موسمیاتی حالات کی شدت کے باعث غذائی تحفظ کے سنگین مسائل ہیں، عالمی بینک
اشاعت کی تاریخ: 26th, March 2025 GMT
اسلام آباد:
عالمی بینک نے کہا ہے کہ دنیا بھر میں خوراک کی کمی اور موسمیاتی حالات کی شدت کے باعث غذائی تحفظ کے حوالہ سے سنگین مسائل سامنے آرہے ہیں اور خاص طور پر کم آمدنی والے ممالک میں خوراک کی قیمتوں میں اضافہ ہو رہا ہے اور دنیا بھر میں کم آمدنی والے 79 فیصدممالک میں غذائی اشیا کی قیمتوں میں 5 فیصدسے زیادہ اضافہ ہوا ہے۔
غذائی تحفظ سے متعلق عالمی بینک کی حالیہ رپورٹ میں کہا گیا ہے نومبر 2024 سے فروری 2025 تک کے اعداد و شمار کے مطابق کم آمدنی والے79 فیصد ممالک میں خوراک کی قیمتوں میں 5 فیصد سے زیادہ اضافہ ہوا ہے۔
رپورٹ میں بتایا گیا کہ درمیانہ آمدنی اور اعلیٰ آمدنی والے ممالک میں بالترتیب 50 اور 10.
اس ضمن میں بتایا گیا ہے کہ عالمی بینک نے 90 ممالک میں غذائی تحفظ کے لیے اپنی سرگرمیوں میں اضافہ کیا ہے جن میں فوری مدد فراہم کرنے کے لیے سماجی تحفظ کے منصوبوں اور زرعی پیداوار میں اضافہ اور موسمیاتی تبدیلیوں کے حوالے سے طویل مدتی لچکدار حکمت عملیوں کو فروغ دینا شامل ہے۔
رپورٹ کے مطابق عالمی بینک کے ان اقدامات سے 296 ملین افراد کو فائدہ پہنچنے کی توقع ہے۔
عالمی بینک نے زراعت میں قدرتی حل کو فروغ دینے کی ضرورت پر بھی زور دیا ہے حالیہ بلاگ میں عالمی بینک نے 60 برسوں کی مسلسل ترقی کی بات کی ہے جس میں مکئی، چاول، سویا بینز اور گندم کی پیداوار میں اضافے کی وجہ سے زراعت میں بہتری آئی ہے لیکن مستقبل میں ان پیداواروں میں سست روی کا خطرہ بھی ظاہر کیا ہے۔
رپورٹ میں عالمی سطح پر غذائی تحفظ کے بحران کو حل کرنے کے لیے عالمی بینک کے اقدامات اور دیگر بین الاقوامی اداروں کے ساتھ مل کر کام کرنے کی ضرورت پر زور دیا گیا ہے۔
ذریعہ: Express News
کلیدی لفظ: غذائی تحفظ کے میں خوراک کی عالمی بینک ممالک میں
پڑھیں:
حکومت کا مسلسل دوسرے ہفتے مہنگائی میں کمی کا دعوی، 10اشیا مہنگی ہو گئیں
حکومت کا مسلسل دوسرے ہفتے مہنگائی میں کمی کا دعوی، 10اشیا مہنگی ہو گئیں WhatsAppFacebookTwitter 0 28 March, 2025 سب نیوز
اسلام آباد(سب نیوز)حکومت نے مہنگائی کی شرح میں مسلسل دوسرے ہفتے کمی کا دعوی کیا ہے جب کہ اسی دورانیے میں 10 اشیائے ضروریہ مزید مہنگی ہو گئیں۔وفاقی ادارہ شماریات کی جانب سے جاری کیے گئے اعداد و شمار میں بتایا گیا ہے کہ ملک میں مسلسل دوسرے ہفتے کے دوران مہنگائی کی شرح میں اضافے کی رفتار 0 اعشاریہ15فی صد کم ہوئی ہے جب کہ ملک میں سالانہ بنیادوں پر مہنگائی بڑھنے کی شرح منفی 1اعشاریہ26فیصد ریکارڈ کی گئی ہے۔
وفاقی ادارہ شماریات نے ہفتہ وار بنیادوں پر مہنگائی کی رپورٹ جاری کی، جس میں بتایا گیا کہ ایک ہفتے میں 10 اشیائے ضروریہ کی قیمتوں میں اضافہ ہوا، 10 اشیا کی قیمتوں میں کمی جب کہ 31اشیا کی قیمتیں مستحکم رہیں۔ ایک ہفتے میں پرنٹڈ لان کی قیمت میں 0اعشاریہ62فیصد، ایل پی جی کی قیمتوں میں1اعشاریہ17فیصد ، لانگ کلاتھ کی قیمتوں میں 0 اعشاریہ29فیصد، گڑکی قیمتوں میں0اعشاریہ51فیصد، ٹماٹر کی قیمتوں میں9اعشاریہ62فیصد، بیف کی قیمتوں میں 0 اعشاریہ 30فیصد،سرسوں کے تیل کی قیمتوں میں0اعشاریہ13فیصد اضافہ ہوا ہے۔اسی طرح ویجی ٹیبل گھی کی قیمتوں میں0اعشاریہ10 فیصد ،دال ماش کی قیمتوں میں0اعشاریہ56فیصد اوردال مسور کی قیمتوں میں0اعشاریہ20فیصد اضافہ ہوا ہے۔علاوہ ازیں آلو کی قیمتوں میں1اعشاریہ47فیصد،پیاز کی قیمتوں میں4اعشاریہ68فیصد، لہسن کی قیمتوں میں2اعشاریہ23فیصد، انڈوں کی قیمتوں میں 3 اعشاریہ87فیصد، دال چنا کی قیمتوں میں0اعشاریہ67فیصد، چکن کی قیمتوں میں1اعشاریہ29فیصد،چینی کی قیمتوں میں 0 اعشاریہ 94 فیصد اورکیلوں کی قیمتوں میں4اعشاریہ27فیصد کمی واقع ہوئی ہے۔
اعدادوشمار میں بتایا گیا ہے کہ حالیہ ہفتے کے دوران حساس قیمتوں کے اعشاریہ کے لحاظ سے سالانہ بنیادوں پر 17 ہزار 732روپے ماہانہ تک آمدنی رکھنے والے طبقے کے لیے مہنگائی میں اضافے کی شرح0اعشاریہ21فیصدکمی کے ساتھ منفی1اعشاریہ77 فیصد رہی۔اسی طرح 17ہزار 733روپے سے 22 ہزار 888روپے ماہانہ تک آمدنی رکھنے والے طبقے کے لیے مہنگائی میں اضافے کی شرح 0اعشاریہ20فیصدکمی کے ساتھ منفی1اعشاریہ98فیصد، 22 ہزار 889روپے سے 29 ہزار 517 روپے ماہانہ تک آمدنی رکھنے والے طبقے کے لیے مہنگائی میں اضافے کی شرح0اعشاریہ16فیصدکمی کے ساتھ منفی1اعشاریہ69فیصد کمی واقع ہوئی البتہ 29 ہزار 518روپے سے 44ہزار 175 روپے ماہانہ تک آمدنی رکھنے والے طبقے کے لیے مہنگائی میں اضافے کی شرح0اعشاریہ16فیصدکمی کے ساتھ منفی 1اعشاریہ17فیصد رہی جب کہ 44 ہزار 176روپے ماہانہ سے زائد آمدنی رکھنے والے طبقے کے لیے مہنگائی میں اضافے کی شرح0اعشاریہ13فیصدکمی کے ساتھ منفی 0اعشاریہ59فیصدرہی ہے۔
حسن نواز کے جارحانہ کھیل نے حارث رؤف کا سنگ میل چُھپا دیا