قطر میں گلوبل سیلبرٹی لیگ کے کرٹن ریزر یونٹ کا انعقاد
اشاعت کی تاریخ: 26th, March 2025 GMT
قطر میں گلوبل سیلبرٹی لیگ کے کرٹن ریزر ایونٹ کا انعقاد کیا گیا ہے۔
قطر کے رارالحکومت دوحہ میں گلوبل سیلبرٹی لیگ (جی سی ایل) کا شاندار کرٹن ریزر یونٹ منعقد ہوا، جس میں کرکٹ اور شوبز ستاروں نے شرکت کی۔
تقریب میں جی سی ایل کے چیئرمین شیخ سعود عبداللہ الثانی نے شرکت کی، جنہوں نے قطر میں کرکٹ کے فروغ کے حوالے سے لیگ کی اہمیت پر روشنی ڈالی، جی سی ایل کے صدر عارف ملک نے لیگ کے مستقبل کے منصوبے پیش کرتے ہوئے قطر میں کرکٹ کی ترقی کے حوالے سے اپنے عزائم کا اظہار کیا۔
یہ بھی پڑھیں: بگ بیش لیگ : گرین شرٹس کے فینز ’پاکستان بے‘ میں بیٹھ سکیں گے
ایونٹ کی پانچ شریک ٹیموں پاکستان، بھارت، قطر، بنگلہ دیش اور افغانستان کی آفیشل کِٹ کی رونمائی بھی ہوئی۔ اس موقع پر یہ اعلان بھی کیا گیا کہ فائراوکس کے مالک وقاص علوی نے پاکستان ٹیم کی فرنچائز کی آنرشپ حاصل کرلی ہے، جس سے لیگ کی بین الاقوامی سطح پر مزید پہچان بڑھے گی۔
View this post on Instagram
A post shared by Shaaz Media Events UAE (@shaazmediaeventsuae)
تقریب میں مزید جوش و خروش اس وقت پیدا ہوا جب سابق پاکستانی کرکٹر عمران نذیر نے باضابطہ طور پر گلوبل سیلبرٹی لیگ میں شمولیت اختیار کر لی، جس سے ایونٹ میں مزید کرکٹنگ تجربہ اور اسٹار پاور شامل ہو گئی۔
سب سے بڑی اور اہم بات یہ ہے کہ لیجنڈری کرکٹر شاہد آفریدی جی سی ایل کے برانڈ ایمبیسیڈر کے طور پر شامل ہو گئے ہیں، جس نے لیگ کی مقبولیت کو نئی بلندیوں تک پہنچا دیا۔
یہ بھی پڑھیں: پاکستان کرکٹ بورڈ کے نوٹس پر کوربن بوش نے کیا جواب دیا؟
جی سی ایل میں عالمی شہرت یافتہ کرکٹرز اور معروف شوبز ستارے ایکشن میں نظر آئیں گے، جس سے شائقین کرکٹ کو سنسنی خیز مقابلے دیکھنے کو ملیں گے، یہ لیگ قطر کی وزارت کھیل و نوجوانان کے تعاون سے منعقد ہورہی ہے اور اسے عالمی سطح پر کرکٹ کی ایک منفرد لیگ کے طور پر دیکھا جارہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افغانستان بنگلہ دیش بھارت پاکستان دوحہ شاہد آفریدی عمران نذیر قطر کرکٹ گلوبل سیلیبرٹی لیگ.ذریعہ: WE News
کلیدی لفظ: افغانستان بنگلہ دیش بھارت پاکستان شاہد ا فریدی کرکٹ جی سی ایل لیگ کے
پڑھیں:
پاکستانی کرکٹرز اور آفیشلز کے ایجنٹ کی ای سی بی نے رجسٹریشن معطل کر دی
پاکستانی کرکٹرز اور آفیشلز کے ایجنٹ کی انگلش کرکٹ بورڈ نے رجسٹریشن معطل کر دی۔انہیں اینٹی کرپشن کوڈ کی 4 خلاف ورزیوں کا مرتکب پایا گیا ہے۔سینٹرل کنٹریکٹ یافتہ 80فیصد سے زائد کرکٹرز اور کئی سابق اسٹارز کی یہی کمپنی نمائندگی کرتی ہے۔
تفصیلات کے مطابق کھلاڑیوں کی ایجنسی آئی سی اے (انٹرنیشنل کرکٹرز ایسوسی ایشن ) کے سربراہ مغیز احمد شیخ انگلش کرکٹ بورڈ میں بطور پلیئر ایجنٹ بھی رجسٹرڈ ہیں۔کرکٹ ریگولیٹر کی تحقیقات اور آزاد اینٹی کرپشن ٹریبونل میں سماعت کے بعد انھیں ای سی بی اینٹی کرپشن کوڈ کی چار خلاف ورزیوں کا مرتکب پایا گیا۔اینٹی کرپشن ٹریبونل مناسب وقت پر پابندی کے حوالے سے فیصلہ سنائے گا۔
اسی دوران انگلش بورڈ نے مغیز کی بطور ایجنٹ رجسٹریشن معطل کر دی ہے۔ماضی میں پاکستان کرکٹ پر سایا کارپوریشن کا راج تھا۔ اب آئی سی اے بیشتر کرکٹرز اور آفیشلز کی نمائندگی کرتی ہے۔25 میں سے 20 سینٹرل کنٹریکٹ یافتہ کھلاڑیوں کا تعلق اس سے ہی ہے۔ ان میں عامر جمال، محمد وسیم جونیئر،عبد الله شفیق، عرفات منہاس، حسیب الله، جہانداد خان، کامران غلام، خرم شہزاد، محمد علی، محمد حسنین، محمد ہریرہ،عرفان نیازی، نسیم شاہ، نعمان علی، صاحبزادہ فرحان، صائم ایوب،ساجد خان، شاداب خان ،صفیان مقیم اور طیب طاہر شامل ہیں، امام الحق، محمد حارث، سرفراز احمد، اسامہ میر اورعبدالصمد بھی اسی ایجنٹ سے منسلک ہیں۔
موجودہ ہیڈ کوچ و سلیکٹر عاقب جاوید، محمد حفیظ، وہاب ریاض، عبدالرزاق، کامران اکمل، سہیل تنویر، عمر گل، سعید اجمل اور مصباح الحق کی بھی یہی کمپنی نمائندہ ہے۔
دلچسپ بات یہ ہے کہ کرکٹ میں سایا کارپوریشن کا بھرپور اثر کم کرنے کیلیے پی سی بی نے اقدامات کیے تھے لیکن پھر دوسری کمپنی آئی سی اے حاوی ہو گئی۔
اس حوالے سے مزید تفصیلات حاصل کرنے کیلیے نمائندہ ’’ایکسپریس‘‘ نے مغیز احمد شیخ سے رابطہ کیا تو انھوں نے کوئی جواب نہ دیا۔
سی ٹی ڈی کے پنجاب بھر میں 166 انٹیلی جنس بیسڈ آپریشنز ، 11 دہشتگرد گرفتار