وی ایکسکلوسیو: خیبرپختونخوا میں دہشتگردوں کی واپسی پی ٹی آئی کے دور میں ہوئی، زاہد خان
اشاعت کی تاریخ: 27th, March 2025 GMT
پاکستان مسلم لیگ ن کے مرکزی رہنما زاہد خان نے کہا ہے کہ سابق صدر مملکت عارف علوی نے 100 دہشتگردوں کی سزا معاف کرکے انہیں آزاد کرایا، بعد میں یہی دہشتگرد زمان پارک میں نظر آنے لگے، خیبرپختونخوا میں دہشتگردوں کی واپسی پی ٹی آئی کے دور میں ہوئی۔
یہ بھی پڑھیں اے این پی کے سابق رہنما زاہد خان مسلم لیگ ن کے ایڈیشنل انفارمیشن سیکرٹری مقرر
وی نیوز کو انٹرویو دیتے ہوئے زاہد خان نے عوامی نیشنل پارٹی کو چھوڑنے کی وجوہات بتاتے ہوئے کہاکہ ان کا ولی خان اور اسفند یار خان کے ساتھ باہمی عزت و احترام کا رشتہ رہا۔ اے این پی کے موجودہ قائد ایمل ولی خان کے نظریات اور پالیسیوں کے ساتھ اتفاق کرنا ممکن نہ رہا، تبھی اے این پی کو چھوڑ کر مسلم لیگ ن میں شمولیت اختیار کرلی۔
انہوں نے کہاکہ میرا نواز شریف کے ساتھ 1990 سے تعلق ہے، 2023 میں لندن میں نواز شریف سے ملاقات ہوئی تھی، پھر انجینیئر امیر مقام کے ساتھ میٹنگ ہوئی، جس کے بعد ایک مرتبہ پھر فروری 2024 میں نواز شریف سے ملاقات ہوئی، اور یوں یہ شمولیت ممکن ہوئی۔
خیبرپختونخوا میں پاکستان تحریک انصاف کے ہاتھوں عوامی نیشنل پارٹی اور مسلم لیگ ن کی واضح شکست کی وجوہات بتاتے ہوئے زاہد خان نے کہاکہ دراصل فارم 47 کی اصل خالق تو تحریک انصاف ہی ہے، 2024 کے الیکشن کو میں پختونخوا میں فارم 47 کے تحت پی ٹی آئی کو جتوایا گیا۔
یہ بھی پڑھیں پرویز خٹک وفاقی کابینہ میں شامل، کیا سابق وزیراعلیٰ و وزیر وفاع کا مشیر بننا تنزلی ہے؟
حالیہ دہشت گردی پر بات کرتے ہوئے زاہد خان نے کہاکہ ہم نے عمران خان کی حکومت میں ہزاروں دہشتگردوں کو واپس لانے کی مخالفت کی تھی، سابق صدر عارف علوی نے ایک دستخط کر کے 100 دہشت گردوں کو معافی دلائی اور وہ دہشتگرد زمان پارک میں رہنے لگے، اب وہی نتائج قوم بھگت رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایمل ولی خان اے این پی خیبرپختونخوا دہشتگردوں کی واپسی زاہد خان عمران خان فارم 47 مسلم لیگ ن میں شمولیت مینڈیٹ نواز شریف وی نیوز.ذریعہ: WE News
کلیدی لفظ: ایمل ولی خان اے این پی خیبرپختونخوا دہشتگردوں کی واپسی زاہد خان فارم 47 مسلم لیگ ن میں شمولیت مینڈیٹ نواز شریف وی نیوز دہشتگردوں کی زاہد خان نے مسلم لیگ ن نواز شریف اے این پی کے ساتھ
پڑھیں:
خیبرپختونخوا: ضلع کرم کے متحارب فریقوں کے درمیان 8 ماہ کے لیے امن معاہدہ
خیبرپختونخوا کے ضلع کرم میں متحارب فریقوں نے 8 ماہ کے لیے امن معاہدہ کرلیا۔
یہ بھی پڑھیں خیبر پختونخوا حکومت کا ضلع کرم میں شر پسند عناصر کے خلاف بلاتفریق سخت کارروائی کا فیصلہ
جرگہ کے ممبر حاجی کمال کے مطابق فریقین کے درمیان جس وقت امن معاہدہ ہوا اس وقت ڈپٹی کمشنر کرم اشفاق احمد اور دیگر حکام بھی موقع پر موجود تھے۔
ڈپٹی کمشنر اشفاق احمد کا کہنا ہے کہ فریقین کے درمیان امن معاہدے کے باعث اب عید کی خوشیاں دوبالا ہوگئی ہیں۔
جرگے کے ایک اور رکن حاجی اصغر کا کہنا ہے کہ امن معاہدے کے بعد اب سڑک کھولنے کے لیے لائحہ عمل تیار کیا جارہا ہے۔
واضح رہے کہ خیبرپختونخوا کے ضلع کرم میں دو قبائل کچھ عرصہ قبل آمنے سامنے آگئے تھے، اور اس دوران فائرنگ سے سینکڑوں افراد موت کے منہ میں چلے گئے تھے۔
یہ بھی پڑھیں ضلع کرم کو درپیش بحران کے خاتمے کا امکان، متحارب فریقین بھاری ہتھیار جمع کروانے پر رضامند
یہاں یہ بھی واضح کہ اس سے قبل بھی فریقین کے درمیان ایک معاہدہ ہوا تھا، تاہم جب انتظامیہ کی گاڑیاں ریلیف کا سامان لے کر وہاں پہنچی تھیں تو ان پر فائرنگ کی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امن معاہدہ ہوگیا انتظامیہ خیبرپختونخوا ضلع کرم متحارب فریقین وی نیوز
سکردو، یوم علی کا مرکزی جلوس