروں پر فائرنگ کی مذمت
اشاعت کی تاریخ: 27th, March 2025 GMT
اویس کیانی: وفاقی وزیر داخلہ محسن نقوی نے گوادر کے علاقے کلمت میں بس سے اتار کر مسافروں پر فائرنگ کے افسوسناک واقعہ کی شدید مذمت کی ہے جس کے نتیجے میں 5 افراد جاں بحق ہو گئے۔
وزیر داخلہ محسن نقوی نے جاں بحق افراد کے لواحقین سے دلی ہمدردی اور اظہار تعزیت کیا۔ انہوں نے کہا کہ دہشتگردوں نے بزدلانہ کارروائی کرتے ہوئے معصوم لوگوں کو نشانہ بنایا۔
ان کا کہنا تھا کہ بے گناہ افراد کو ناحق قتل کرنا انسانیت سوز جرم ہے، اور شناخت کر کے مسافروں کو نشانہ بنانا بربریت اور درندگی کی بدترین مثال ہے۔
اہم ملک نے پاکستانی طلبہ کیلئے مفت تعلیم کےدروازے کھول دیے
وہ جاں بحق افراد کے لواحقین کے غم میں برابر کے شریک ہیں اور ایسی بزدلانہ کارروائیاں قوم کے دہشتگردی کے خلاف پختہ عزم کو کمزور نہیں کر سکتیں۔
اُنہوں نے بتایا کہ حکام اس واقعے کی تحقیقات کر رہے ہیں اور متاثرہ خاندانوں کو انصاف فراہم کرنے کے لیے تمام ضروری اقدامات کیے جا رہے ہیں۔
یاد رہے کہ گزشتہ رات گوادر کے علاقے کلمت میں دہشتگردوں کی فائرنگ سے 5 افراد جاں بحق ہوگئے ہیں۔
لاہور؛ عباس لائنز اور ایلیٹ ٹریننگ سکول کی عمارتیں ڈی سیل
.ذریعہ: City 42
پڑھیں:
وفاقی وزیر داخلہ محسن نقوی اور اماراتی وزیر شیخ نیہان بن مبارک النہیان کی اہم ملاقات
اسلام آباد میں وفاقی وزیر داخلہ محسن نقوی اور متحدہ عرب امارات کے وزیر شیخ نیہان بن مبارک النہیان کے درمیان ایک اہم ملاقات ہوئی جس میں دونوں ممالک کے درمیان دوطرفہ تعلقات کو مزید مضبوط بنانے کے عزم کا اظہار کیا گیا اس ملاقات میں باہمی دلچسپی کے امور، سرمایہ کاری کے مواقع اور مختلف شعبوں میں تعاون کو وسعت دینے پر تفصیلی تبادلہ خیال کیا گیا دونوں رہنماؤں نے اتفاق کیا کہ پاکستان اور متحدہ عرب امارات کے درمیان دیرینہ برادرانہ تعلقات مزید مستحکم کیے جائیں گے اور دونوں ممالک کے درمیان موجودہ اقتصادی، تجارتی اور سفارتی روابط کو نئی بلندیوں تک لے جانے کے لیے مشترکہ اقدامات کیے جائیں گے اس موقع پر سرمایہ کاری کے فروغ اور پاکستان میں مختلف شعبوں میں اماراتی سرمایہ کاری کو بڑھانے پر بھی تفصیلی گفتگو کی گئی وفاقی وزیر داخلہ محسن نقوی نے متحدہ عرب امارات کی جانب سے پاکستان کے لیے مسلسل تعاون اور حمایت کو سراہتے ہوئے کہا کہ دونوں ممالک کے درمیان تعلقات وقت کے ساتھ مزید مضبوط ہو رہے ہیں انہوں نے اماراتی سرمایہ کاروں کو پاکستان میں مختلف ترقیاتی منصوبوں میں سرمایہ کاری کی دعوت دی اور حکومت کی جانب سے مکمل تعاون کی یقین دہانی کرائی شیخ نیہان بن مبارک النہیان نے بھی پاکستان کے ساتھ دوستانہ اور برادرانہ تعلقات کو مزید فروغ دینے کی خواہش کا اظہار کرتے ہوئے کہا کہ متحدہ عرب امارات پاکستان میں ترقیاتی منصوبوں اور مختلف شعبوں میں شراکت داری کو وسعت دینے کے لیے سنجیدہ ہے انہوں نے باہمی تعاون کو مزید بہتر بنانے کے لیے مسلسل روابط اور مشترکہ منصوبوں پر کام کرنے کی ضرورت پر زور دیا ملاقات کے دوران خطے کی موجودہ صورتحال اور دونوں ممالک کے درمیان سیکیورٹی اور اقتصادی تعاون کو مزید مضبوط کرنے کے حوالے سے بھی تبادلہ خیال کیا گیا یہ ملاقات دونوں ممالک کے درمیان تعلقات کو مزید فروغ دینے کے لیے ایک اہم قدم ثابت ہو سکتی ہے
وزیراعظم شہباز شریف دورہ سعودی عرب مکمل کرکے وطن واپس پہنچ گئے