بارشوں کی کمی سے ممکنہ خشک سالی: ربیع سیزن اور چاول کی فصل متاثر ہونے کا خدشہ
اشاعت کی تاریخ: 26th, March 2025 GMT
لاہور(نیوز ڈیسک)پروینشنل ڈیزاسٹر منجمنٹ اتھارٹی (پی ڈی ایم اے) پنجاب نے صوبے میں بارشوں کی کمی کے بعد ممکنہ خشک سالی سے نمٹنے کے لیے الرٹ جاری کر دیا۔
پروینشنل ڈیزاسٹر منجمنٹ اتھارٹی پنجاب کی جانب سے خشک سالی کا الرٹ جاری کر دیا گیا تاہم صوبے بھر کے کمشنر، ڈی سیز اور متعلقہ اداروں کو مراسلہ جاری کر دیا گیا۔
پنجاب کے تمام کمشنرز، ڈپٹی کمشنرز اور متعلقہ اداروں کو لکھے گئے مراسلے میں کہا گیا ہے کہ محکمہ موسمیات کے مطابق پنجاب میں موسم سرما کے دوران 38 فیصد کم بارشیں ہوئی ہیں، جس کے باعث بہاولپور، بہاولنگر اور رحیم یار خان میں خشک سالی کا امکان زیادہ ہے، بارشوں کی کمی سے ربیع کی فصلیں متاثر ہو سکتی ہیں اور چاول کی پیداوار متاثر ہونے سے کسانوں کو نقصان کا اندیشہ ہے۔
پی ڈی ایم اے کے مطابق تھل اور چولستان میں پانی کی متوقع کمی سے نمٹنے کے لیے انتظامات مکمل کر لیے گئے ہیں تاہم انتظامیہ الرٹ رہے اور کسانوں کو ممکنہ آبی قلت کے خدشے بارے پیشگی آگاہ کیا جائے۔
ڈٓائریکٹر جنرل پی ڈی ایم اے عرفان علی کاٹھیا نے ہدایت کی ہے کہ پانی کی متوقع کمی کے حوالے سے آگاہی مہم میں سکول ایجوکیشن ڈیپارٹمنٹ کو حصہ بنایا جائے، احتیاطی تدابیر سے ہی فصلوں اور جانوروں کو نقصان سے بچایا جا سکتا ہے۔
مزیدپڑھیں:مرد ایک بیوی کو سنبھال نہیں پاتے، زائد کو کیسے خوش رکھیں گے؟ ثمن انصاری
ذریعہ: Daily Ausaf
کلیدی لفظ: خشک سالی
پڑھیں:
عید کی آمد، لاہور میں ڈولفن سکواڈ کی سکیورٹی ہائی الرٹ
وقاص احمد: عید کی آمد کے پیش نظر لاہور میں ڈولفن سکواڈ نے سکیورٹی کے انتظامات کو ہائی الرٹ کر دیا ہے۔ ایس پی ڈولفن نے اہم تجارتی مراکز، مارکیٹوں، اور بازاروں کے اردگرد خصوصی پٹرولنگ کی ہدایات دی ہیں تاکہ عید کے دوران عوام کی سکیورٹی کو یقینی بنایا جا سکے۔
ڈولفن سکواڈ نے پتنگ بازی، ون ویلنگ اور ہوائی فائرنگ کے خلاف کریک ڈاؤن جاری رکھا ہے۔ گزشتہ 48 گھنٹوں کے دوران شہر کے مختلف علاقوں سے 49 ملزمان کو گرفتار کیا گیا۔ ترجمان ڈولفن کے مطابق، ڈیفنس، مال روڈ، کینال روڈ، جیل روڈ، بند روڈ سمیت دیگر علاقوں سے 44 ون ویلرز گرفتار کیے گئے ہیں۔
فیس بک میں بڑی تبدیلی کا اعلان
پتنگ بازی اور ہوائی فائرنگ میں ملوث 5 ملزمان کو ساندہ، اڈہ پلاٹ اور برکی سے گرفتار کیا گیا ہے۔ ملزمان کے قبضے سے پتنگیں، پمپ ایکشن گنیں، گولیاں اور میگزینز برآمد کیے گئے ہیں۔
ملزمان کے خلاف کارروائی کو گلبرگ، غالب مارکیٹ، ریس کورس، نصیر آباد اور دیگر علاقوں میں مزید تیز کیا گیا ہے۔ ڈولفن سکواڈ کی جانب سے عید کے موقع پر سکیورٹی کی صورت حال کو مزید مستحکم کرنے کے لیے بھرپور اقدامات کیے جا رہے ہیں۔
صائم ایوب پی ایس ایل 10 کا حصہ ہونگے یا نہیں؟ فیصلہ آج متوقع
پانی کی قلت سنگین مسئلہ، فوری اقدامات ناگزیر ہیں: صدر، وزیراعظم