قرضوں کا خاتمہ اور معاشی استحکام لمبی جدوجہد، محنت کرتے رہے تو پاکستان ضرور ترقی کریگا: وزیراعظم
اشاعت کی تاریخ: 26th, March 2025 GMT
اسلام آباد: وزیراعظم شہباز شریف نے کہا ہے کہ ملک کو معاشی استحکام کی راہ پر گامزن کرنا ایک طویل اور مشکل سفر ہے، لیکن انتھک محنت اور لگن کے ذریعے پاکستان کو ترقی کی منازل تک پہنچایا جائے گا۔
وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ عالمی مالیاتی ادارے (آئی ایم ایف) کے ساتھ اسٹاف لیول معاہدہ طے پا گیا ہے، جو حکومت کی دن رات کی محنت اور مؤثر حکمتِ عملی کا نتیجہ ہے۔ انہوں نے کہا کہ معاہدے کے خلاف رکاوٹیں کھڑی کرنے والے ناکام رہے، اور مختصر وقت میں یہ اہم سنگِ میل عبور کیا گیا۔
شہباز شریف نے کہا کہ گزشتہ سال آئی ایم ایف کا ٹیکس ہدف 9 ٹریلین روپے تھا، جبکہ رواں سال یہ ہدف 12.
ان کا کہنا تھا کہ عدالتوں میں زیر التوا مقدمات میں کھربوں روپے پھنسے ہوئے ہیں، جن کی وصولی کے لیے اقدامات تیز کر دیے گئے ہیں، اور اب تک 34 ارب روپے ریکور کیے جا چکے ہیں۔
انہوں نے مزید کہا کہ دہشت گردی اور مہنگائی جیسے چیلنجز کے باوجود اس معاہدے کی تکمیل حکومت کی سنجیدگی کا مظہر ہے، اس ہدف کے حصول میں عوام نے بھی بڑی قربانیاں دیں، اور عام شہری کا کردار انتہائی اہم رہا۔
وزیراعظم نے آئی ایم ایف کے ساتھ معاہدے میں معاونت کرنے والی حکومتی ٹیم، وزیر خزانہ، نائب وزیراعظم اور دیگر وزرا کا شکریہ ادا کرتے ہوئے آرمی چیف کے کردار کو بھی سراہا۔ انہوں نے اس عزم کا اظہار کیا کہ قرضوں سے نجات حاصل کرکے پاکستان کو اپنے پاؤں پر کھڑا کرنا ہے، اور اس کے لیے امن و استحکام اور مضبوط معیشت ناگزیر ہے۔
شہباز شریف کا کہنا تھا کہ ٹیکس نیٹ کو وسعت دینے اور شفافیت یقینی بنانے کے لیے فیس لیس انٹرایکشن سسٹم پر کام جاری ہے، جبکہ چینی کی فروخت میں ٹیکس چوری روکنے کے لیے بھی سخت اقدامات کیے جا رہے ہیں۔
ذریعہ: Al Qamar Online
کلیدی لفظ: ٹریلین روپے آئی ایم ایف شہباز شریف انہوں نے کے لیے
پڑھیں:
آئی سی سی آئی خواتین کی معاشی سرگرمیوں میں حصہ لینے کا پرجوش حامی ہے ،اکرم فرید
اسلام آباد:سابق صدر، اسلام آباد چیمبر آف کامرس اینڈ انڈسٹری (آئی سی سی آئی) ، چئیرمین سینٹرل ایمپلائر فیڈریشن آف پاکستان میاں اکرم فرید نے پاکستانی خواتین کی ملکی کاروباری سرگرمیوں میں فعال حصہ لینے پر مسرت کا اظہار کرتے ہوئے کہا کہ پاکستانی آبادی کا تقریبا نصف حصہ خواتین پر مشتمل ہے اور ہمیں ان کی بھرپور حوصلہ افزائی کرنی چاہیئے تاکہ یہ ملکی معیشت کے استحکام میں مزید تندہی سے حصہ لیں۔ حکومت نے اسمال اینڈ میڈیم انٹرپرائز (ایس ایم ایز) میں خواتین کی شمولیت کی حوصلہ افزائی کے لئے خصوصی فنڈز مختص کئے ہیں ۔ یہ بات انھوں نے اسلام آباد وویمن چیمبر آف کامرس اینڈ انڈسٹر ی کی طرف سے منعقد افطار ڈنر سے خطاب کرتے ہوئے کہی۔ اس موقع پر وویمن چیمبر کی بانی صدر ثمینہ فاضل نے مہمانان گرامی کو خوش آمدید کہتے ہوئے انھوں نے چیمبر کی کارکردگی پیش کی اور خواتین کی کاروباری سرگرمیوں کے بارے میں چیمبر کی خدمات کا ذکر کیا۔ مہمان خصوصی سابق وفاقی محتسب برائے انسداد ہراسانی کشمالہ طارق نے وویمن چیمبر کی کارکردگی پر مسرت کا اظہار کرتے ہے کہا کہ مجھے فخر ہے کہ میں اس چیمبر کا حصہ ہوں ۔ انھوں نے کہا کہ پاکستانی خواتین اپنی قابلیت میں کسی سے کم نہیں اور آج نہ صرف پاکستان بلکہ بیرون پاکستان بھی ہماری خواتین اپنی قابلیت کے جھنڈے گاڑ رہی ہیں۔ حکومت پاکستان خواتین کی ترقی کے لئے پرجوش ہے اور خواتین کو چاہئے کہ کاروباری سرگرمیوں میں بھرپور حصہ لیں۔ اس موقع پر اسلام آباد چیمبر آف کامرس اینڈ انڈسٹری (آئی سی سی آئی) کے صدر اور تقریب کے مہمان اعزازی ناصر قریشی نے اسلام آباد وویمن چیمبر کو خواتین کی ترقی میں فعال کردار ادا کرنے پر مبارکباد پیش کرتے ہوئے کہا کہ آئی سی سی آئی ہمیشہ سے خواتین کی معاشی سرگرمیوں میں حصہ لینے کا پرجوش حامی ہے اور ہم اپنی خواتین ممبران کی انکی کاروبار میں ترقی کے لئے مدد کرتے ہیں۔ انھوں نے آئی سی سی آئی کے زیر اہتمام بیرون ملک ہونے والی کاروباری نمائش کے وفود میں خواتین کو شمولیت کی دعوت بھی دی۔ اس تقریب میں اسلام آباد وویمن چیمبر آف کامرس اینڈ انڈسٹر ی کی سینئر نائب صدر شمائلہ ناز، نائب صدر رابعہ فرحان ، سابق صدر نائمہ انصاری و دیگر اعلی عہدیداران اور ممبران نے بھرپور شرکت کی۔
Post Views: 3
عائزہ خان بھارتی فلم میں کام کرنے والی ہیں؟