مرد ایک بیوی کو سنبھال نہیں پاتے، زائد کو کیسے خوش رکھیں گے؟ ثمن انصاری
اشاعت کی تاریخ: 26th, March 2025 GMT
کراچی(شوبز ڈیسک)سینئر اداکارہ و ٹی وی میزبان ثمن انصاری کا کہنا ہے کہ بطور انسان مرد ایک بیوی کو سنبھال نہیں پاتے، ایسے میں وہ ایک سے زائد خواتین کو کیسے خوش رکھ سکتے ہیں؟
ثمن انصاری حال ہی میں ’ایف ایچ ایم‘ پوڈکاسٹ میں شریک ہوئیں، جہاں انہوں نے اپنی شادیوں سمیت مرد کی ایک سے زائد شادیوں پر بھی بات کی۔
پروگرام کے دوران انہوں نے بتایا کہ ان کی پہلی شادی 16 سال تک چلی اور طلاق ہونے کے کچھ ہی عرصے بعد ان کے پہلے شوہر نے دوسری شادی کرلی تھی۔
اداکارہ کے مطابق کیوں کہ ماں تھیں اور انہیں اپنا کیریئر بھی بنانا تھا، اس لیے انہوں نے طلاق کے بعد فوری طور پر دوسری شادی نہیں کی لیکن بعد میں انہوں نے بھی دوسری شادی کرلی۔
انہوں نے بتایا کہ طلاق کے فوری بعد ان کے پہلے شوہر کی جانب سے شادی کرنے پر اب اگر وہ سوچیں کہ ان کا پہلے ہی کسی خاتون سے افیئر تھا تو یہ غلط ہوگا، یہ ان کا کام نہیں، وہ جانیں اور ان کا کام جانیں۔
مرد کی دوسری شادی کے سوال پر اداکارہ کا کہنا تھا کہ اگر پہلی شادی کے وقت ہی مرد یہ عندیہ دے دے کہ وہ دوسری شادی بھی کر سکتا ہے تو کوئی مسئلہ نہیں ہوگا۔
ثمن انصاری کا کہنا تھا کہ بہت ساری خواتین مرد کی ایک سے زائد شادیوں کو تسلیم کرتی ہیں، اس لیے مرد کو پہلی ہی شادی کے وقت نکاح نامے میں یہ بات کہنی چاہیے کہ وہ دوسری شادی بھی کر سکتا ہے۔
انہوں نے واضح کیا کہ مرد کی دوسری شادی کا معاملہ مرد کا ذاتی مسئلہ اور پھر ان کی پہلی بیوی کا مسئلہ ہے، ان دونوں کو ہی افہام و تفہیم کے ساتھ معاملے کو حل کرنا چاہیے۔
اداکارہ نے کہا کہ لیکن مرد کو دوسری شادی سے قبل پہلی بیوی سے اجازت لینی چاہیے اور جہاں تک انہیں معلوم ہے کہ مذہب بھی اس بات کی تاکید کرتا ہے کہ مرد دوسری شادی سے قبل پہلی بیوی سے اجازت لے۔
ثمن انصاری کا کہنا تھا کہ لیکن بطور انسان مرد ایک بیوی نہیں سنبھالتا، وہ ایک سے زائد خواتین کو کیسے خوش رکھ سکے گا؟
ان کا کہنا تھا کہ اگر مرد دوسری شادی بھی کرتا ہے تو اس کا فرض ہے کہ تمام خواتین کو یکساں حقوق اور خوشیاں فراہم کرے۔
مزیدپڑھیں:یاسر حسین اور نوشین شاہ میں اختلافات ختم، گلے ملنے کی ویڈیو وائرل
ذریعہ: Daily Ausaf
کلیدی لفظ: کا کہنا تھا کہ ایک سے زائد انہوں نے مرد کی
پڑھیں:
ملتان، علامہ راجہ ناصر عباس جعفری کی اپیل پریوم القدس کل منایا جائے گا، علامہ قاضی نادر علوی
امام بارگاہ ابوالفضل العباس سے نکلنے والی ریلی کی قیادت مجلس علما مکتب اہلبیت کے صوبائی صدر علامہ قاضی نادر حسین علوی، علامہ غلام مصطفی انصاری، علامہ سلطان احمد نقوی، علامہ غلام جعفر انصاری، انجینئر سخاوت علی سیال اور دیگر کریں گے۔ اسلام ٹائمز۔ قبلہ اول بیت المقدس کی آزادی اور فلسطین پر جاری اسرائیلی جارحیت کے خلاف ملک بھر کی طرح ملتان میں بھی کل یوم القدس منایا جائے گا، مجلس علمائے مکتب عہلیبیت جنوبی پنجاب کے صوبائی صدر علامہ قاضی نادر حسین علوی نے کہا ہے کہ نماز جمعہ کے بعد ملتان میں امام بارگاہ ابوالفضل العباس سے چوک کماراں والا تک مرکزی یوم القدس ریلی نکالی جائے گی۔ ریلی کی قیادت مجلس علما مکتب اہلبیت کے رہنما علامہ قاضی نادر حسین علوی، علامہ غلام مصطفی انصاری، علامہ سلطان احمد نقوی، علامہ غلام جعفر انصاری، انجینئر سخاوت علی سیال اور دیگر کریں گے۔ مجلس وحدت مسلمین عزاداری ونگ، وحدت یوتھ پاکستان، مجلس علمائے مکتب اہل بیت، شیعان حیدر کرار، مجلس اتحاد بین المومنین اور جامعہ شہید مطہری کے زیراہتمام سالانہ ریلی نماز جمعہ کے بعد شروع ہوگی جو اپنے روایتی راستوں سے ہوتی ہوئی چوک کمہاراں والا پر پہنچے گی، جہاں پر علما اور قائدین خطاب کریں گے، ریلی کے اختتام پر امریکہ اور اسرائیل کے پرچم بھی نظر آتش کیے جائیں گے۔
پانی آئندہ نسلوں کے محفوظ مستقبل کی ضمانت ہے: مریم نواز