واپڈاافسران وملازمین کوعیدپر ایک بنیادی تنخواہ بطوربونس ملے گی
اشاعت کی تاریخ: 26th, March 2025 GMT
شاہد ندیم سپرا:واپڈاکےافسران وملازمین کےلئے خوشخبری،عیدالفطرپربنیادی تنخواہ بطوربونس دینےکی منظوری دیدی گئی۔
منظوری ملنےپر واپڈاکےافسران وملازمین کو بونس کی ادائیگی کانوٹیفکیشن جاری کردیاگیا۔
نوٹیفکیشن کے مطابق ڈیلی ویجز، کنٹریکٹ وریگولرافسران وملازمین بونس کےاہل ہونگے، بیرون ممالک جانےوالوں کوبونس نہیں ملے گا۔
ذریعہ: City 42
پڑھیں:
پنجاب کابینہ: اسپیشل افراد، بزرگوں اور طلبہ کے لیے مفت سفر کی منظوری
پنجاب کابینہ نے صوبے میں اسپیشل افراد، بزرگوں اور طلبہ کے لیے مفت سفر کی سہولت کی منظوری دے دی۔
وزیراعلیٰ پنجاب مریم نواز شریف کی زیر صدارت صوبائی کابینہ کا 24واں اجلاس اجلاس ہوا، جس میں اہم فیصلے کیے گئے۔
یہ بھی پڑھیں وفاق کے بعد پنجاب کابینہ میں بھی توسیع، نئے وزرا کون ہوسکتے ہیں؟
اجلاس میں پنجاب میں اسپیشل افراد، بزرگوں اور طلبہ کے لیے مفت سفر کی سہولت کی منظوری دے دی گئی، جبکہ طلبہ کے لیے ٹرانسپورٹ کارڈ جاری کرنے کی تجویز کا جائزہ لیا گیا۔
وزیراعلیٰ مریم نوازشریف نے چکن کے نرخ کم کرنے کے لیے مؤثر اقدامات کی ہدایت کی۔
اجلاس میں جنسی جرائم کے لیے اسپیشل انویسٹی گیشن یونٹس کے قیام کی منظوری دے دی گئی، جبکہ ریپ کے واقعات کی روک تھام کے لیے اقدامات یقینی بنانے کی ہدایت کی گئی۔
کابینہ اجلاس میں بھکر اور بہاولنگر میں ایئرپورٹ بنانے کا اصولی فیصلہ کرلیا گیا، جبکہ ضلع بھکر میں ایئر ایمبولینس سروس کے لیے ایئر اسٹرپ کی تعمیر کے فنڈز کی منظوری دے دی گئی۔
اجلاس میں پنجاب کی ایئر لائن سروس کے آغاز کی تجویز کا جائزہ بھی جائزہ لیا گیا۔
وزیراعلیٰ مریم نوازشریف نے ٹریفک چالان اور جرمانے کی وصولی یقینی بنانے کا حکم دیتے ہوئے کہاکہ جرمانے کی عدم ادائیگی پر زیروٹالرنس پالیسی اپنائی جائے۔
وزیراعلیٰ مریم نوازشریف نے لیگل ریفامز کے لیے پلان طلب کرلیا، جبکہ کابینہ میں نئے ایڈووکیٹ جنرل امجد پرویز کی تعیناتی کا خیر مقدم کیا گیا۔
اجلاس میں گفتگو کرتے ہوئے مریم نواز نے کہاکہ حکومت آتے ہی سفارشوں کی لائن لگ گئی تھی لیکن کسی بھی سفارش پر عمل نہیں کیا۔
انہوں نے کہاکہ لا آفیسرز کی 100 فیصد میرٹ پر تعیناتی ہونی چاہیے، تاکہ کوئی انگلی نہ اٹھا سکے۔ زیادتی کے واقعات کا سن کر سرشرم سے جھک جاتا ہے۔
انہوں نے کہاکہ پنک سالٹ پاکستان کا ہے صرف پیکجنگ کرکے فائدہ دوسرے ممالک اٹھا رہے ہیں، اللہ تعالیٰ کا شکر ہے کہ شہریوں نے نگہبان رمضان پر نہایت مثبت رسپانس دیا ہے۔
مریم نواز نے کہاکہ 25 لاکھ 64 ہزار گھرانوں کو نگہبان رمضان 2025 کے چیک مل چکے ہیں، خوشی ہوئی کہ وفاق اور دیگر صوبوں نے پنجاب کے رمضان پیکج کو فالو کیا۔
انہوں نے کہاکہ جلد 1.5 ملین گھرانوں کو راشن کارڈ دینے جارہے ہیں، کسی صوبے کا پانی نہیں لے رہے، جواب دیں گے۔
وزیراعلیٰ مریم نوازشریف نے عیدالفطر پراشیائے خورونوش کے نرخ پر کنٹرول رکھنے کی کڑی ہدایت کی۔
انہوں نے کہاکہ پہلی بار رمضان میں قیمتیں کنٹرول میں رہیں، لائنز نہیں لگی اور دھکم پیل نہیں ہوئی، 15 سال میں سب سے سستا رمضان بازار لگانے پر سلمیٰ بٹ اورپوری ٹیم کو شاباش دیتی ہوں۔
صوبائی کابینہ نے 40 ہزار اسپیشل طلبہ کو وزیراعلیٰ مریم نوازشریف کی طرف سے عید گفٹ دینے پر خراج تحسین پیش کیا۔
اجلاس میں طلبہ کے لیے گریڈ نگ سسٹم کے لیے ورلڈ بینک سے معاہدہ سائن کرنے کی منظوری دے دی گئی، جبکہ پنجاب فرٹیلائزر کنٹرول ایکٹ کی خلاف ورزی پر جرمانے بڑھا دیے گئے۔
اجلاس میں ناجائز اسلحہ کے تدارک کے لیے پنجاب آرمز آرڈیننس کی خلاف ورزی پر جرمانے اور سزا مزید سخت کردی گئی۔ جبکہ پیدائش اور ڈیٹھ رجسٹریشن سرٹیفکیٹ کی فیس ایک سال کے لیے معاف کر دی گئی۔
اجلاس میں نادار اور مستحق افراد کو مفت قانونی امداد یقینی بنانے کے لیے پنجاب لیگل ایڈ رولز میں ترمیم کی منظوری دے دی گئی۔
وزیراعلیٰ مریم نوازشریف نے پنجاب میں چاول کی دو فصلیں کاشت کرنے کی پابندی کی تجویز کو مسترد کردیا۔
اجلاس میں 664 بصارت سے محروم افراد (VIPs) کو ڈیلی ویجز پر ایڈجسٹ کرنے کی منظوری دے دی گئی، جبکہ بصارت سے محروم افراد (VIPs) کی مزید سماجی شمولیت کے لیے تجاویز کی منظوری دی گئی۔
اجلاس میں پنجاب کرائم کنٹرول ڈیپارٹمنٹ میں 3904 آسامیوں کے قیام کی منظوری دی گئی، جبکہ شیخ زید میڈیکل کالج، رحیم یار خان کے نئے کارڈیک سینٹر کے لیے ایڈہاک، کنٹریکٹ بنیادوں پر بھرتیوں کی اجازت کی منظوری دے دی گئی۔
اجلاس میں پنجاب لائف انشورنس کمپنی (PLIC) میں کلیدی عہدوں پر بھرتی کے لیے سلیکشن کمیٹی کی منظوری دے دی گئی۔
اجلاس میں محکمہ خزانہ کے اسپیشلائزڈ یونٹ میں خالی آسامیوں پر نئی بھرتیوں کی منظوری دے دی گئی۔
اجلاس میں نواز شریف سینٹر آف ایکسی لینس فار ارلی چائلڈ ایجوکیشن، چلڈرن لائبریری کمپلیکس لاہور کے لیے 32 نئی آسامیوں کے قیام کی منظوری دے دی گئی۔
یہ بھی پڑھیں پنجاب کابینہ کا احتجاج میں زخمی اور شہید پولیس اہلکاروں کے لیے امدادی پیکج کا اعلان
اجلاس میں فسادات سے نمٹنے کے لیے 2 ہزار نفری پر مشتمل رائٹ مینجمنٹ (Riot Management) پولیس کے قیام کی منظوری دے دی گئی، جبکہ کرائم کنٹرول ڈیپارٹمنٹ کے قیام کی منظوری بھی دے دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اہم فیصلے پنجاب کابینہ مریم نواز مفت سفر وزیراعلٰی پنجاب وی نیوز
سعودی عرب سے پاکستان کو بڑی مدد: آئی ایم ایف قسط ملنے کی راہ ہموار